മലയാളിയുടെ ബ്ലോഗിലേക്ക് സ്വാഗതം...

ബഷീർ: എഴുത്തിന്റെ അറകൾ

2011-12-05T15:30:00.002+05:30

ബഷീർ എനിക്കെന്നും പ്രിയപ്പെട്ട എഴുത്തുകാരനാണ്. അതുകൊണ്ടു തന്നെയാണ്, ബഷീറിന്റെ ചിത്രം കണ്ടപ്പോൾ ഞാൻ അറിയാതെ നിന്നു പോയതും. ഈ അടുത്ത് വായിച്ച നല്ലൊരു പുസ്തകമാണ് ‘ബഷീർ - എഴുത്തിന്റെ അറകൾ’

ഇസ്‌ലാമിക ആത്മീയതയുടെ ആഴവും അർഥവും ആവോളം നുകർന്ന പ്രതിഭാവിസ്മയമായിരുന്നു ബഷീർ.

ബഷീറിന്റെ രചനാ സങ്കേതങ്ങളെ എങ്ങനെയാണ് വിശുദ്ധ ഖുർ‌ആനും ദൈവവിശ്വാസവും സ്വാധീനിച്ചതെന്ന വായന, മലയാളത്തിൽ വേണ്ടവിധം ഉണ്ടായിട്ടില്ല.

രാത്രികാലത്ത് ഉണർന്നിരുന്ന് ദൈവസങ്കീർത്തനങ്ങളിൽ മുഴുകിയ, ഇസ്‌ലാമിക ചരിത്രത്തെ കൌതുകപൂർവം വായിച്ചാസ്വദിച്ച, ഖുർ‌‌ആനിനെയും ഹദീഥിനേയും സൌന്ദര്യാത്മകമായി നുകർന്ന, അല്ലാഹുവിനെ ഹൃദയം നിറയെ പുണർന്ന, മറ്റൊരു ബഷീറിനെ പരിചയപ്പെടാൻ തീർച്ചയായും ഈ പുസ്തകം ഉപകരിക്കും.

പുസ്തകത്തിൽ നിന്ന്:

“.... ചരടു മന്ത്രിച്ചു കെട്ടിയാൽ ദീനം മാറുകയില്ല എന്നും ഭാഗ്യം നേടുകയില്ലായെന്നും ഒരു കാലം മുഴുവൻ കേരളീയ മുസ്‌ലിം സമുദായത്തോട് പ്രസംഗിച്ചവരുടെ ആശയപരമായ മാറ്റൊലിയാണ് ബഷീറിന്റെ ‘മന്ത്രച്ചരട്’ എന്ന കഥ.”

-ഇബ്രാഹിം ബേവിഞ്ച.

144 പേജുകളിലായി എം എ റഹ്മാൻ, ആഷാമേനോൻ, ഇബ്രാഹിം ബേവിഞ്ച തുടങ്ങിയ പ്രഗത്ഭരുടെ രചനകളെ മനോഹരമായി അനീസുദ്ദീൻ അഹ്മദ് എഡിറ്റ് ചെയ്തിരിക്കുന്നു. എല്ലാവരും വായിച്ചിരിക്കേണ്ട പുസ്തകം.

പ്രതീക്ഷ ബുക്സ്, വില 85.00 രൂപ

ഞാനെന്റെ നാട്ടിലേക്ക് പോവ്വാട്ടാ...!

2011-10-13T03:12:00.001+05:30

വീണ്ടും ഒരവധി...
ഇത് പക്ഷേ യു എ ഇയോട് വിടപറഞ്ഞുള്ള പോക്കാണ്!
മതി, ഈ പ്രവാസം എന്ന് തോന്നിത്തുടങ്ങിയിട്ടു കുറേ കാലങ്ങളായി...

ഇപ്പോഴായിരിക്കും സമയമായത്!
വേർപാട് വേദനതന്നെയാണ്!
നാട്ടിലേക്ക് പോകുന്നു എന്ന സന്തോഷം ഉണ്ടെങ്കിലും, ഇവിടെ യു എ ഇയിലുള്ള കൂട്ടുകാരെ വിട്ടകന്ന് പോകുന്നതിൽ ദുഃഖമുണ്ട്...
ഇനി നാട്ടിൽ ചെന്നിട്ട് കാണാം, ദൈവാനുഗ്രഹമുണ്ടാകട്ടെ....

നിങ്ങളുടെയൊക്കെ പ്രാർഥനകളിൽ ഈയുള്ളവനെയും ഉൾപെടുത്തുക.

ബ്ലോഗുകളും, ഫെയ്സ്ബുക്കും, ജി ടോക്കും ഉള്ളിടത്തോളം നമ്മൾ അകലുകയില്ല എന്ന് ഉറപ്പുതരാം!
ഇതൊന്നും ഇല്ലെങ്കിലും നിങ്ങളെല്ലാരും എന്റെ മനസിലുണ്ടാകും... :)

എവിടെയെങ്കിലുമൊക്കെ വെച്ച് നമുക്ക് കാണാം... :)

നാട്ടിലുള്ളവർ വിളിച്ചാൽ കിട്ടും : +91 9846 887 883 / razakma@gmail.com

എന്നാ ഞാനിറങ്ങാ ട്ടോ...

നുണകൾ ആദർശമാകുന്നു

2011-10-01T04:10:00.003+05:30

_____» ടി റിയാസ് മോൻ.

ഫാസിസം തെറ്റിദ്ധാരണകൾ പരത്തുകയാണ് 2

സാമ്രാജ്യത്വം നടത്തുന്ന ഓരോ നയതന്ത്രഇടപാടും കൃത്യമായ ലക്ഷ്യത്തോടെയാണ്. അമേരിക്കൻ സാമ്രാജ്യത്വം നടത്തുന്ന അനീതിയുടെ ലോകവാഴ്ചകൾക്ക് ആഗോള സമൂഹത്തിന്റെ അംഗീകാരം നേടിയെടുക്കാനുള്ള ശ്രമങ്ങൾ അവ സ്ഥിരമായി നടത്തികൊണ്ടിരിക്കുന്നു. അമേരിക്കൻ കോൺസുലേറ്റുകളുടെ ഈ സാംസ്കാരിക വിനിമയവും, പഠനയാത്രകളും അമേരിക്കയുടെ ഈ തന്ത്രത്തിന്റെ ഭാഗമാണ് എന്നതിൽ സംശയമില്ല. അമേരിക്ക അപകടകാരിയല്ല എന്ന് അമേരിക്കൻ അനുകൂലികളെ കൊണ്ടും ശത്രുക്കളെ കൊണ്ടും നിരന്തരം പറയിപ്പിക്കാൻ അമേരിക്ക ശ്രമിച്ചു കൊണ്ടിരിക്കുന്നു. അമേരിക്കയുമായി നയതന്ത്രബന്ധം ഉള്ള രാജ്യങ്ങളിലെ രാഷട്രീയ-മത-സാമൂഹ്യ നേതൃത്വങ്ങളുമായി അമേരിക്ക നിരന്തരം ഇത്തരം സംവാദങ്ങൾ നടത്തുന്നുണ്ട്. അമേരിക്കയെ കുറിച്ച് ലോകം എങ്ങനെ ചിന്തിക്കുന്നുവെന്ന് അറിയാനുള്ള മികച്ച പബ്ലിക് റിലേഷൻ തന്ത്രം കൂടിയാണ് ഇത്തരം അന്താരാഷ്ട്ര സാംസ്കാരിക വിനിമയവും, യാത്രകളും എല്ലാം.

അമേരിക്ക മാത്രമല്ല, ലോകത്തെ ഒട്ടു മിക്ക വികസിത- വികസ്വര രാജ്യങ്ങളും ഖത്തറും, ഇന്ത്യയും, സഊദിയും ഇത്തരം സംരഭങ്ങള് നടത്തുന്നുണ്ട്.

കാലിക്കറ്റ് സര്വകലാശാലയില് പഠനം നടത്താന് അഫ്ഗാന് വിദ്യാര്ഥികള് എത്തുന്നുണ്ട്. ജര്മ്മനിയില് പഠനം നടത്തുന്ന ഒരു ഈജിപ്ഷ്യന് പെണ്കുട്ടി ഇന്ത്യയിലെത്തി പഠനം നടത്തുന്നുണ്ട്. ജുല്ത്തന് ഇബ്രാഹിം എന്ന ആ പെണ്കുട്ടി ഈജിപ്തിലെ രാഷ്ട്രീയത്തെ കുറിച്ച് എം എസ് എഫ് കാമ്പസ് കോണ്ഫറൻസില് പ്രസംഗിച്ചിരുന്നു. വർത്തമാനം ദിനപത്രത്തിന്റെ ഒന്നാം പേജ് വാര്ത്തായിയിരുന്നു അത്.

ഇത്തരം സന്ദര്ശനങ്ങള് ലോകത്ത് സ്ഥിരമായി നടക്കുന്നുണ്ട്. ഐ എസ് എം സംസ്ഥാന പ്രസിഡന്റ് മുജീബ്റഹ്മാന് കിനാലൂര് അമേരിക്ക സന്ദര്ശിച്ചത് ഉയര്ത്തി കാണിച്ച് ഇതാ കേരളത്തിലെ മുജാഹിദ് പ്രസ്ഥാനം അമേരിക്കന് അനുകൂലികളാണ് എന്ന് പ്രചരിപ്പിക്കാനാണ് കേരളത്തിലെ മത തീവ്രവാദി സംഘടന ഇപ്പോള് ശ്രമിക്കുന്നത്. കേരള മുസ്‌‌ലിംകള്ക്ക് സാമ്രാജ്യത്വത്തോടുള്ള എതിര്പ്പിന്റെ ദിശ തിരിച്ചു വിടാനും, അമേരിക്കന് വിരോധത്തെ മുജാഹിദ് വിരോധമാക്കി പരിവര്ത്തിപ്പിക്കാനുമുള്ള ശ്രമങ്ങളാണ് നടക്കുന്നത്.

മുജീബ് റഹ്മാന് കിനാലൂര് അമേരിക്ക സന്ദര്ശിക്കുകയും അതേ കുറിച്ചുള്ള സചിത്ര ഫീച്ചറുകള് പുടവ മാസികയില് പ്രസിദ്ധീകരിച്ചു കൊണ്ടിരിക്കുകയും ചെയ്യുന്നു. ഈ വിവാദത്തിന് ഒരു പത്രം തുടക്കം കുറിക്കുമ്പോളും അദ്ദേഹം വിദേശത്താണ്. മുജീബ്റഹ്മാന് കിനാലൂര് നിരവധി രാജ്യങ്ങള് സന്ദര്ശിച്ചിട്ടുണ്ട്. അതേ കുറിച്ചെല്ലാം എഴുതുകയും ചെയ്തിട്ടുണ്ട്. അമേരിക്കന് സാമ്രാജ്യത്വം അനീതിയുടെ ലോകവാഴ്ച എന്ന പുസ്തകം എഴുതിയതും കിനാലൂരാണ്. യുവതയാണ് അത് പ്രസിദ്ധീകരിച്ചത്. നിഗൂഢതകളില്ലാത്ത യാത്രയാണ് പത്രപ്രവര്ത്തകന് കൂടിയായ മുജീബ് റഹ്മാന് കിനാലൂരിന്റെത് എന്ന് മനസ്സിലാക്കാന് സാമാന്യ ബുദ്ധിമാത്രം മതി. അമേരിക്കന് മുസ്ലിം ജീവിതത്തെ മലയാളികള്ക്ക് പരിചയപ്പെടുത്തുന്നതില് മുജീബ്റഹ്മാന്റെ ലേഖനങ്ങളം പഠനങ്ങളും പങ്കു വഹിച്ചിട്ടുണ്ട്.

കേരളത്തിലെ മുജാഹിദ് പ്രസ്ഥാനം ആഗോള മുസ്ലിം ചലനങ്ങളെ നിരീക്ഷിക്കുകയും, ലോക സമൂഹവുമായി നിരന്തരം ബന്ധം സ്ഥാപിക്കുകയും ചെയ്യുന്ന ഒരു സാമൂഹ്യപ്രസ്ഥാനമാണ്. യോജിപ്പുള്ളവരോടും, വിയോജിപ്പുള്ളവരോടും അത് സഹവര്ത്തിക്കുകയും, സംവദിക്കുകയും ചെയ്യാറുണ്ട്. ഫലസ്തീന് അനുകൂല ജാഥകള് നടത്തുകയും, ഫോട്ടോ പ്രദര്ശനങ്ങള് നടത്തുകയും, ഇന്ത്യയിലെ ഫലസ്തീന് അംബാസഡറെ മലപ്പുറത്തേക്ക് ക്ഷണിച്ച് മലയാളത്തിന്റെ ഐക്യദാര്ഢ്യം അറിയിക്കുകയും ചെയ്തിട്ടുണ്ട്. അമേരിക്കന് മുസ്ലിം പണ്ഡിതനായ ജമാല് ബദവിയെ വയനാട്ടില് കൊണ്ട് വന്ന് മുജാഹിദുകള് പ്രസംഗിപ്പിച്ചിട്ടുണ്ട്. ഇസ്ലാമിക് ഫെമിനിസം ചര്ച്ച ചെയ്യാന് മാര്ഗോബദ്റാന് കോഴിക്കോട്ട് വന്നത് ഫറൂഖ് കോളെജിന്റെ പരിപാടിയില് പങ്കെടുക്കാനാണ്. അന്ന് ഇസ്ലാമിക് ഫെമിനിസവുമായി ബന്ധപ്പെട്ട ചര്ച്ചകള്ക്ക് വര്ത്തമാനം ദിനപത്രം ഉള്പ്പെടെ മികച്ച കവറേജ് നല്കിയിട്ടുണ്ട്. ഇസ്ലാമിക് ഫെമിനിസവുമായി ഇസ്ലാമിക സമുഹത്തിന്റെ പക്ഷത്ത് നിന്ന് സംവദിക്കാനുള്ള ഊര്ജ്ജം മുജാഹിദ് പ്രസ്ഥാനത്തിന് കഴിഞ്ഞ എട്ട് വര്ഷത്തിനിടെ സംഭരിക്കാന് സാധിച്ചുവെന്നതും ചെറിയ കാര്യമല്ല. ഇസ്ലാമിക് ബാങ്കിംങ് ഇപ്പോള് കേരളത്തിലും പ്രധാന ചര്ച്ചയാണ്. ഇസ്ലാമിക് ബാങ്കിംഗുമായി ബന്ധപ്പെട്ട അന്താരാഷ്ട്ര സെമിനാറുകളിലും കേരളത്തിലെ മുജാഹിദ് നേതാക്കള് പങ്കെടുത്തിട്ടുണ്ട്. ഇസ്ലാമിക് ബാങ്കിംഗ് നടപ്പാക്കുന്നതിനെ കുറിച്ചുള്ള കേന്ദ്രസര്ക്കാറിന്റെ പഠനസമിതികളില് ഐ എസ് എം മുന്സംസ്ഥാന പ്രസിഡന്റായിരുന്ന അബൂബക്കര് കാരക്കുന്ന് പങ്കെടുത്തിരുന്നു. ശബാബില് കാരക്കുന്ന് അതേ കുറിച്ച് ലേഖനങ്ങള് എഴുതിയിരുന്നു. ഫാറൂഖ് റൗദത്തുല് ഉലൂമാണ് ഇസ്ലാമിക് ബാങ്കിംഗില് കേരളത്തില് അന്താരാഷ്ട്ര വ്യക്തിത്വങ്ങളെ ഉള്ക്കൊള്ളിച്ച് ശില്പശാല നടത്തിയത്. (ഫാറൂഖ് കോളെജും, സ്ഥാപനങ്ങളും പൊളിച്ചു മാറ്റണം എന്ന് ആവശ്യം ഉയരാന് ഇനി സാധ്യതയുണ്ട്).

അമേരിക്ക സന്ദര്ശിച്ചവര് എല്ലാവരും അമേരിക്കന് ഏജന്റുമാര് ആകുന്നില്ല. അമേരിക്കന് സര്ക്കാറിന്റെ ആതിഥേയത്വം സ്വീകരിച്ചവര് എല്ലാവരും അമേരിക്കന് ചാരന്മാരുമാകുന്നില്ല. ഇതെന്തു ന്യായീകരണം എന്നാകും പോപ്പുലര് ഫ്രണ്ട് പ്രവര്ത്തകന് ചോദിക്കുന്നത്. കൈരളി ചാനലില് പ്രവര്ത്തിച്ചിരുന്ന എന് പി ചെക്കുട്ടി തേജസ് പത്രത്തിന്റെ എക്സിക്യൂട്ടിവ് എഡിറ്ററായ കാരണത്താല് ബുദ്ധിയുള്ളവരാരും ചെക്കുട്ടിയെ എന് ഡി എഫുകാരനായി കണ്ടിട്ടില്ല. തേജസില് ലേഖനമെഴുതിയത് കൊണ്ട് സിവിക് ചന്ദ്രന് ഇസ്ലാമിന്റെ അനുഭാവിയായി പോലും പൊതുസമൂഹത്തില് ചിത്രീകരിക്കപ്പെട്ടിട്ടില്ല.

കുറച്ച് ദിവസങ്ങളായി വികിലീക്സ് വെളിപ്പെടുത്തലുകളുടെ അടിസ്ഥാനത്തില് നടത്തുന്ന നിഴല്യുദ്ധം പോപ്പുലര് ഫ്രണ്ടിന്റെ ചരിത്രമറിയുന്നവര്ക്ക് അദ്ഭുതം ഒന്നും സമ്മാനിക്കുന്നില്ല. വികിലീക്സ് വെളിപ്പെടുത്തലുകളുടെ അടിസ്ഥാനത്തില് വാര്ത്തകള് കഥകളാക്കുമ്പോള് ഒരു കാര്യം മാത്രം ഓര്ക്കണം. വികിലീക്സ് രേഖകള് ഇപ്പോഴും വെബ്സൈറ്റില് ലഭ്യമാണ്. അതിന്റെ വിവര്ത്തനം പൂര്ണ്ണമായി നല്കിയാല് സാമാന്യം ബുദ്ധിയുളളവര്ക്കൊക്കെ കാര്യത്തിന്റെ കിടപ്പ് പിടികിട്ടും.

അമേരിക്കന് നയതന്ത്ര ഉദ്യോഗസ്ഥരോട് സംസാരിക്കുന്നവരൊക്കെ സാമ്രാജ്യത്വ നീരാളികളാണെന്ന വ്യാഖ്യാനം ഉഗ്രനായിട്ടുണ്ട്. പ്രതിപക്ഷ നേതാവ് വി എസ് അച്യുതാനന്ദനോട് അമേരിക്കന് ഉദ്യോഗസ്ഥര് സംസാരിച്ചിട്ടുണ്ട്. വി എസ് അച്യൂതാനന്ദന് സാമ്രാജ്യത്വ നീരാളിയാണോ? പാണക്കാട് മുനവറലി ശിഹാബ് തങ്ങള്, ബഹാവുദ്ദീന് നദ്വി കൂരിയാട് തുടങ്ങിയ മലയാളികള് അമേരിക്ക സന്ദര്ശിച്ചത് അമേരിക്കന് കോണ്സുലേറ്റ് ചെലവിലാണ്. അവരും അമേരിക്കന് ചാരന്മാരാണ് എന്ന് പറയണം. എന്നാല് അത്തരമൊരു വ്യാഖ്യാനം നല്കാതിരിക്കുകയും, എം കെ മുനീറും, ഹുസൈന് മടവൂരും മാത്രം സാമ്രാജ്യത്വത്തിന്റെ ആളുകളാകുകയും ചെയ്യുന്നതിന്റെ യുക്തി അവരാണ് പോപ്പുലര് ഫ്രണ്ടിന്റെ വിമര്ശിക്കുന്നത് എന്നത് മാത്രമാണ്. ഞങ്ങളെ വിമര്ശിക്കുന്നവര് സാമ്രാജ്യത്വ നീരാളികളാണ് എന്ന കുപ്രാചരണം കൊണ്ട് തീവ്രവാദ വിരുദ്ധരുടെ വായടക്കാം എന്ന് വിചാരിക്കുന്നത് മൗഢ്യമാണ്.

അമേരിക്ക സന്ദര്ശിച്ച പാണക്കാട് മുനവ്വറലി ശിഹാബ് ലിബിയയിലെ ഗദ്ദാഫി സര്ക്കാറിന്റെ അതിഥിയായി ട്രിപ്പോളിയും സന്ദര്ശിച്ചിട്ടുണ്ട്. അമേരിക്ക സന്ദര്ശിച്ചയാളെ ലിബിയയിലേക്ക് ക്ഷണിക്കുന്നതില് ഗദ്ദാഫി സര്ക്കാറിന് അനൗചിത്യമൊന്നും തോന്നിയില്ല.

തു ട രും . . . . » »

ആദ്യഭാഗം

ഫാസിസം തെറ്റിദ്ധാരണകൾ പരത്തുകയാണ് 1

Download PDF

ഫാസിസം തെറ്റിദ്ധാരണ പരത്തുകയാണ് 1

2011-09-11T09:56:00.004+05:30

_____» ടി റിയാസ് മോൻ.

അമേരിക്കൻ‍ പ്രസിഡന്റിന്റെ പ്രധാന ജോലി എന്താണ്? ലോകത്തിന്റെ വിവിധ ഭാഗങ്ങളില്‍ നിന്നും വരുന്ന കേബിളുകള്‍ വായിച്ചാണ് അയാള്‍ നേരംകളയുന്നതെന്ന് നാട്ടിന്‍പുറത്തെ ചായമക്കാനികളിലിരുന്ന് വെടിപറയുന്നവര്‍ ഇപ്പോള്‍ നിരീക്ഷിക്കുന്നുണ്ട്. വിക്കിലീക്‌സ് ഒരു മാതിരി നാലാളറിയുന്നവരുടെയൊക്കെ പേരുകള്‍ പരാമര്‍ശിച്ചിട്ടുണ്ട്. അതില്‍ പേരു വരാത്ത ചിലരൊക്കെ അമേരിക്കയോട് ഭയങ്കര ദേഷ്യത്തിലാണ്. ഞങ്ങളെയൊന്നും പേരു പരാമര്‍ശിക്കുക പോലും ചെയ്തില്ലല്ലോ എന്ന പരിഭവത്തിലാണവര്‍.

വിക്കിലീക്‌സ് പ്രസിദ്ധീകരിച്ച അമേരിക്കയുടെ ചെന്നൈ കോണ്‍സുലേറ്റ് അയച്ചു കൊടുത്ത റിപ്പോര്‍ട്ടുകളില്‍ കേരളത്തിലെ പ്രധാനപ്പെട്ട മുഴുവന്‍ രാഷ്ട്രീയ സംഘടനകളെയും പരാമര്‍ശിക്കുന്നുണ്ട്. എം കെ മുനീറും, രമേശ് ചെന്നിത്തലയും, എം എ ബേബിയും അതില്‍ നിന്ന് ഒഴിവല്ല. ഇംഗ്ലീഷ് അറിയാത്ത നേതാക്കളെയൊന്നും ഇന്റര്‍വ്യൂ ചെയ്തിട്ടില്ല. ഇന്റര്‍വ്യൂ നടത്തിയത് മലയാളത്തിലായിരുന്നു എന്നും ശ്രുതിയുണ്ട്. എന്തായാലും വികിലീക്‌സ് രേഖകളെ ചൊല്ലി കേരളത്തില്‍ ചില പുലിവാലുകള്‍ ഉണ്ടായിട്ടുണ്ട്.

എന്നാല്‍ വികിലീക്‌സ് രേഖകളില്‍ അമേരിക്ക കേരളത്തില്‍ ഇടപെടലുകള്‍ നടത്തുന്നതായ സൂചനകള്‍ ഇല്ല. കേരളത്തിലെ ഏതെങ്കിലും രാഷ്ട്രീയ മത നേതാക്കള്‍ അമേരിക്കയില്‍ നിന്ന് പണം പറ്റുന്നതായോ, അമേരിക്കന്‍ ഏജന്റായി പ്രവര്‍ത്തിക്കുന്നതായോ ഉള്ള സൂചനകളും ഇല്ല. അമേരിക്കന്‍ കോണ്‍സുലേറ്റ് ഉദ്യോഗസ്ഥര്‍ കേരളത്തിലെ പല പ്രമുഖരുമായും സംസാരിച്ചു. അവരൊന്നും അമേരിക്കയുടെ വിശ്വസ്തരാണ് എന്ന സൂചനകളും വികിലീക്‌സ് രേഖകളില്‍ ഇല്ല.

കേരളത്തിലെ മുസ്‌ലിം സാമൂഹ്യജീവിതവുമായി ബന്ധപ്പെട്ട രണ്ട് കേബിളുകളാണ് വികിലീക്‌സ് പ്രസിദ്ധീകരിച്ചിട്ടുള്ളത്. കേരളത്തിലെ മുസ്‌ലിം സാമൂഹ്യജീവിതത്തെ ചുരുക്കിവിവരിക്കുന്ന രണ്ട് കേബിളുകള്‍. ഒന്ന് കേരളത്തിലെ മുസ്‌ലിം സാമുദായികതയെയും, രാഷ്ട്രീയത്തെയും കുറിച്ചാണ്. മറ്റൊന്ന് എന്‍ ഡി എഫിനെ കുറിച്ചുള്ളതാണ്.

വികിലീക്‌സ് രേഖകള്‍ ഉദ്ധരിച്ചു അമേരിക്കയെ വിമര്‍ശിക്കുകയായിരുന്നു 2007 മുതല്‍ 2011 ഓഗസ്റ്റ് 30 വരെ മലയാളം മാധ്യമങ്ങള്‍. വികിലീക്‌സില്‍ അമേരിക്കന്‍ വിരുദ്ധരായി പ്രഖ്യാപിച്ച മാധ്യമം, വർ‍ത്തമാനം, തേജസ്, സിറാജ്, ചന്ദ്രിക തുടങ്ങിയ മുസ്‌ലിം പത്രങ്ങള്‍ എല്ലാം ഇക്കാര്യത്തില്‍ ഒറ്റക്കെട്ടായിരുന്നു. എന്നാല്‍ ചെന്നൈയിലെ അമേരിക്കന്‍ കോണ്‍സുലേറ്റ് 2008ല്‍ തയ്യാറാക്കിയതും, 2011 ഓഗസ്റ്റ് 30ന് വികിലീക്‌സ് പുറത്തുവിട്ടതുമായ രേഖകള്‍ക്ക് ശേഷം മേപ്പടി മലയാള പത്രങ്ങളില്‍ ഒന്ന് അമേരിക്കന്‍ വിരോധം തത്കാലം മാറ്റിവെച്ച് എം കെ മുനീര്‍ വിരോധവും, മുജാഹിദ് വിരോധവും ആളിക്കത്തിക്കുകയാണ്. എന്‍ ഡി എഫിനെ കുറിച്ചുള്ള പരാമര്‍ശം വികിലീക്‌സില്‍ വന്നതു മുതല്‍ ചര്‍ച്ചകളുടെ ദിശ തിരിച്ചു കളയാന്‍ ചില കേന്ദ്രങ്ങള്‍ നടത്തുന്ന നീക്കങ്ങള്‍ ഗൗരവപൂര്‍വം കാണേണ്ടതാണ്.

യഥാര്‍ഥത്തില്‍ എന്താണ് വികിലീക്‌സ് രേഖകളില്‍ പറയുന്നത്. ഉത്തരകേരളത്തില്‍ വര്‍ധിച്ചു വരുന്ന എന്‍ ഡി എഫിന്റെ സ്വാധീനത്തെ കുറിച്ചുള്ള അന്വേഷണമാണത്. മാറാട് കലാപവും, അതില്‍ എന്‍ ഡി എഫിനുള്ള പങ്കും വിവിധ വ്യക്തികളെ ഉദ്ധരിച്ച് ചെന്നൈ അമേരിക്കന്‍ കോണ്‍സുലേറ്റ് വാഷിംങ്ടണിലേക്ക് റിപ്പോര്‍ട്ട് ചെയ്തിരിക്കുകയാണ്. കേരളത്തിലെ നമ്പര്‍ വണ്‍ എന്‍ ഡി എഫ് വിരുദ്ധനായ എം കെ മുനീറിനോടുള്ള സംഭാഷണവും അതില്‍ എടുത്തു ചേര്‍ത്തിട്ടുണ്ട്. മുന്‍ സിമി പ്രവര്‍ത്തകരാണ് ഇപ്പോഴത്തെ എന്‍ ഡി എഫ് നേതാക്കള്‍. അവരുടെ പ്രവര്‍ത്തകര്‍ മുസ്‌ലിം ലീഗ്, കോണ്‍ഗ്രസ്, സി പി എം പാര്‍ട്ടികളില്‍ നുഴഞ്ഞു കയറിയിട്ടുണ്ട് എന്നാണ് മുനീര്‍ പറഞ്ഞത്. കേരളത്തിലെ എല്ലാ രാഷ്ട്രീയ പാര്‍ട്ടികളിലും ഞങ്ങളുണ്ട് എന്ന പഴയ എന്‍ ഡി എഫ് വാദം മുനീര്‍ സ്ഥീരികരിക്കുന്നു. വയനാട്ടില്‍ എന്‍ ഡി എഫിന് കാംപുകളുണ്ട് എന്നതാണ് മുനീറിന്റെ മറ്റൊരു വെളിപ്പെടുത്തല്‍. മനോരമയിലെ കെ അബൂബക്കര്‍, ദഹിന്ദുവിലെ മാധവന്‍ നായര്‍, ഹുസൈന്‍ മടവൂര്‍, അന്നത്തെ സിറ്റി പോലിസ് കമ്മീഷണര്‍ അനൂപ് ജോണ്‍ എന്നിവരുമായും അമേരിക്കന്‍ കോണ്‍സുലേറ്റ് ചര്‍ച്ച ചെയ്തത് എന്‍ ഡി എഫിനെ കുറിച്ച് മാത്രമാണ്. കേരളത്തിലെ എന്‍ ഡി എഫ് പ്രവര്‍ത്തനങ്ങള്‍ക്ക് വന്‍തോതില്‍ വിദേശഫണ്ട് വരുന്നുണ്ട്. എന്‍ ഡി എഫ് അക്രമങ്ങള്‍ സംഘടിപ്പിക്കുന്നുണ്ട്, അവര്‍ പ്രവര്‍ത്തിക്കുന്നതിനെക്കാള്‍ പ്രസംഗിക്കുകയാണ് എന്നിവയാണ് വികിലീക്‌സ് രേഖകളിലെ അഭിപ്രായങ്ങളില്‍ നിന്ന് മനസിലാക്കേണ്ടത്.

2006ല്‍ തന്നെ എന്‍ ഡി എഫ് മുസ്‌ലിം ലീഗ് രാഷ്ട്രീയത്തെ ദുര്‍ബലമാക്കുന്നുവെന്ന് ധൈര്യസമേതം പറഞ്ഞ ആദരണീയനായ ഡോ. എം കെ മുനീറിനെ മുസ്‌ലിം ലീഗ് രാഷ്ട്രീയം ഭാവിയില്‍ നേരിടാനിരിക്കുന്ന വെല്ലുവിളികളെ കുറിച്ച് കൂടി കാഴ്ചപ്പാടുള്ള നേതാവായി കാണുന്നതിന് പകരം സാമ്രാജ്യത്വനീരാളി എന്ന് അധിക്ഷേപിക്കുമ്പോള്‍ പോപ്പുലര്‍ ഫ്രണ്ട് മുനീറിനെ അത്ര കണ്ട് ഭയക്കുന്നുണ്ട് എന്ന് മാത്രമാണ് മനസ്സിലാക്കേണ്ടത്. എന്‍ ഡി എഫിന്റെ കള്ളക്കളികള്‍ നേരത്തെ മനസ്സിലാക്കിയ ആളാണ് മുനീര്‍.

2006 ഡിസംബറിലാണ് അമേരിക്കന്‍ കോണ്‍സുലേറ്റ് കേരള മുസ്‌ലിംകളെ കുറിച്ചുള്ള റിപ്പോര്‍ട്ട് തയ്യാറാക്കുന്നത്. സദ്ദാംഹുസൈനെ തൂക്കിക്കൊല്ലാന്‍ തീരുമാനിച്ചതിന് ശേഷം കേരള സമൂഹത്തില്‍ ഉണ്ടായ വന്‍പ്രതിഷേധത്തിന്റെ പശ്ചാത്തലത്തില്‍ ആണ് റിപ്പോര്‍ട്ട് തയ്യാറാക്കിയത്. കേരളത്തിലെ മുസ്‌ലിം യൂവാക്കളുടെ വര്‍ധിച്ച തൊഴിലില്ലായ്മ, കുടിയേറ്റം, മുസ്‌ലിംരാഷ്ട്രീയം, മതസംഘടനകള്‍, കൊളോണിയല്‍ വിരുദ്ധപോരാട്ടങ്ങള്‍ എന്നിവയും റിപ്പോര്‍ട്ടില്‍ സൂചിപ്പിക്കുന്നുണ്ട്. പി ഡി പി, എന്‍ ഡി എഫ് സംഘടനകളുടെ അക്രമാധിഷ്ഠിത പ്രവര്‍ത്തനങ്ങളും റിപ്പോര്‍ട്ടില്‍ ചര്‍ച്ച ചെയ്യുന്നു. പി കെ കുഞ്ഞാലിക്കുട്ടി എന്‍ ഡി എഫിനെ സംരക്ഷിക്കുന്നുവെന്ന ഡോ എം കെ മുനീറിന്റെ ആരോപണവും കൂട്ടത്തിലുണ്ട്. നാദാപുരം, മാറാട് സംഭവങ്ങളും, കളമശ്ശേരി ബസ് കത്തിക്കല്‍ സംഭവവും റിപ്പോര്‍ട്ടില്‍ പറയുന്നു. എന്‍ ഡി എഫിന്റെ അമേരിക്കന്‍ വിരുദ്ധനിലപാടും റിപ്പോര്‍ട്ടില്‍ പറയുന്നുണ്ട്.

കേരളത്തിലെ ഒരു മുസ്‌ലിം സംഘടനാ നേതാവും പരസ്യമായി അമേരിക്കന്‍ അനുകൂല നിലപാട് സ്വീകരിക്കില്ലെന്ന് ഹുസൈന്‍ മടവൂര്‍ പറഞ്ഞതായും, കേരളത്തിലെ മുഖ്യധാരമുസ്‌ലിം സംഘടനകള്‍ തീവ്രവാദത്തോട് അനുകൂല നിലപാട് സ്വീകരിക്കില്ലെന്ന് അദ്ദേഹം പറഞ്ഞതായും റിപ്പോര്‍ട്ടിലുണ്ട്. ഇതില്‍ കയറിപിടിച്ചാണ് തേജസ് ദിനപത്രം ഹുസൈന്‍ മടവൂരിനെതിരെ വാചകക്കസര്‍ത്തുകള്‍ നടത്തുന്നത്. കേരളത്തിലെ മുസ്‌ലിം സംഘടനകള്‍ തീവ്രവാദത്തിന് എതിരാണെന്ന് വിളിച്ചുപറയുന്നതില്‍ ഹുസൈന്‍ മടവൂര്‍ എന്തിന് നാണിക്കണം?. കേരളമുസ്‌ലിംകള്‍ക്കിടയില്‍ തീവ്രവാദത്തിന്റെ വിത്ത് പാകാന്‍ 1992- 93 കാലത്ത് ശ്രമങ്ങള്‍ ഉണ്ടായപ്പോള്‍ അതിനെതിരെ കേരളമുസ്‌ലിംകളെ ബോധവത്കരിച്ച ഐ എസ് എമ്മിന്റെ സംസ്ഥാനപ്രസിഡന്റ് ആയിരുന്നു മടവൂര്‍. ആ നീക്കത്തിന് കേരള സമൂഹം നല്കിയ ഈ അംഗീകാരത്തെ ആരുടെ മുന്നിലും അഭിമാനപൂര്‍വ്വം അവതരിപ്പിക്കാന്‍ അദ്ദേഹത്തിന് പോലിസിനെ പേടിച്ച് പുഴയില്‍ ചാടുന്നവരുടെ തിട്ടൂരം ആവശ്യമില്ല. പരസ്യമായി അമേരിക്കയെ അനുകൂലിക്കില്ല എന്നു പറഞ്ഞതില്‍ നിന്നും രഹസ്യമായി മടവൂര്‍ വിഭാഗം അമേരിക്കയെ അനുകൂലിക്കുന്നു എന്ന് വായിക്കാന്‍ ശ്രമിക്കുന്നവര്‍ ചില കാര്യങ്ങള്‍ ബോധപൂര്‍വ്വം മറച്ചു വെക്കുകയാണ്.

സദ്ദാംഹുസൈന്‍ വധത്തില്‍ പ്രതിഷേധിച്ച് കോഴിക്കോട്ടും, മഞ്ചേരിയിലും ആയിരക്കണക്കിന് മുജാഹിദ് പ്രവര്‍ത്തകര്‍ വന്‍പ്രകടനങള്‍ നടത്തിയിരുന്നു. സദ്ദാം വധിക്കപ്പെട്ട് മണിക്കൂറുകള്‍ക്കുള്ളിലായിരുന്നു ഈ പ്രതിഷേധം. സ്ത്രീകളും, കുട്ടികളും ഉള്‍പ്പെടെ ഈ പ്രകടനങ്ങളിലും പൊതുയോഗങ്ങളിലും അണിനിരന്നും എന്നത് പ്രത്യേകം ഓര്‍ക്കേണ്ടതാണ്. കേരളത്തില്‍ സദ്ദാം രക്തസാക്ഷിയായതിന്റെ രണ്ടാം നാള്‍ ബലിപെരുന്നാള്‍ ആയിരുന്നു. അന്നേ ദിവസം നൂറുകണക്കിന് ഈദ്ഗാഹുകളില്‍ സദ്ദാംവിഷയത്തില്‍ കേരള മുസ്‌ലിംകളുടെ പ്രതിഷേധം അലയടിച്ചു. ലക്ഷക്കണക്കിന് മുസ്‌ലിം സഹോദരങ്ങളിലേക്ക് സാമ്രാജ്യത്വവിരുദ്ധ വികാരം പകര്‍ന്നു നല്കിയാണ് ആ വര്‍ഷം ഈദ്ഗാഹുകള്‍ പിരിഞ്ഞത്. കേരളത്തിലെ മുസ്ലിംകളും അല്ലാത്തവരും നടത്തിയ സദ്ദാം അനുകൂല പ്രകടനങ്ങള്‍ കേരളത്തെ തിക്‌രീത്തിനോട് അനുസ്മരിപ്പിച്ചു.

എന്നാല്‍ തൃശൂരില്‍ നടന്ന ഒരു ഇഫ്താര്‍ മീറ്റില്‍ പങ്കെടുത്തതാണ് സാമ്രാജ്യത്വദാസ്യത്തിന് ഉദാഹരണമായി വീണ്ടും തേജസ് ദിനപത്രം എഴുതുന്നത്. അമേരിക്കയോടുള്ള നിലപാടുകള്‍ ആ പരിപാടിയില്‍ കൃത്യമായി അവതരിപ്പിച്ചിട്ടുണ്ട്. അമേരിക്കന്‍ കോണ്‍സുലേറ്റിന്റെ പരിപാടിയില്‍ ഡോ കെ കെ ഉസ്മാന്‍ അവതരിപ്പിച്ച നിലപാടുകള്‍ ഐ എസ് എം മുഖപത്രമായ ശബാബില്‍ പ്രസിദ്ധീകരിക്കുകയും ചെയ്തിട്ടുണ്ട്.

അമേരിക്ക സന്ദര്‍ശിച്ചവരെല്ലാം അമേരിക്കന്‍ ചാരന്മാനാരാണ് എന്ന രീതിയിലാണ് മുജാഹിദ് വിരുദ്ധഗീര്‍വാണങ്ങള്‍ മനസാക്ഷിയില്ലാത്ത പത്രം വെണ്ടക്ക നിരത്തുന്നത്. തേജസ് ദിനപത്രത്തിന് കൂടി ബന്ധമുള്ള ഡല്‍ഹിയിലെ ഇന്‍സ്റ്റിറ്റിയൂട് ഓഫ് ഒബജ്കടീവ് സ്റ്റഡീസിന്റെ സ്ഥാപക പ്രമുഖനായ ഡോ മന്‍സൂര്‍ ആലം അമേരിക്കന്‍ കോണ്‍സുലേറ്റിന്റെ ചെലവില്‍ അമേരിക്ക സന്ദര്‍ശിച്ചിട്ടുണ്ട്. ഒരു അമേരിക്കന്‍ ഏജന്റിന്റെ സാന്നിദ്ധ്യം ഇന്‍സ്റ്റിറ്റിയൂട്ട് ഓഫ് ഒബ്ജക്ടീവ് സ്റ്റഡീസിന്റെ മുകളില്‍ ഉണ്ട് ആരോപിച്ചാല്‍ ഇല്ലെന്ന് തെളിയിക്കാന്‍ അതിന്റെ സംഘാടകര്‍ക്ക് ബാധ്യതയുണ്ട്. ഒബ്ജക്ടീവ് സ്റ്റഡീസിന്റെ പ്രമുഖന്‍ തന്നെയാണ് തേജസ് പത്രാധിപര്‍ എന്നതിനാല്‍ ആ പത്രത്തിന് മുകളില്‍ അമേരിക്കന്‍ ബന്ധം ആരോപിച്ചാല്‍ എങ്ങനെയുണ്ടാവും? വിദേശഫണ്ടുകള്‍, ഹവാല പണം എന്നൊക്കെ വികിലീക്‌സ് ഇടക്കിടെ ആവര്‍ത്തിക്കുന്ന പശ്ചാത്തലത്തില്‍ വിശേഷിച്ചും അങ്ങനെ ആരോപിക്കാന്‍ കഴിയും എന്ന് ആരും വിസ്മരിക്കരുത്.

ശത്രുക്കളുമായി സംവദിക്കുന്നതിലും, സംസാരിക്കുന്നതിലും യാതൊരു തെറ്റും മുജാഹിദുകള്‍ കണ്ടിട്ടില്ല. ആര്‍ എസ് എസ് നേതാക്കളുമായും, എന്‍ ഡി എഫ് നേതാക്കളുമായും ചര്‍ച്ചകള്‍ നടത്തും. ചര്‍ച്ചകള്‍ നടത്തിയാല്‍ തകരുന്ന തരം നിലപാടുകളല്ല ഉള്ളത്. ആത്മവിശ്വാസം നഷ്ടമായവരുടെ വേലത്തരങ്ങള്‍ കണ്ട് മാളത്തിലൊളിക്കാന്‍ മാത്രം വിഢികളല്ല കേരളത്തിലെ സമുദായ സംഘടനകള്‍ എന്നും പോലിസിനെ കണ്ട് കിണറ്റില്‍ ചാടുന്നവരെയും, പുഴയില്‍ ചാടുന്നവരെയും ഓര്‍മ്മിപ്പിക്കുകയാണ്.

○

തു ട രും . . . . » »

Download PDF

മന്ദബുദ്ധി, കുരങ്ങ്‌, കുറ്റിച്ചൂല്‍!

2009-10-02T18:23:00.003+05:30

വിദ്യാഭ്യാസത്തിനും പുരോഗമന നവോത്ഥാനത്തിനുമൊന്നും മനുഷ്യന്റെ സംസ്‌കാരത്തെ നിയന്ത്രിക്കാനാവില്ലെന്നാണോ? കേരളത്തില്‍ നാം ദൃക്‌സാക്ഷികളായിക്കൊണ്ടിരിക്കുന്ന രാഷ്‌ട്രീയ വിവാദഫലിതങ്ങള്‍ കാണുമ്പോള്‍ ഉവ്വെന്നേ പറയാന്‍ കഴിയൂ. ഉയര്‍ന്ന രാഷ്‌ട്രീയബോധവും പുരോഗമന പ്രതിച്ഛായയുമുള്ളവര്‍ പോലും രാഷ്‌ട്രീയ അങ്കക്കലി മൂക്കുമ്പോള്‍ തെരുവുകളില്‍ പ്രയോഗിക്കുന്ന ഭാഷ ചീഞ്ഞതും തരംതാണതുമാണ്‌. പുല്ലേ, തെമ്മാടി, മന്ദബുദ്ധീ, കുരങ്ങേ... അടുത്ത ദിവസങ്ങളില്‍ പത്രങ്ങളില്‍ അച്ചടിച്ചുവന്ന തെറിപ്രയോഗങ്ങളില്‍ സാമാന്യം നിലവാരമുള്ളതാണിത്‌. അപ്പോള്‍ ഇതിലും വഷളായതിന്റെ കഥ പറയേണ്ടല്ലോ.

നമ്മുടെ നാട്ടില്‍ ബുദ്ധിജീവികളുടെ സെന്‍സെക്‌സ്‌ കുത്തനെ താഴുകയാണ്‌. ഏതു നെറികേടുകളെയും അന്ധമായ രാഷ്‌ട്രീയപക്ഷപാതത്തിന്റെ പേരില്‍ ന്യായീകരിക്കാന്‍ ബുജികള്‍ അശേഷം മടികാണിക്കാറില്ല. അധികാരത്തിനും സ്ഥാനമാനങ്ങള്‍ക്കും വേണ്ടി വഷളത്തങ്ങള്‍ എഴുന്നള്ളിക്കുന്നവര്‍ പൊതുസമൂഹത്തിലുള്ള തങ്ങളുടെ വിശ്വാസ്യതയും നിലവാരവുമാണ്‌ കളഞ്ഞുകുളിക്കുന്നതെന്ന്‌ ഓര്‍ക്കാത്തതുകൊണ്ടാവില്ല. ബുദ്ധിപരമായ സത്യസന്ധതയെക്കാള്‍ ഇക്കാലത്ത്‌ പ്രയോജനകരം ആസ്ഥാനവിധേയത്വമാണെന്ന്‌ ധരിക്കുന്നതു കൊണ്ടാവാം.

നമ്മുടെ സാംസ്‌കാരിക നായകന്മാരുടെയും എഴുത്തുകാരുടെയുമൊക്കെ മാറിമറിഞ്ഞുകൊണ്ടിരിക്കുന്ന നിലപാടുകള്‍ ഒരു പ്രബുദ്ധ സമൂഹത്തിന്‌ ചേരുന്നതല്ല. കാര്യങ്ങളെ നീതിപൂര്‍വം സമീപിക്കുന്നതിനു പകരം, സ്വാര്‍ഥ സങ്കുചിത താല്‌പര്യങ്ങള്‍ മുന്‍നിര്‍ത്തി അവസരവാദം ചര്യയാക്കുകയാണവര്‍. സമൂഹത്തിന്റെ സാംസ്‌കാരിക, രാഷ്‌ട്രീയ, സാമൂഹ്യ മണ്ഡലങ്ങളില്‍ നൈതികമായ ഇടപെടല്‍ നടത്തുകയും സാമൂഹ്യനിയന്ത്രണശക്തിയായി മാറുകയും ചെയ്യേണ്ട ബുദ്ധിജീവിവര്‍ഗം ഭരണപക്ഷവും കൊടിനിറവും നോക്കി പ്രതികരിക്കുകയും നിശ്ശബ്‌ദരാവുകയും ചെയ്യുന്ന കാഴ്‌ച ദയനീയം തന്നെ.

കേരളത്തില്‍ ഇടതുപക്ഷ ചിന്താധാര രൂപപ്പെടുത്തുന്നതില്‍ ബുദ്ധിജീവികളും കലാകാരന്മാരും വഹിച്ച പങ്ക്‌ വളരെ പ്രമുഖമാണ്‌. ഇടതുപക്ഷ-പുരോഗമന കാഴ്‌ചപ്പാടിലേക്ക്‌ സാമാന്യജനങ്ങളെ നയിച്ചത്‌ പ്രധാനമായും അവരാണെന്നത്‌ ചരിത്രമാണ്‌. അത്ര തന്നെയില്ലെങ്കില്‍ പോലും, കോണ്‍ഗ്രസ്‌ അടക്കമുള്ള വലതുരാഷ്‌ട്രീയ

ചേരിക്കും അതിന്റേതായ ഒരു ബുദ്ധിജീവിവര്‍ഗം ഉണ്ടായിരുന്നു. എന്നാല്‍ ബുദ്ധിജീവികള്‍ പാര്‍ട്ടി കേഡറുകളെ പോലെ പെരുമാറുന്നതിനു പകരം, ബൗദ്ധിക മണ്ഡലത്തില്‍ പ്രവര്‍ത്തിക്കുകയും ആശയപരമായ നിര്‍മാണ നിരൂപണ മേഖലകളില്‍ വ്യാപൃതമാവുകയുമാണ്‌ ചെയ്‌തത്‌. അതുകൊണ്ട്‌ തന്നെ പാര്‍ട്ടി ജനവിരുദ്ധ നയങ്ങളിലേക്ക്‌ വ്യതിചലിക്കാനിടയുള്ളപ്പോഴൊക്കെ ഉറച്ച തിരുത്തല്‍ ശബ്‌ദമായി മാറാന്‍ അവര്‍ക്കു കഴിഞ്ഞിരുന്നു. അതവര്‍ക്ക്‌ പൊതുവെ ജനസ്വീകാര്യതയുണ്ടാക്കിക്കൊടുത്തു. എന്നാല്‍ ബുദ്ധിജീവികളെ വിലയ്‌ക്കെടുക്കുന്നതിനു പകരം അവരുടെ ബൗദ്ധികശേഷി പ്രയോജനപ്പെടുത്തുകയും അവരുടെ വിമര്‍ശനസ്വാതന്ത്ര്യം അംഗീകരിച്ചുകൊടുക്കുകയും ചെയ്യാന്‍ വിശാലമാകുമെന്ന്‌ പ്രതീക്ഷിക്കുക സാധ്യമല്ലാത്ത വിധം രാഷ്‌ട്രീയപ്രസ്ഥാനങ്ങള്‍ സങ്കോചിച്ചുപോയിരിക്കുന്നു ഇന്ന്‌.

രാഷ്‌ട്രീയപ്രസ്ഥാനക്കാര്‍ ബുദ്ധിജീവികളെ തളയ്‌ക്കുന്നതുപോലെ കലാകായിക രംഗങ്ങളില്‍ ജനകീയ പ്രതിച്ഛായയുള്ളവരെ വിലയ്‌ക്കെടുക്കുന്നത്‌ കമ്പോളമാണ്‌. ഇന്ത്യന്‍ പ്രീമിയര്‍ ലീഗ്‌ ക്രിക്കറ്റിന്റെ രണ്ടാം സീസണിലേക്കുള്ള താരലേലത്തില്‍ ഇംഗ്ലണ്ട്‌ താരങ്ങളായ കെവിന്‍ പീറ്റേഴ്‌സനെയും ആന്‍ഡ്രൂ ഫ്‌ളിന്റോഫിനെയും `വിറ്റുപോയ' വാര്‍ത്ത പത്രങ്ങള്‍ പ്രാധാന്യപൂര്‍വമാണ്‌ പ്രസിദ്ധീകരിച്ചിരിക്കുന്നത്‌. കഴിഞ്ഞ വര്‍ഷം ഇന്ത്യന്‍ ക്യാപ്‌റ്റന്‍ മഹേന്ദ്രസിംഗ്‌ ധോണിയെ ആറുകോടിക്കു വിറ്റ റിക്കോര്‍ഡാണിപ്പോള്‍ ഭേദിക്കപ്പെട്ടിരിക്കുന്നത്‌. ടെന്നീസിലെ സെലിബ്രിറ്റിയായ സാനിയ മിര്‍സയാണത്രെ ഇന്ത്യയില്‍ പരസ്യമോഡല്‍ ഇനത്തില്‍ ശതകോടികള്‍ സമ്പാദിക്കുന്ന മറ്റൊരു താരം. സിനിമാരംഗത്തെ സൂപ്പര്‍സ്റ്റാറുകളും ശതകോടികള്‍ വാങ്ങി വിവിധ കമ്പനികളുടെ പരസ്യ അമ്പാസഡര്‍മാരായി തങ്ങളെ `വില്‍ക്കുന്നു.' റിയാലിറ്റി ഷോകളുടെ കാലം വന്നതോടെ ഗാനരംഗത്തുള്ളവര്‍ക്കു പോലും പരസ്യമാര്‍ക്കറ്റില്‍ ഡിമാന്റ്‌ ഏറിയിരിക്കുന്നു. എന്തിനധികം ചാനലുകളില്‍ വാര്‍ത്ത വായിക്കുന്നവര്‍ക്കും `പരസ്യമൂല്യ'മുണ്ടെന്ന്‌ വന്നിരിക്കുന്നു. സിനിമാ-സീരിയല്‍ താരങ്ങളെ പോലെ മോഡലുകളായും സ്വര്‍ണക്കട ഉദ്‌ഘാടകരായും ചാനല്‍ ജേര്‍ണലിസ്റ്റുകളും വന്നുകയറുമ്പോള്‍ സാംസ്‌കാരിക കേരളത്തിന്റെ ദുര്യോഗത്തിന്റെ ആഴം ഊഹിക്കാവുന്നതേയുള്ളൂ.

ജനലക്ഷങ്ങള്‍ക്കിടയില്‍ തങ്ങള്‍ക്കുളള സ്വാധീനം വിറ്റുകാശാക്കുന്ന ജനകീയ താരങ്ങള്‍, അത്‌ സാമൂഹ്യനന്മയ്‌ക്കു വേണ്ടി ഉപയോഗിച്ചാല്‍ എത്ര നന്നായിരിക്കും! സാമൂഹ്യനീതിക്കു വേണ്ടിയുള്ള പ്രവര്‍ത്തനങ്ങള്‍ക്കും ജനക്ഷേമകരമായ കര്‍മങ്ങള്‍ക്കും അവര്‍ നേതൃത്വംനല്‌കിയാല്‍ വമ്പിച്ച ഫലമായിരിക്കും അതുളവാക്കുക. രാഷ്‌ട്രീയ അവസരവാദികളുടെ പട്ടികയില്‍ മലയാളത്തിന്റെ തലയെടുപ്പുള്ള സാംസ്‌കാരിക നേതാവായ സുകുമാര്‍ അഴീക്കോടിനെയും ഉള്‍പ്പെടുത്തുന്നവരുണ്ട്‌. എങ്കിലും കലാകാരന്മാരും കായികതാരങ്ങളും സെയില്‍സ്‌മാന്മാരാകരുതെന്ന അദ്ദേഹത്തിന്റെ പ്രസ്‌താവന മുഖവിലക്കെടുക്കേണ്ടതാണ്‌. പാവപ്പെട്ടവരുടെയും മര്‍ദിതരുടെയും മോചനത്തിനു വേണ്ടിയുള്ള വിവിധ പ്രവര്‍ത്തനങ്ങളില്‍ അവര്‍ മുന്നിട്ടിറങ്ങണമെന്നും തുണിക്കടകള്‍ക്കും സ്വര്‍ണക്കടകള്‍ക്കും മുന്നില്‍ നോക്കുകുത്തിയാവേണ്ടവരല്ല അവരെന്നുമാണ്‌ അഴീക്കോട്‌ മാഷ്‌ പറഞ്ഞത്‌. ബഹുമാന്യ ബുദ്ധിജീവികള്‍ ഈ വഴിക്കു ചിന്തിച്ചിരുന്നുവെങ്കില്‍ അങ്ങാടി മലിനമാകാതെ കാക്കാമായിരുന്നു.

എമ്മാര്‍,
© ശബാബ് വാരിക.

കുട്ടികള്‍ വാര്‍ത്തകളില്‍ നിറയുന്നത്...

2009-09-29T13:22:00.002+05:30

കടപ്പാട്:

ജയ് ഹിന്ദ് ടിവി -കുട്ടികളുടെവാര്‍ത്ത

റമദാന്‍ കൊണ്ട് നേടിയത് പെരുന്നാ‍ള്‍ കൊണ്ട് നഷ്‌ടമാകരുത്

2009-09-19T12:54:00.002+05:30

റമദാനിന്റെ ആത്മീയ ശോഭകൊണ്ട്
തേജസാര്‍ന്ന മുപ്പത് ദിനരാത്രങ്ങള്‍ക്ക്
ആത്മനൊമ്പരത്തോടെ നാം വിട നല്‍കുകയാണ്....
മനസും ശരീരവും നിര്‍മലമായി
നിലനിര്‍ത്തുവാനും ദേഹേഛകളെ നിയന്ത്രിച്ച്
സകല തിന്മകളെയും അകറ്റിനിര്‍ത്തുവാനുമുള്ള
പരിശീലനം നേടിയ വ്രത ദിനരാത്രങ്ങള്‍ക്ക്
സമാപനം കുറിച്ച് ഈദുല്‍ ഫിത്വ്‌ര്‍ വന്നണഞ്ഞിരിക്കുന്നു...

ഐക്യത്തിന്റെയും സമാധാനത്തിന്റെയും
സാഹോദര്യത്തിന്റെയും സന്ദേശമാണ്
പെരുന്നാള്‍ നല്‍കുന്നത്.
പകയുടെയും വിദ്വേഷത്തിന്റെയും
കളകള്‍ പറിച്ചെറിഞ്ഞ് സ്നേഹത്തിന്‍
പുഷ്‌പങ്ങള്‍ വിരിയിക്കാന്‍
ഈദുല്‍ ഫിത്വ്‌ര്‍ ഉപയുക്തമാകട്ടെ...

നന്മയുള്ള ജീവിതം പ്രഖ്യാപിക്കുവാനുള്ള
മ്മുഹൂ‍ര്‍ത്തമായ പെരുന്നാള്‍ സുദിനം
ആര്‍ഭാടത്തിന്റെയും അതിരുവിട്ട
ആഘോഷങ്ങളുടെയും വേദിയാകാതിരിക്കട്ടെ...

ഏവര്‍ക്കും ഹൃദയം നിറഞ്ഞ
ചെറിയ പെരുന്നാള്‍ ആശംസകള്‍...

അഹ്‌ലന്‍ റമദാന്‍...

2009-08-18T19:56:00.002+05:30

വീണ്ടും വിശുദ്ധ റമദാന്‍ വിരുന്നെത്തുന്നു.
ലോക ജനതക്ക് പ്രകാശം ചൊരിഞ്ഞ
വിശുദ്ധ ഖുര്‍‌ആനിന്റെ അവതരണ മാസമാണ്
അനുഗ്രഹീത റമദാന്‍.
ആത്മീയോത്‌കര്‍ഷതയുടെ വസന്തകാലം.

വിവിധരൂപത്തിലുള്ള ആരാധനകള്‍
പ്രകൃതിമതമായ ഇസ്‌ലാം പരിചയപ്പെടുത്തുന്നു.
നമസ്‌കാരം, നോമ്പ് തുടങ്ങിയ ശാരീരികമായ ആരാധനകളും
സക്കാത്ത്, സ്വദഖഃ തുടങ്ങിയ സാമ്പത്തികമായ ആരാധനകളും
ഹജ്ജ്, ഉം‌റ തുടങ്ങിയ സാമ്പത്തികവും ശാരീരികവുമായ
ആരാധനകളും ഇസ്‌ലാമിലുണ്ട്.
നസ്‌കാരം, ഹജ്ജ്, സക്കാത്ത് എന്നിവ പ്രത്യേകം അനുഷ്‌ഠിക്കേണ്ട
കര്‍മപരമായ ആരാധനകളാണെങ്കില്‍
നോമ്പ് ചിലകാര്യങ്ങള്‍ പ്രവര്‍ത്തിക്കാതെ
ശരീരത്തെതടഞ്ഞ് ന്നിര്‍ത്തേണ്ട ആരാധനയാണ്.

ശരീരത്തെ പീഡിപ്പിക്കുന്ന നിഷേധാത്മക
സമീപനമാണ് വ്രതത്തിലൂടെ മുസ്‌ലിംകള്‍
നിര്‍വഹിക്കുന്നത് എന്ന് ചിലരെങ്കിലും പറയാറുണ്ട്.
എന്നാല്‍ വ്രതം നിഷേധാത്മകമായ കാര്യമല്ല;
നിര്‍മാണാത്മകമായ ആരാധനയാണ്.
ഒരു വിശ്വാസി സ്വന്തം ഇച്ഛപ്രകാരമാണ് വ്രതമനുഷ്‌ഠിക്കുന്നത്.
ഇതിന്റെ ലക്ഷ്യമാകട്ടെ ദൈവ സാമീപ്യവും
ദൈവീക പ്രതിഫലവും മ്മാത്രം.
ഈ നിലയില്‍ ഇസ്‌ലാം ആവശ്യപ്പെടുന്നവ്രതം
ശാരീരികവ്വും മാനസികവുമായ ഉന്നത ആരാധനയാണ്.
ഉദരത്തിന്റെയും ജനനേന്ദ്രിയത്തിന്റെയും
അനുവദനീയമായ ആഗ്രഹങ്ങളെയും
അഭിലാഷങ്ങളെയും നിയന്ത്രിക്കുകയാണ്
സ്രഷ്ടാവിന്റെ പ്രീതികാംക്ഷിച്ച് ഇസ്‌ലാം വ്രതത്തിലൂടെ ചെയ്യുന്നത്.

അനുവദനീയമായ ഭക്ഷണപാനീയങ്ങളും
ഇണ സംസര്‍ഗവുമൊക്കെ നിശ്ചിതസമയം
മാറ്റി വെയ്‌ക്കാന്‍ തയ്യാറാവുക എന്നത്
മഹദ് കര്‍മമായാണ് ഇസ്‌ലാം വീക്ഷിക്കുന്നത്.
അത്തരമൊരു വിതാനത്തിലേക്കുയരുന്ന
വിശ്വാസിയുടെ മനസ്സിനെ അല്ലാഹു
വളരെ ശ്രേഷ്‌ഠതയോടെ പരിഗണിക്കുന്നതായി
ഈ നബിവചനം വ്യക്തമാക്കുന്നു.

പ്രാര്‍ഥനകളോടെ,
റമദാന്‍ മുബാറക്...

“ആദം സന്തതിയുടെ എല്ലാ കര്‍മ്മങ്ങളും അവന്നുള്ളതാകുന്നു, നോമ്പൊഴികെ. അത് എനിക്കുള്ളതാണ്. ഞാനാണതിന് പ്രതിഫലം നല്‍കുന്നത്. കാരണം അവന്‍ തന്റെ ഭക്ഷണവും പാനീയവും വികാരവുമെല്ലാം ഒഴിവാക്കുന്നത് എന്റെ കാരണത്താലാണ്.” [ബുഖാരി, മുസ്‌ലിം]

സൂക്ഷ്‌മതാ ബോധമാണ് നോമ്പ് സമ്മാനിക്കുന്ന സിദ്ധാന്തം.
വിശുദ്ധ ഖുര്‍‌ആന്‍ പറയുന്നു:

“വിശ്വസിച്ചവരെ, നിങ്ങള്‍ക്ക് മുമ്പുള്ളവര്‍ക്കെന്നപോലെ നിങ്ങള്‍ക്കും നോമ്പ് നിര്‍ബന്ധമാക്കപ്പെട്ടിരിക്കുന്നു. പ്രത്യുത, നിങ്ങള്‍ സൂക്ഷ്‌മതയുള്ളവരായേക്കാം.” [2:183]

മാംസം ഭക്ഷിക്കുന്നതിന് മാത്രമേ ചില മതസ്ഥരുടെ വ്രതത്തില്‍ വിലക്കുള്ളൂ.
മറ്റുഭക്ഷണ പദാര്‍ത്ഥങ്ങള്‍ക്കും ലൈംഗിക വികാരങ്ങള്‍ക്കും
അവരുടെ നോമ്പ് വിലക്ക് കല്പിക്കുന്നില്ല.
മറ്റുചില മതസ്ഥരാകട്ടെ, ദിവസങ്ങളോളം
ദൈര്‍ഘ്യമുള്ളനോമ്പനുഷ്‌ഠിക്കുന്നു.
അതുവഴിശരീരം ക്ഷീണിക്കുകയും
മനസ്സ് പ്രയാസപ്പെടുകയും ചെയ്യുന്നു.
എന്നാല്‍ പ്രഭാതം മുതല്‍ പ്രദോഷം വരെ
ഇസ്‌ലാം അനുശാസ്സിക്കുന്ന വ്രതം
ഇതില്‍ നിന്നെല്ലാം മൌലികമായ അന്തരങ്ങള്‍ പുലര്‍ത്തുന്നതായി കാണാം.
വ്രതം വിജയത്തിന്റെ മാര്‍ഗമാണെന്ന്
ഖുര്‍‌ആന്‍ പ്രസ്താവിക്കുന്നു.
റമദാനിന്റെ പകലുകളില്‍ അന്നപാനീയങ്ങള്‍
ഉപേക്ഷിക്കുന്നതുകൊണ്ടു മാത്രം ഈ പദവി നേടാനാവില്ല.

പൈദാഹങ്ങള്‍ നിയന്ത്രിക്കുന്നതുപോലെ തന്നെ
ദുഷ്‌ചെയ്‌തികളും വാക്കുകളുമൊക്കെ കണിശമായും
ഉപേക്ഷിക്കുവാനും നോമ്പുകാരന്‍ നിഷ്‌കര്‍ഷ പുലര്‍ത്തിയേ തീരൂ‍.
സദ്‌സ്വഭാവഗുണങ്ങള്‍ പരിശീലിച്ചെടുക്കുന്നതിനുള്ള ഒരാരാധനയാണിത്.

“ഒരാള്‍ തെറ്റായ വാക്കും പ്രവൃത്തിയും ഒഴിവാക്കാന്‍ തയ്യ്യാറായില്ലെങ്കില്‍ അവന്‍ അന്നപാനീയങ്ങള്‍ വെടിഞ്ഞത് കൊണ്ട് പടച്ചവന് ഒരാവശ്യവുമില്ല.” [ബുഖാരി]
എന്ന പ്രവാചക വചനം നാം നെഞ്ചോട് ചേര്‍ക്കുക.

റമദാന്‍ വിട പറയുമ്പോള്‍ നമുക്കൊരിക്കലും
നഷ്‌ടബോധം തോന്നാനിടവരരുത്.
തികഞ്ഞ ആത്മസംതൃപ്‌തി നേടാനാവണം.
അതിന് കൃത്യമായ അജണ്ടകളോടെ
റമദാനെ ഉപയോഗപ്പെടുത്താന്‍
ബോധപൂര്‍വ്വം നാം അധ്വാനിക്കണം.

ആയിരം മാസങ്ങളേക്കാള്‍ പവിത്രതയുള്ള
ഒറ്റരാത്രി -ലൈലത്തുല്‍ ഖദ്‌റിന്റെ
പുണ്യങ്ങളില്‍ നാം ഉള്‍പെടണം.
വിശുദ്ധ ഖുര്‍‌ആന്‍ അര്‍ത്ഥമറിഞ്ഞുകൊണ്ട്
കൂടുതല്‍ പഠിക്കാനും പ്രത്യേകം സമയം കണ്ടെത്തണം.
രാത്രി നമസ്‌കാരം, ജീവകാരുണ്യ പ്രവര്‍ത്തനങ്ങള്‍,
റിലീഫ് സംരംഭങ്ങള്‍ തുടങ്ങി എല്ലാ നന്മകളും
ദിന്നചര്യയില്‍ ചിട്ടപ്പെടുത്തണം.

ആഗോള സാമ്പത്തിക മാന്ദ്യമെന്ന ഭീഷണിയുടെ
കരിനിഴലിലാണ് ഇത്തവണ നാം റമദാനിനെ എതിരേല്‍ക്കുന്നത്.
നമുക്ക് ചുറ്റിലുംനിരവധി പേര്‍ വ്യത്യസ്ത
മേഖലകളിലായി പ്രയാസം നേരിടുന്നുണ്ട്.
നോമ്പുകാല പ്രാര്‍ഥനകളില്‍ അവരെ ചേര്‍ക്കുന്നതോടൊപ്പം
നമ്മുടെ സഹായങ്ങളുടെ ഒരു വിഹിതവും
അവരിലേക്ക് പ്രവഹിക്കേണ്ടതുണ്ട്.
നമുക്ക് കൈവന്ന അനുഗ്രഹങ്ങള്‍ക്ക് മൂല്യം ഇരട്ടിക്കുകയാണ്.

വിശപ്പും ദാഹവും അനുഭവിക്കുന്ന നോമ്പുകാരന്‍
വിശപ്പടക്കാനും ദാഹം തീര്‍ക്കാനും ദൈവം ചെയ്തു തന്ന
അനുഗ്രഹങ്ങളെയും സംവിധാനങ്ങളെയും പറ്റി ബോധവാനാവുകയും കൂടി വേണം.
വിശപ്പുമാറ്റാന്‍ ഭക്ഷണം കിട്ടാതെ നരകിക്കുന്ന മനുഷ്യരുടെയും
പലകാരണങ്ങളാല്‍ജീവിതമാര്‍ഗം തടയപ്പെടുകയും
കൊട്ടിയടക്കപ്പെടുകയും ചെയ്‌ത പാവങ്ങളുടെയും
വേദനകളകറ്റാന്‍ നാം മനസ്സുവെക്കേണ്ടതുണ്ട്.
അതുവഴി റമദാന്‍ സമത്വത്തിന്റെയും സഹവര്‍ത്തിത്വത്തിന്റെയും
സമസൃഷ്‌ടി സ്നേഹത്തിന്റെയും ശാദ്വല ഭൂമികയായി മാറുക കൂടി ചെയ്യും.
അങ്ങനെ നോമ്പുകാരന് മാത്രം അവകാശപ്പെട്ട സ്വര്‍ഗത്തിലെ
“റയ്യാന്‍” എന്ന കവാടത്തിലേക്ക് പുണ്യമാലാഖമാരാല്‍ സ്വാഗതം ചെയ്യപ്പെടുന്ന
മഹാ സൌഭാഗ്യത്തിന് ദൈവകൃപയാല്‍ നമുക്കും സാക്ഷികളാവാന്‍ കഴിയും.

പാണക്കാട്‌ മുഹമ്മദലി ശിഹാബ്‌ തങ്ങള്‍ അന്തരിച്ചു.

2009-08-01T22:16:00.001+05:30

മലപ്പുറം: മുസ്‌ലിം ലീഗ്‌ സംസ്ഥാന അധ്യക്ഷന്‍ പാണക്കാട്‌ മുഹമ്മദലി ശിഹാബ്‌ തങ്ങള്‍(73) അന്തരിച്ചു. മലപ്പുറം കെ പി എം ആസ്‌പത്രിയിലായിരുന്നു അന്ത്യം. 1936 മെയ്‌ 4ന്‌ പാണക്കാട്‌ സയ്യിദ്‌ അഹമ്മദ്‌ പൂക്കോയ തങ്ങളുടെ മൂത്തമകനായി ജനിച്ചു.

1953ല്‍ കോഴിക്കോട്‌ എം.എം. ഹൈസ്‌കളില്‍ നിന്നും എസ്‌.എസ്‌.എല്‍.സി. വിജയിച്ചു. ശേഷം രണ്ടു വര്‍ഷം തിരൂരിനടുത്ത്‌ തലക്കടത്തൂരില്‍ ദര്‍സ്‌ പഠനം. 1958ല്‍ ഉപരിപഠനാര്‍ത്ഥം ഈജിപ്‌തില്‍ പോയി. 1958 മുതല്‍ 1961 വരെ അല്‍ അസ്‌ഹറില്‍ പഠിച്ചു. തുടര്‍ന്ന്‌ 1966 വരെ കെയ്‌റോ യൂണിവേഴ്‌സിറ്റിയില്‍ പഠിച്ച്‌ ലിസാന്‍ അറബിക്‌ ലിറ്ററേച്ചര്‍ ബിരുദം നേടി.

1975 സെപ്‌തംബര്‍ 1 മുതല്‍ ഇന്ത്യന്‍ യൂണിയന്‍ മുസ്‌ലിം ലീഗിന്റെ സംസ്ഥാന അദ്ധ്യക്ഷനായി പ്രവര്‍ത്തിച്ചു. മുഹമ്മദലി ശിഹാബ്‌ തങ്ങളെ അധ്യക്ഷനായി നാമനിര്‍ദേശം ചെയ്യുമ്പോള്‍ അദ്ദേഹത്തിന്‌ 31 വയസ്സായിരുന്നു. പിതാവായിരുന്ന പാണക്കാട്‌ സയ്യിദ്‌ അഹമ്മദ്‌ പൂക്കോയ തങ്ങളുടെ മരണ ശേഷമാണ്‌ ഇദ്ദേഹം ഈ പദവിയിലേക്ക്‌ നിയമിതനായത്‌.

മതസാംസ്‌കാരിക സാമൂഹികവിദ്യഭ്യസ മണ്ഡലങ്ങളിലും അദ്ദേഹം പ്രവര്‍ത്തിക്കുന്നു. വിവിധ പ്രദേശങ്ങളില്‍ ഖാസിയായും, യതീംഖാനകളുടെ അദ്ധ്യക്ഷനായും സേവനം അനുഷ്ടിക്കുന്നു. നിരവധി വിദ്യാലയങ്ങള്‍ക്കും ഇദ്ദേഹം മേല്‍നോട്ടം വഹിച്ചിരുന്നു.

ഭാര്യ: മര്‍ഹൂം സയ്യിദ ശരീഫ ഫാത്വിമ മക്കള്‍:സുഹ്‌റ ബീവി, ബഷീറലി ശിഹാബ്‌ തങ്ങള്‍, ഫൈറുസ ബീവി, സമീറ ബീവി, അഹമദ്‌ മുനവ്വറലി.
ശിഹാബ്‌ തങ്ങള്‍

സുരയ്യ തോല്‌പിച്ചതാരെ?

2009-06-23T03:22:00.001+05:30

വിമര്‍ശം / മുർശിദ് പാലത്ത്

കമലദാസ്‌ ഇസ്‌ലാം മതം സ്വീകരിച്ചപ്പോള്‍ ആരാണ്‌ തോറ്റത്‌. അല്ലെങ്കില്‍, അവരുടെ ഇസ്‌ലാമാശ്ലേഷം വിവാദമാകുമ്പോള്‍ ആരാണ്‌ ജയിക്കുന്നത്‌. കമലാ സുരയ്യ ജയിച്ചുവെന്നതില്‍ രണ്ടഭിപ്രായമുണ്ടാകേണ്ടതില്ല. അവാര്‍ഡുകളും അനുമോദനങ്ങളും ജീവിതത്തിലും മരണാനന്തരവും ഏറെ പ്രതീക്ഷിക്കാവുന്ന ശോഭയാര്‍ന്ന ജീവിതസായാഹ്നത്തില്‍ ഒരു പൊതുവേദിയില്‍ വെച്ച്‌ ശഹാദത്ത്‌ ഏറ്റെടുക്കാന്‍ അവര്‍ കാണിച്ച തന്റേടം അനിതരമാണ്‌.

മാധവിക്കുട്ടിയായി ജനിച്ച്‌ ജീവിതത്തിന്റെ വസന്തത്തിന്റെ ബഹുഭൂരിഭാഗവും മാധവിക്കുട്ടിയായി ജീവിച്ച്‌ സുരയ്യയായി മരിച്ച സഹൃദയ കേരളത്തിന്റെയും ലോകത്തിന്റെയും പ്രിയപ്പെട്ട കഥാകാരിയും കവയിത്രിയുമായ കമലദാസ്‌ ഇപ്പോഴും പേജുകളിലും സ്‌ക്രീനുകളിലും സജീവമാണ്‌. കമലയുടെ സാഹിത്യസൃഷ്‌ടികളുടെ കലാമൂല്യവും സന്ദേശബിംബവുമെല്ലാം നേരത്തെ വലിയ ചര്‍ച്ചകളും വിവാദങ്ങളുമായിരുന്നു. ഇത്‌ സാഹിത്യലോകത്ത്‌ സാധാരണമാണ്‌. സൃഷ്‌ടി പ്രകാശനംചെയ്യപ്പെടുന്ന കാലത്തും പ്രധാന പുരസ്‌കാരങ്ങള്‍ ലഭിക്കുന്ന സമയത്തും പിന്നെ സാഹിത്യകാരിയുടെ മരണസമയത്തുമാണ്‌ ഇങ്ങനെ വിവാദങ്ങള്‍ ഉണ്ടാകാറുള്ളത്‌. ഇവിടെയും അത്‌ സംഭവിച്ചു. എന്നാല്‍ കഴിഞ്ഞ കുറച്ചുകാലമായി കമല സാഹിത്യ-സാംസ്‌കാരിക ലോകത്തു മാത്രമല്ല പുറംസമൂഹത്തിലും ഏറെ ചര്‍ച്ചയാണ്‌. അവരുടെ ഇസ്‌ലാംമത സ്വീകരണമാണ്‌ ചര്‍ച്ചയാകുന്നത്‌. ഇപ്പോള്‍ മരിച്ചപ്പോഴും സാഹിത്യം എന്നതില്‍ കവിഞ്ഞ്‌ അവരുടെ മതമാണ്‌ വിഷയീഭവിക്കുന്നത്‌. ഇവിടെ ആശാസ്യവും അനാശാസ്യവുമായ പലതും നടക്കുന്നുണ്ട്‌. കമലയുടെ ഇസ്‌ലാംമത സ്വീകരണത്തെ വര്‍ഗീയമായി വിലയിരുത്തുന്നവര്‍, അവരുടെ മാനസിക തകരാറായി അതിനെ കാണുന്നവര്‍, അവരുടെ തീവ്രാനുഭവങ്ങളെ മാനസിക സംഘര്‍ഷമായി കണ്ടെത്തുന്നവര്‍, ഭ്രാന്തസ്വാതന്ത്ര്യമായി പരിചയപ്പെടുത്തുന്നവര്‍... ഒരു കാവ്യബിംബത്തെ സാഹിത്യനിരൂപകര്‍ പലതായി വിലയിരുത്തുകയും സ്വന്തം ബുദ്ധിക്കൊപ്പിച്ച്‌ വിധികല്‌പിക്കുകയും ചെയ്യുന്നതു പോലെയാണ്‌ ഇവിടെയും സംഭവിക്കുന്നത്‌. സക്രിയ ചര്‍ച്ചകള്‍ എവിടെയും നടക്കട്ടെ.

ഇവിടെ പരിശോധിക്കുന്നത്‌ മറ്റൊരു ഭാഗമാണ്‌. കമലദാസ്‌ ഇസ്‌ലാം മതം സ്വീകരിച്ചപ്പോള്‍ ആരാണ്‌ തോറ്റത്‌. അല്ലെങ്കില്‍, അവരുടെ ഇസ്‌ലാമാശ്ലേഷം വിവാദമാകുമ്പോള്‍ ആരാണ്‌ ജയിക്കുന്നത്‌. കമലാ സുരയ്യ ജയിച്ചുവെന്നതില്‍ രണ്ടഭിപ്രായമുണ്ടാകേണ്ടതില്ല. അവാര്‍ഡുകളും അനുമോദനങ്ങളും ജീവിതത്തിലും മരണാനന്തരവും ഏറെ പ്രതീക്ഷിക്കാവുന്ന ശോഭയാര്‍ന്ന ജീവിതസായാഹ്നത്തില്‍ ഒരു പൊതുവേദിയില്‍ വെച്ച്‌ ശഹാദത്ത്‌ ഏറ്റെടുക്കാന്‍ അവര്‍ കാണിച്ച തന്റേടം അനിതരമാണ്‌. ഏറെ പഠനവും ലോകപരിചയവും നേടിയ അവര്‍ക്ക്‌ നേരത്തെ ഇസ്‌ലാംമതം സ്വീകരിച്ച ലോകപ്രശസ്‌തര്‍ക്ക്‌ നേരിട്ട ദുരനുഭവങ്ങള്‍ അറിയാതിരിക്കില്ല. ലോകം അവരെ നന്ദികേടോടെ മറന്നതും മറയ്‌ക്കാന്‍ ശ്രമിച്ചതും വിരൂപമാക്കിയതുമെല്ലാം അവര്‍ കൃത്യമായി മനസ്സിലാക്കിയിട്ടുണ്ട്‌. എന്നിട്ടും നേരത്തെ തന്നെ മനസ്സിലാക്കാനും അംഗീകരിക്കാനും പിശുക്കുകാണിച്ച മാതൃഭൂമിയുടെ മാറില്‍ നിന്ന്‌ ഇങ്ങനെയൊരു പ്രഖ്യാപനം നടത്തുമ്പോള്‍ അവരേറ്റെടുത്ത ജിഹാദില്‍ വിജയിച്ചു എന്നുതന്നെ വേണം വിലയിരുത്താന്‍. കലിമ ചൊല്ലിയ ദിവസംമുതല്‍ അവര്‍ ശരശയ്യയിലാണ്‌. ഇവിടെയാണ്‌ മുന്‍ചോദ്യം പ്രസക്തമാകുന്നത്‌. വായില്‍ വെള്ളിക്കരണ്ടിയുമായി ജനിക്കുകയും വര്‍ണരാജികളില്‍ ജീവിക്കുകയും സ്വര്‍ണക്കട്ടിലുകളില്‍ ശയിക്കുകയും ചെയ്‌ത നാലപ്പാട്ടെ ഓമനപ്പുത്രിക്ക്‌ ജീവിതാന്ത്യം ശരശയ്യയായെങ്കില്‍ അവിടെ ജയിച്ചത്‌ ചില മതവര്‍ഗീയവാദികളും തോറ്റത്‌ മുസ്‌ലിം ഉമ്മത്തുമാണ്‌.

കേരളത്തിന്റെ മാത്രമല്ല ലോകത്തിന്റെ തന്നെ ബൗദ്ധികവേദികളില്‍ നീണ്ട ചര്‍ച്ചയും ആശയവിപ്ലവവും സൃഷ്‌ടിക്കുമായിരുന്ന സുരയ്യയുടെ ഇസ്‌ലാംമത സ്വീകരണത്തെ അസഹിഷ്‌ണുതയുടെ ഇടുങ്ങിയ കേരളത്തില്‍ തളച്ചിട്ടതും അവസാനം സ്‌നേഹത്തിന്റെ ആ ഉമ്മക്ക്‌ പെറ്റനാട്ടില്‍ നിന്നും പലായനം ചെയ്യേണ്ടി വന്നതും ആര്‍ എസ്‌ എസ്സുകാരുടെ വിജയത്തെ കുറിക്കുന്നു. തെളിഞ്ഞ ഉള്‍ക്കാഴ്‌ചയും തീവ്രചിന്തയും അവസാനംവരെ കാത്തുപോന്ന കമലയുടെ ചേതനക്ക്‌ എന്‍ ഡി എഫിന്റെ കുട്ടികള്‍ നല്ലവരായി തോന്നിയെങ്കില്‍ അത്‌ മുസ്‌ലിം സമുദായത്തിന്റെ പരാജയത്തെ കുറിക്കുന്നു. പൊതുദര്‍ശനത്തിനു വെച്ച അവരുടെ ജഡത്തിനെങ്ങാന്‍ അനങ്ങാന്‍ കഴിഞ്ഞിരുന്നെങ്കില്‍ തനിക്കുവേണ്ടി ഇപ്പോള്‍ നീണ്ട പ്രാര്‍ഥനയുമായി കട്ടില്‍ തലക്കല്‍ ആടി നില്‍ക്കുന്ന ഉലമാക്കോലങ്ങളെ അവര്‍ ആദ്യം ആട്ടിപ്പായിച്ചേനേ. ഇസ്‌ലാംമതം സ്വീകരിക്കുകയും അല്ലാഹുവിനെ സ്‌നേഹിക്കുകയും ചെയ്‌തതിന്റെ പേരില്‍ വര്‍ഷങ്ങളോളം താന്‍ തീ തിന്നപ്പോഴും ഹിന്ദുഭീകരരില്‍ നിന്ന്‌ ഉന്മൂലന ഭീഷണി നേരിട്ടപ്പോഴും തന്നെ ഇത്രയും കാലം സ്‌നേഹിച്ച സഹപ്രവര്‍ത്തകരില്‍ നിന്ന്‌ ചങ്കെരിയുന്ന കുത്തുവാക്കുകള്‍ കേട്ടപ്പോഴും തിരിഞ്ഞുനോക്കാത്ത സമുദായ സംഘടനകളുടെ അനുശോചനക്കുറിപ്പുകളിലേക്കായിരിക്കും അവര്‍ കാര്‍ക്കിച്ചു തുപ്പുക.

കേരളത്തിലെയെങ്കിലും ബുദ്ധിജീവികള്‍ക്കിടയില്‍ ഇസ്‌ലാമിനെക്കുറിച്ച ചര്‍ച്ചക്ക്‌ തുടക്കമിടാനും സാഹിത്യ-സാംസ്‌കാരിക ലോകത്ത്‌ തീവ്രമായ മതവിശ്വാസ ചര്‍ച്ചക്ക്‌ വഴിതുറക്കാനും ഉതകേണ്ടിയിരുന്ന അവരുടെ ശഹാദത്തിന്‌ തുരങ്കംവെച്ചത്‌ കപ്പലിലുള്ളവര്‍ തന്നെയായിരുന്നു. നമ്മുടെയൊന്നും മനസ്സ്‌ ഇനിയും തുറന്നിട്ടില്ലെന്നു വേണം അനുമാനിക്കാന്‍. ശഹാദത്തിന്റെ വാക്യദ്വയങ്ങള്‍ വരുത്തിയേക്കാവുന്ന ദൂരവ്യാപകമായ ഫലങ്ങളെ കുറിച്ച്‌ മക്കയിലെ ബഹുദൈവാരാധകര്‍ക്ക്‌ നല്ല ബോധ്യമുണ്ടായിരുന്നു. അതുകൊണ്ടാണ്‌ മുഹമ്മദ്‌ പറയുന്ന പലതും അംഗീകരിക്കാന്‍ കഴിഞ്ഞപ്പോഴും ആ വാക്കുകളില്‍ നിന്ന്‌ പിന്മാറണമെന്ന്‌ അവര്‍ നിര്‍ബന്ധം പിടിച്ചത്‌. ഈ വാക്യത്തിന്റെ ഇതേ മൂര്‍ച്ച നമ്മുടെ കാലത്തെ ബഹുദൈവാരാധകര്‍ക്കും ദൈവനിഷേധികള്‍ക്കു പോലും മനസ്സിലായിട്ടുണ്ട്‌. അതുകൊണ്ടാണ്‌ അവര്‍ കമലയുടെ സുറയ്യ നക്ഷത്രത്തെ ആവുന്നത്ര ജനദൃഷ്‌ടിയില്‍ നിന്നും ബുദ്ധിയില്‍ നിന്നും മറയ്‌ക്കാന്‍ മുറം കമിഴ്‌ത്തിയത്‌. എന്നാല്‍ ഇത്‌ തിരിയാതെ പോയത്‌ കലിമതുശ്ശഹാദയുടെ വക്താക്കള്‍ക്കാണ്‌. ഇസ്‌ലാമിനെ മതമായി തൃപ്‌തിപ്പെടുന്നത്‌ നേതാവാണെങ്കിലും നീതനാണെങ്കിലും ധര്‍മസാഹോദര്യത്തിന്റെ ശീതളഛായയില്‍ അവര്‍ക്ക്‌ ആതിഥ്യമരുളേണ്ടതും ആദരിക്കേണ്ടതും ഒരു മുസ്‌ലിമെന്ന നിലയ്‌ക്കുള്ള ബാധ്യതയാണ്‌. ഒരു മുസ്‌ലിമിന്റെ വീട്ടില്‍ അന്യനായ അതിഥിക്കു പോലും മൂന്നുദിനം മറുചോദ്യമില്ലാത്ത അന്നവും ആതിഥ്യവുമുണ്ട്‌ എന്നിരിക്കെ കമലയോട്‌ നാം ചെയ്‌തത്‌ തീര്‍ത്തും തെറ്റായി. വാര്‍ധക്യത്തിന്റെ അവശതകളിലേക്ക്‌ കാലൂന്നിയ ഒരുവിധവയുടെ ആധി കാണാന്‍ മുസ്‌ലിംസമുദായത്തിന്‌ തീവ്രവാദ സംഘടനയുടെ കേഡര്‍ കമാന്‍ഡോകള്‍ വേണ്ടി വന്നു എന്നത്‌ സമുദായത്തിന്റെ മുഖത്തുവീണ വിഷക്കറയാണ്‌. ഏത്‌ ക്രീമിട്ടു മസാജ്‌ ചെയ്‌താലും ഭേദമാകാത്ത കറുത്തപാട്‌. പൗരോഹിത്യത്തിനൊരു രീതിയുണ്ട്‌; ആരോടും. ജീവിതകാലത്ത്‌ തങ്ങളുടെ നിലനില്‌പിനും വയറ്റുപ്പിഴപ്പിനും വേണ്ടി ആരേയും പരമാവധി ചൂഷണംചെയ്യുക. പിന്നീട്‌ മരിച്ചെന്ന്‌ മനസ്സിലാകുകയും തിരിച്ചു വരില്ലെന്ന്‌ ഉറപ്പാവുകയും ചെയ്‌താല്‍ ജീവിതകാലത്ത്‌ പഠിപ്പിച്ചതിനെല്ലാം വിരുദ്ധമായത്‌ ശവത്തിന്‌ ഓതിക്കൊടുക്കുക. കമലയോടും അവര്‍ അതു തന്നെ കാണിച്ചു. പൊന്നുരുക്കുന്നേടത്ത്‌ പൂച്ചയ്‌ക്കെന്ത്‌! പൗരോഹിത്യത്തിനെന്ത്‌ നീര്‍മാതളം. ഇന്ത്യന്‍ കറന്‍സിക്ക്‌ ജാതിഭേദമില്ലാത്തതിനാല്‍ നാലപ്പാട്ടെ വിശാലമനസ്‌കയായ കമലാദാസിന്റെ `കാഫിറു'കളായ മക്കള്‍ ദുആ ഇരന്നതിന്‌ കൊടുക്കുന്ന കൈമടക്കിന്‌ ഹറാമും കറാഹത്തുമൊന്നും ബാധകമല്ലല്ലോ.

സൂറത്തുല്‍ ഇന്‍ശിറാഹ്‌ സമുദായം ഇനിയും ഏറെ ഓതേണ്ടിയിരിക്കുന്നു. പ്രവാചകന്‍ മൂസയുടെ റബ്ബിശ്‌റഹ്ലീ സ്വദ്രീ... എന്ന പ്രസിദ്ധമായ പ്രാര്‍ഥനാ വചനങ്ങള്‍ അര്‍ഥമറിഞ്ഞ്‌ ഉരുവിടേണ്ടിയിരിക്കുന്നു.

ഇസ്‌ലാമിനെ കുറിച്ച അറിവില്‍ സുരയ്യമാരെ ഒരു ഒന്നാംക്ലാസ്‌ മദ്‌റസാ വിദ്യാര്‍ഥിയായി കാണാന്‍ എപ്പോഴാണ്‌ നമുക്കു കഴിയുക. അവര്‍ വര്‍ഷങ്ങള്‍ നീണ്ട പഠനത്തിനും മനനത്തിനും ശേഷമാണ്‌ ഇസ്‌ലാമിന്റെ തീരത്തണഞ്ഞതെന്നത്‌ നേരു തന്നെ. പക്ഷേ, ഇസ്‌ലാമിന്റെ ആഴവും പരപ്പും ക്രമാനുഗതമായി മനസ്സിലാക്കാന്‍ ജനനം മുതല്‍ പരമ്പരാഗതമായി ഇസ്‌ലാം അനുഷ്‌ഠിക്കുന്ന നമ്മില്‍ തന്നെ എത്രപേര്‍ക്ക്‌ കഴിഞ്ഞു എന്നാലോചിക്കുമ്പോഴാണ്‌ വര്‍ഷങ്ങളായി മറ്റൊരു മതം ആചരിച്ചും അനുഷ്‌ഠിച്ചും വരുന്ന, സ്വാതന്ത്ര്യേഛുവായ, പൊതുസമൂഹത്തിലെ ഉന്നത വ്യക്തിത്വമായി ജീവിച്ച ഒരു വ്യക്തിയുടെ ചിന്തകളെയും വാക്കുകളെയും അളക്കാനുള്ള മാപിനിയുടെ ന്യൂനത നമുക്കു ബോധ്യപ്പെടുക. അങ്ങനെയാകുമ്പോള്‍ മാത്രമേ പുതിയ മതത്തില്‍ ഔദ്യോഗികമായി വന്ന്‌ ഏതാനും നാളുകള്‍ക്കുള്ളില്‍ അവര്‍ നടത്തുന്ന അഭിപ്രായ പ്രകടനങ്ങളിലെ പെരുംതെറ്റുകളെ ശൈശവത്തിന്റെ കാലിടര്‍ച്ചകളായി കാണാനും കൈപിടിച്ച്‌ നടത്തിക്കാനുമുള്ള വിശാലമനസ്സ്‌ ഉമ്മത്തിന്റെ മാതൃത്വത്തിന്‌ ലഭ്യമാവൂ. ഇതിന്‌ കഴിയാതെ പോയതാണ്‌ നമ്മുടെ പരാജയം. എന്തോ ചിലതു പറഞ്ഞു പോയപ്പോഴേക്കും, അത്‌ പെരുപ്പിച്ചു കാട്ടുന്നതില്‍ ചില സൃഗാല ബുദ്ധികളുടെ കൗശലങ്ങള്‍ പിന്നിലുണ്ടായിട്ടും നായതൊട്ട കലം കണക്കെ അവരെ ദൂരെ മാറ്റിനിര്‍ത്തിയത്‌ വലിയ തെറ്റായിപ്പോയി എന്ന്‌ ഇനിയെങ്കിലും തിരിച്ചറിയുന്നില്ലെങ്കില്‍ സമുദായത്തിന്‌ പെറ്റുവീഴുന്ന മക്കള്‍ക്കു പുറമെ മയ്യിത്തു നമസ്‌കാരത്തിന്‌ ആരും വരാനുണ്ടാകില്ല. മത തീവ്രവാദത്തിന്റെ ത്രിശൂലങ്ങള്‍ക്കു മുമ്പില്‍ നാട്ടിലെ പാവങ്ങള്‍ക്ക്‌ മതംമാറാന്‍ ഭീതിയുണ്ടെന്നത്‌ നേരാണ്‌. അത്‌ ബുദ്ധിജീവികള്‍ക്കു കൂടി ഭയജനകമാകുന്നുണ്ടെങ്കില്‍ കാര്യം കൂടുതല്‍ ഗൗരവമര്‍ഹിക്കുന്നുണ്ട്‌.

സുരയ്യയെയും ബഷീറിനെയുമൊക്കെ ഖുതുബുസ്സമാന്മാരെന്നും ശംസുല്‍ ഉലമകളെന്നും താജുല്‍ ഉലമകളെന്നുമൊക്കെ നാം വാഴ്‌ത്തുന്ന പണ്ഡിതകേസരികളുടെ വലതുവശത്തിരുത്തി വിലയിരുത്തുന്നതാണ്‌ നമുക്കു പറ്റുന്ന മൂലാബദ്ധങ്ങള്‍. അവര്‍ കണ്ടെത്തുന്ന ഇസ്‌ലാമുമായി അവര്‍ ജീവിക്കട്ടെ. അവരെ നല്ല മുസ്‌ലിമായി അംഗീകരിച്ചും നിലനിര്‍ത്തിക്കൊണ്ടും തന്നെ ആവും വിധം ബുദ്ധിപരമായി തിരുത്താന്‍ സമര്‍ഥമായി ശ്രമിക്കുന്നതാണ്‌ ബുദ്ധി. അവര്‍ പറയുന്നതാണ്‌ ഇസ്‌ലാമെന്ന്‌, അല്ലെങ്കില്‍ അവര്‍ വിമര്‍ശിക്കുന്നതെല്ലാം ശരിയായ ഇസ്‌ലാമിന്റെ ന്യൂനതകളെയും തെറ്റുകളെയുമാണ്‌ കുറിക്കുന്നതെന്ന്‌ നേര്‍ബുദ്ധിയുള്ള അധികം ആളുകളൊന്നും വിശ്വസിക്കുകയില്ല. പ്രത്യേകിച്ചും അതിനെ തിരുത്തി ജീവിക്കുന്ന മുസ്‌ലിം ഭൂരിപക്ഷം ജീവിക്കുന്ന സമൂഹത്തില്‍ അത്തരം ചിന്തകള്‍ക്ക്‌ പ്രസക്തിയില്ല. മുഹമ്മദ്‌ നബിയുടെ കാലത്ത്‌ ഇസ്‌ലാമിലേക്കു വന്നവരില്‍ ബഹുഭൂരിപക്ഷവും ഇസ്‌ലാമിന്റെ കലിമതുത്തൗഹീദിന്റെ അഗാധമായ ആത്മീയവശങ്ങളും ഇസ്‌ലാമിക ജീവിതദര്‍ശനത്തിന്റെ സമ്പൂര്‍ണമായ അന്യൂനതയും ബോധ്യപ്പെട്ടതിനാല്‍ വന്നവരായിരുന്നില്ലെന്ന്‌ ആരു മറന്നാലും മുസ്‌ലിംകള്‍ മറക്കരുതല്ലോ. ഇസ്‌ലാമിന്റെ താന്‍ ആഗ്രഹിക്കുന്ന ചില വശങ്ങളുടെ നന്മകണ്ടാണ്‌ പലരും ഭാഗികമുസ്‌ലിംകളായത്‌. പിന്നീട്‌ അവര്‍ ഇസ്‌ലാമിനകത്തുനിന്ന്‌ ഇസ്‌ലാമിനെ കൂടുതല്‍ നന്നായി അനുഭവിച്ചപ്പോഴാണ്‌ ഇസ്‌ലാമിനെ പൂര്‍ണമായി അന്യൂനമായി മനസ്സിലാക്കിയതും `അല്ലാഹുവിനെ തൃപ്‌തിപ്പെട്ടവരും അല്ലാഹു തൃപ്‌തിപ്പെട്ടവരുമെന്ന്‌' ഖുര്‍ആന്‍ വിശേഷിപ്പിക്കുന്ന പദവിയിലേക്കെത്തിയതും.

പാരമ്പര്യമുസ്‌ലിംകള്‍ക്കു മുമ്പേ സ്വര്‍ഗത്തിലെത്തി പുഞ്ചിരിക്കാന്‍ ഇജ്‌തിഹാദില്‍ തെറ്റിയ സുരയ്യമാര്‍ക്കു കഴിയുമായിരിക്കും. അവരുടെ ശാപമേല്‌ക്കാതിരിക്കാന്‍ സ്വയംതെറ്റുകള്‍ മനസ്സിലാക്കി പശ്ചാതപിക്കുക. അവര്‍ ശപിക്കില്ലായിരിക്കാം, കാരണം വിശാലമനസ്‌കരാണവര്‍. സുരയ്യയും ഒരു ചാനല്‍ അഭിമുഖത്തില്‍ അതു പറഞ്ഞല്ലോ- ഞാന്‍ ശപിച്ചാല്‍ പലര്‍ക്കും പലതും പറ്റും. പക്ഷേ, ഞാന്‍ ശപിക്കില്ല. മുസ്‌ലിമല്ലേ, ശപിക്കാന്‍ പാടില്ലല്ലോ. ഈ ഉമ്മ ഒറ്റ വാക്യംകൊണ്ടു സാധിച്ച ഇത്തരം ഒരു സന്ദേശം പൊതു സമൂഹത്തിന്റെ മനോമുകുരങ്ങളിലേക്ക്‌ തൊടുക്കാന്‍ താജുല്‍ ഉലമമാര്‍ക്ക്‌ എത്ര ഡെസിബല്‍ പവറുള്ള ആംപ്ലിഫയര്‍ വേണ്ടിവരും എന്നെങ്കിലും ചിന്തിക്കുക. അതു കഴിഞ്ഞു മതി അവരുടെ വാക്കുകളിലെ അറിവുകുറവിന്റെ സ്‌ഖലിതങ്ങളെ പെരുപ്പിച്ച്‌ ഒറ്റപ്പെടുത്താന്‍. അതെ, സുരയ്യമാര്‍ക്ക്‌ കഴിയുന്ന ചിലതുണ്ട്‌. നാം എത്ര ശ്രമിച്ചാലും സാധിക്കാത്ത ചിലത്‌.

സിസ്റ്റര്‍ ജസ്‌മി: ഒരു കന്യാസ്‌ത്രീയുടെ ദുരനുഭവങ്ങള്‍

2009-04-09T22:55:00.002+05:30

അഭിമുഖം

__________________________

സിസ്റ്റര്‍ ജസ്‌മി/വി കെ ജാബിര്‍

ഭേദ്യമായ പെരുങ്കോട്ടയില്‍ നിന്ന്‌ ' 'യേശു'വിനെയും കൊണ്ട്‌ ഓടിരക്ഷപ്പെട്ട സിസ്റ്റര്‍ ജെസ്‌മി കേരളത്തിലും പുറത്തും ക്രിസ്‌തീയ സഭയ്‌ക്കെതിരെ ഒരുപാട്‌ ചോദ്യങ്ങളാണ്‌ പൊതുസമൂഹത്തില്‍ ഉയര്‍ത്തിവിട്ടത്‌. ഇക്കഴിഞ്ഞ ഫെബ്രുവരിയിലാണ്‌ സഭാവസ്‌ത്രം ഉപേക്ഷിച്ച്‌ പൊതുസമൂഹത്തിന്റെ സ്വാതന്ത്ര്യത്തിലേക്കിറങ്ങിയ സിസ്റ്റര്‍ ജെസ്‌മിയുടെ ആമേന്‍ എന്ന ആത്മകഥാപരമായ പുസ്‌തകം (ഒറ്റമാസം കൊണ്ട്‌ മൂന്നുപതിപ്പ്‌ പുറത്തിറങ്ങി) പ്രസിദ്ധീകരിക്കപ്പെട്ടത്‌.

സീറോ മലബാര്‍ സഭയുടെ തൃശൂര്‍ രൂപതയ്‌ക്കു കീഴിലുള്ള വിമലാ കോളെജ്‌ പ്രിന്‍സിപ്പലായിരുന്നു നരെറ്റോളജിയില്‍ (ആഖ്യാനശാസ്‌ത്രം) ഡോക്‌ടറേറ്റ്‌ നേടിയ സിസ്റ്റര്‍ ജെസ്‌മി. എം ഫില്‍ വരെ എല്ലാ പരീക്ഷകളും റാങ്കോടെയാണ്‌ വിജയിച്ചത്‌. യേശുവിന്റെ ഇച്ഛയുടെ സുരക്ഷിതകേന്ദ്രത്തിലേക്ക്‌ രക്ഷപ്പെടുകയായിരുന്നുവെന്ന്‌ ഒരു കന്യാസ്‌ത്രീയുടെ ആത്മകഥ- ആമേനില്‍ ജെസ്‌മി വ്യക്തമാക്കുന്നുണ്ട്‌. അടഞ്ഞ ഒന്നില്‍ നിന്നും തുറന്ന ജീവിതത്തിലേക്ക്‌. കന്യാസ്‌ത്രീ മഠത്തിന്റെ അകത്തളങ്ങളിലെ ആത്മീയതയില്‍ നിന്ന്‌ വന്‍മതിലുകള്‍ക്കു പുറത്തെ ആത്മീയ ജീവിതത്തിലേക്ക്‌. പ്രശാന്തിയിലേക്കുള്ള പ്രയാണം എന്നാണ്‌ മഠമുപേക്ഷിച്ചതിനെക്കുറിച്ച്‌ സിസ്റ്റര്‍ ജെസ്‌മി വിശേഷിപ്പിക്കുന്നത്‌. ആത്മീയതയെ സ്ഥാപനവത്‌കരിച്ചതാണ്‌ സഭയ്‌ക്കു പറ്റിയ വലിയ തെറ്റെന്ന്‌ ജെസ്‌മി വിശ്വസിക്കുന്നു.

സഭയുടെ വെളിച്ചം കടക്കാത്ത ചട്ടക്കൂടില്‍ നിന്ന്‌ പുറത്തു കടന്ന്‌ സഭാവസ്‌ത്രം അഴിച്ചുവെച്ച്‌ സഭയ്‌ക്കുള്ളിലെ ലൈംഗിക അരാജകത്വത്തെയും ദുഷ്‌ചെയ്‌തികളെയും അഴിമതികളെയും തുറന്നെതിര്‍ക്കുന്ന ആത്മകഥാംശമുള്ള ഇത്തരമൊരു പുസ്‌തകം ആദ്യമാണ്‌. സന്യാസി സമൂഹത്തിന്റെ വഴിവിട്ട ജീവിതക്രമങ്ങളെക്കുറിച്ചും ക്രൈസ്‌തവ സഭയുടെ ദുഷിച്ച അധികാരശ്രേണികളെക്കുറിച്ചും തുറന്നെഴുതുന്ന ഒരുപക്ഷെ ആദ്യത്തെ കൃതിയാണ്‌ ആമേന്‍ എന്ന ആത്മകഥ. ലോകത്ത്‌ മറ്റെവിടെയെങ്കിലും ഇത്തരമൊരു കൃതി പുറത്തിറങ്ങിയിട്ടുണ്ടോ എന്നറിയില്ലെന്ന്‌ ജെസ്‌മി തന്നെ വ്യക്തമാക്കുന്നുണ്ട്‌.

മുമ്പ്‌ ചേരികളില്‍ പ്രവര്‍ത്തിച്ചിരുന്ന ഇംഗ്ലണ്ടുകാരായ രണ്ട്‌ സിസ്റ്റര്‍മാര്‍ സഭയ്‌ക്കെതിരെ പുസ്‌തകം എഴുതിയിരുന്നു. അതുപക്ഷെ ചേരികളില്‍ സാധാരണമായ അബോര്‍ഷനെ (ഗര്‍ഭഛിദ്രം) കുറിച്ചുള്ള സഭയുടെ നിലപാടുമായി ബന്ധപ്പെട്ടു മാത്രമായിരുന്നു. ബലാല്‍സംഗത്തിന്‌ ഇരയാവുന്ന ഇരകളുടെ ഗര്‍ഭഛിദ്ര പ്രശ്‌നത്തില്‍ സഭാ തീരുമാനത്തെ എതിര്‍ത്തുകൊണ്ടെഴുതിയ പുസ്‌തകം പക്ഷെ സഭയുടെ പ്രവര്‍ത്തനരീതികളെയോ ചിട്ടവട്ടങ്ങളെയോ പരിചയപ്പെടുത്തിയില്ല.

അഭയകേസില്‍ സുപ്രധാനമായ അറസ്റ്റുകളും മറ്റു നടപടികളുമുണ്ടായപ്പോള്‍ സഭയ്‌ക്കു പുറത്തായി എന്നത്‌ സുകൃതമായി കരുതുന്നു സിസ്റ്റര്‍ ജെസ്‌മി. മഠത്തില്‍ നിന്നു പുറത്തുവന്നാലും താന്‍ സിസ്റ്റര്‍ തന്നെയായിരിക്കും. ഗസറ്റില്‍ സിസ്റ്റര്‍ ജെസ്‌മി എന്ന പേരു സ്വീകരിച്ചതിനാല്‍ അതിനു നിയമത്തിന്റെ പിന്‍ബലവുമുണ്ടെന്ന്‌ ജെസ്‌മി വിശ്വസിക്കുന്നു.

ദുഷിപ്പ്‌ ഏറ്റവും കൂടിനില്‌ക്കുന്ന സമയത്ത്‌ സഭാവസ്‌ത്രം ഊരിയെറിഞ്ഞ്‌ പുറത്തുചാടാനായതില്‍ സിസ്റ്റര്‍ സന്തുഷ്‌ടയാണ്‌. പല സുഹൃത്തുക്കളും ഇക്കാര്യം ഫോണിലും അല്ലാതെയും അറിയിച്ചിട്ടുണ്ട്‌. അഭയ കേസ്‌ തെളിയുമ്പോള്‍ പിന്നിലേക്കിടുന്ന മുഖംമൂടി മുന്നോട്ടു കെട്ടേണ്ടിവരുമെന്ന്‌ ഞങ്ങള്‍ സിസ്റ്റര്‍മാര്‍ പരസ്‌പരം പറയുമായിരുന്നു.

സഭയുടെ കടുത്ത ചിട്ടവട്ടങ്ങളോട്‌ കലഹിച്ചാണ്‌ സിസ്റ്റര്‍ ജെസ്‌മി സഭാവസ്‌ത്രം ഉപേക്ഷിച്ചത്‌. പ്രതിമ വീണുടഞ്ഞാല്‍ ജീസസും മറിയമും തകര്‍ന്നുപോകുമോ എന്നൊരു ചോദ്യം സിസ്റ്റര്‍ മുമ്പ്‌ ചോദിച്ചത്‌ ഇപ്പോഴും അവരുടെ മനസ്സില്‍ മുഴങ്ങുന്നു. ഒരിക്കല്‍, അല്‍ത്താരയില്‍ സൂക്ഷിച്ച യേശുവിന്റെ പ്രതിമ അബദ്ധത്തില്‍ തട്ടി വീണുടഞ്ഞതിന്റെ പേരില്‍ മേലധികാരി, സിസ്റ്ററെ ശിക്ഷിച്ച സന്ദര്‍ഭത്തിലായിരുന്നു അത്‌. യേശുവിന്റെയും മാതാവായ കന്യാമറിയത്തിന്റെയും `കൈകള്‍ പിടിച്ചു'കൊണ്ടാണ്‌ ഞാന്‍ സി എം സി (ജെസ്‌മി അംഗമായ സഭ- കോണ്‍ഗ്രഗേഷന്‍ ഓഫ്‌ മദര്‍ ഓഫ്‌ കാര്‍മല്‍) വിട്ടതെന്ന്‌ ആത്മകഥയില്‍ ജെസ്‌മി വാദിക്കുന്നുണ്ട്‌.

മഠത്തില്‍ കഴിഞ്ഞ 33 വര്‍ഷത്തെ ജീവിതത്തില്‍ അനുസരണവ്രതത്തിന്‌ ഞാനെന്നും കീഴ്‌പ്പെട്ടിട്ടുണ്ട്‌. ചുരിദാര്‍ ധരിക്കുന്നത്‌ അനുസരണവ്രതം തെറ്റിക്കാന്‍ മാത്രം പര്യാപ്‌തമായ കുറ്റമായിരുന്നു. കന്യാസ്‌ത്രീ മഠത്തില്‍ നിന്ന്‌ വിടുതല്‍ ലഭിക്കുന്നതിന്‌ പരിഗണിക്കത്തക്ക കാരണമായിരുന്നു ഇതെന്ന്‌ വിശദീകരിക്കുന്ന സിസ്റ്റര്‍ ജെസ്‌മി സഭ വിട്ടതിന്റെ പശ്ചാത്തലത്തില്‍ ചില കാര്യങ്ങള്‍ തുറന്നുപറയുന്നു:

ഇത്തരമൊരു തുറന്നെഴുത്തിനുള്ള പ്രേരകം എന്തായിരുന്നു?

പ്രധാനമായി തുറവി എന്ന എന്റെ ജന്മനാ ലഭിച്ച സവിശേഷ ഗുണം തന്നെ. ജീവിതത്തിലും തൊഴിലിലും ഓപ്പണ്‍നെസ്‌ വേണം. നമ്മുടെ പ്രവര്‍ത്തനങ്ങള്‍ ജനാധിപത്യപരവും സുതാര്യവുമായിരിക്കണം എന്നെനിക്ക്‌ നിര്‍ബന്ധമുണ്ട്‌. പൊതുകാര്യങ്ങള്‍ ഒളിപ്പിച്ച്‌ വെക്കുന്നതിനോട്‌ എനിക്ക്‌ യോജിക്കാന്‍ കഴിയില്ല. എന്നാല്‍, ജനങ്ങളുടെ സംഭാവനയും സഹകരണവും കൊണ്ട്‌ കെട്ടിപ്പടുക്കപ്പെട്ട സഭയുടെ പ്രവര്‍ത്തനം അങ്ങേയറ്റം രഹസ്യാത്മകവും ഒരുപക്ഷെ നിഗൂഢവുമാണ്‌.
തങ്ങളുടെ നേര്‍നടുവില്‍ കാരാഗൃഹതുല്യമായ അടച്ചുകെട്ടിനുള്ളില്‍ എന്താണു സംഭവിക്കുന്നതെന്നറിയാന്‍ സമൂഹത്തിന്‌ അവകാശമുണ്ട്‌. സന്യസ്‌തര്‍ സമൂഹത്തിലാണ്‌ ജീവിക്കുന്നത്‌. കുട്ടികളോടും യുവാക്കളോടും വൃദ്ധരോടും കുടുംബങ്ങളോടും ഇടപഴകിയാണ്‌ അവരുടെ ജീവിതം. തങ്ങളുടെ ചുറ്റുമുള്ള ആളുകളുടെ ജീവിതത്തിന്റെ നാനാവശങ്ങളിലേക്കും കടന്നുചെല്ലുന്ന അവര്‍ പഠിപ്പിക്കുകയും വഴികാട്ടുകയും സാന്ത്വനിപ്പിക്കുകയും ചെയ്യുന്നു. എന്നിട്ടും ഇതേ സമൂഹത്തിന്‌ സന്യസ്‌തര്‍ നിഗൂഢരായി അവശേഷിക്കുന്നു.

ഈ ചുറ്റുമതിലുകള്‍ക്കുള്ളിലെ യഥാര്‍ഥ സംഭവങ്ങളുടെ തീര്‍ത്തും തെറ്റായ ഒരു ചരിത്രമാണ്‌ വ്യാജപ്രസ്‌താവനകളായി പുറത്തേക്കു പരക്കുന്നത്‌. സഭയില്‍ യഥാര്‍ഥത്തില്‍ എന്താണു നടക്കുന്നതെന്നറിയാന്‍ പൊതുസമൂഹത്തിന്‌ അവകാശമുണ്ട്‌. തങ്ങളുടെ കുട്ടികളെ എന്താണു പഠിപ്പിക്കുന്നതെന്നറിയാന്‍ രക്ഷിതാക്കള്‍ക്ക്‌ ന്യായമായും അവകാശമുണ്ടെന്ന്‌ ഞാന്‍ വിശ്വസിക്കുന്നു. സഭയുടെ പ്രവര്‍ത്തനങ്ങളില്‍ സുതാര്യതയും ജനാധിപത്യവും അനിവാര്യമാണെന്ന ചിന്തയാണ്‌ തുറന്നെഴുത്തിനുള്ള യഥാര്‍ഥ പ്രേരകം.

ദൈവത്തിന്റെ മാര്‍ഗത്തിലാണ്‌ നാമെങ്കില്‍ മറയ്‌ക്കാന്‍ യാതൊന്നുമില്ല. സാധാരണ കാര്യങ്ങളില്‍ പോലും നാമിത്രമാത്രം രഹസ്യം സൃഷ്‌ടിക്കുന്നതെന്തിനാണ്‌? വ്യക്തികളുടെയോ കുടുംബത്തിന്റെയോ സ്ഥാപനത്തിന്റെയോ സ്വകാര്യതയല്ല ഞാനുദ്ദേശിച്ചത്‌. അവ ആദരിക്കപ്പെടേണ്ടതു തന്നെയാണ്‌. സമൂഹവുമായി ബന്ധപ്പെട്ട കാര്യങ്ങള്‍ മറ്റുള്ളവരുമായി പങ്കുവയ്‌ക്കപ്പെടേണ്ടതുണ്ട്‌. ന്യായമായ കാര്യങ്ങളില്‍ പോലും അനാവശ്യമായ രഹസ്യാത്മകത കത്തോലിക്കാ സഭയില്‍ സൂക്ഷിക്കപ്പെടുന്നുണ്ട്‌. നമ്മുടെ ഇടപാടുകളില്‍ അനീതിയും അന്യായവും നെറികേടുമുണ്ടാകുമ്പോള്‍ മാത്രമാണ്‌ രഹസ്യമാക്കിവെക്കാനുള്ള പ്രവണത ഉദിക്കുന്നത്‌. അനാവശ്യമായ മറച്ചുവെക്കല്‍ പ്രവണത മതമേധാവികളില്‍ സാധാരണമാണ്‌.

സഭാ വസ്‌ത്രം അഴിച്ചുവെച്ച്‌ ഓടിപ്പോരാന്‍ പെട്ടെന്നെന്തെങ്കിലും കാരണം?

മഠത്തിനുള്ളിലും ജോലിസ്ഥലത്തും സിസ്റ്റര്‍മാരുടെ വിവിധ ഗ്രൂപ്പുകളുണ്ടായിരുന്നു. ഓരോരുത്തര്‍ക്കും അടുപ്പമുള്ളവരുടെയും 'പ്രത്യേക സ്‌നേഹ'മുള്ളവരുടെയും സംഘം. ഇഷ്‌ടക്കാരെ സ്‌നേഹിക്കുകയും ഇഷ്‌ടമില്ലാത്തവരെ പീഡിപ്പിക്കുകയും ചെയ്യുക പതിവാണ്‌. കൂടാതെ ചിലരില്‍ നിയന്ത്രണാതീതമായി കാണപ്പെട്ട സ്വവര്‍ഗപ്രേമവും അതുമായി ബന്ധപ്പെട്ട കാര്യങ്ങളും എനിക്ക്‌ ഉള്‍ക്കൊള്ളാനായില്ല.
വിമല കോളെജില്‍ അധ്യാപനം ആരംഭിച്ച കാലത്ത്‌ പ്രിന്‍സിപ്പലിന്റെ ഇച്ഛകള്‍ക്ക്‌ വഴങ്ങാത്തതിനാല്‍ അവരെന്നെ ഇകഴ്‌ത്തി. ഓരോരോ കാരണങ്ങള്‍ കണ്ടെത്തി പീഡിപ്പിച്ചു. മനോരോഗിയാണെന്ന്‌ മുദ്രകുത്താനുള്ള ശ്രമങ്ങളുണ്ടായി. ഒടുവിലൊരു ദിവസം മനോരോഗ ചികിത്സക്കായി ഒരു ഡോക്‌ടറെ വിളിച്ചുവരുത്തി എന്നെ ചികിത്സയ്‌ക്കു വിധേയമാക്കാന്‍ ശ്രമിച്ചു. അന്ന്‌ ദൈവത്തിന്റെ കരുണ കൊണ്ട്‌ ഞാന്‍ ഓടി രക്ഷപ്പെടുകയായിരുന്നു.

വിമല കോളെജ്‌ പ്രിന്‍സിപ്പലായപ്പോള്‍, സ്വാശ്രയ കോളെജുകളിലെയും മറ്റും ക്രമക്കേടുകളെയും അഴിമതിയെയും കുറിച്ച്‌ തുറന്നെതിര്‍ത്തതു കാരണം സന്യാസി സമൂഹത്തിലെ ചിലര്‍ വീണ്ടും മാനസിക രോഗിയായി ചിത്രീകരിച്ചു. മാനസികമായി നോര്‍മലായ എന്നെ നിര്‍ബന്ധിച്ച്‌ ചികിത്സിക്കാന്‍ തുടങ്ങിയപ്പോഴാണ്‌ നിര്‍വാഹമില്ലാതെ സഭാ വസ്‌ത്രം വിട്ടെറിഞ്ഞുപോരാനുള്ള തീരുമാനമെടുത്തത്‌. തുടര്‍ന്ന്‌ കോളെജ്‌ പ്രിന്‍സിപ്പല്‍ സ്ഥാനം രാജിവെച്ചു.

വിദ്യാഭ്യാസത്തിന്റെ കമ്പോള വത്‌കരണം, സ്വാശ്രയ സ്ഥാപനങ്ങളിലെ അഴിമതികള്‍,
പുരോഹിതര്‍ക്കെതിരെയുയര്‍ന്ന ലൈംഗികാരോപണങ്ങള്‍ തുടങ്ങി കത്തോലിക്കാ സഭയെ
അപകീര്‍ത്തിപ്പെടുത്തുന്ന ഒട്ടേറെ വിവാദങ്ങള്‍ സമീപകാലത്തുണ്ടായി. ആരോപണങ്ങളെ സഭ
പ്രതിരോധിക്കുകയായിരുന്നു. ഇത്തരത്തിലുള്ള ഒരു സ്ഥാപനത്തിന്റെ ഭാഗമായിരുന്നതിലുള്ള
കുറ്റബോധമായിരുന്നോ രചനയുടെ പ്രചോദനം?

സഭയുടെയും സന്യാസി സമൂഹത്തിന്റെയും ഇന്നത്തെ അവസ്ഥ ദയനീയമാണ്‌. സ്വാശ്രയ സ്ഥാപനങ്ങളിലെ അഴിമതിയും ലൈംഗികാരോപണങ്ങളും അപമാനകരം തന്നെയാണ്‌. സിസ്റ്റര്‍ അഭയ കേസ്‌ സഭയ്‌ക്കു തീരാ നാണക്കേടാണ്‌. അഭയ കേസ്‌ നടക്കുമ്പോള്‍ സിസ്റ്റര്‍മാര്‍ പറയുമായിരുന്നു- കേസ്‌ തെളിയുമ്പോള്‍, ഞങ്ങള്‍ പിന്നിലേക്ക്‌ ഒതുക്കിയിടാറുള്ള മുഖംമൂടി മുന്നോട്ടു കെട്ടേണ്ടിവരുമെന്ന്‌.

സഭയിലും അതുമായി ബന്ധപ്പെട്ട സംവിധാനങ്ങളിലും ദുഷിപ്പ്‌ ഏറ്റവും കൂടിയ ഈ സമയത്ത്‌ സഭയില്‍ നിന്ന്‌ പുറത്തായതില്‍ അതിയായ ആഹ്ലാദമുണ്ട്‌. സന്യാസി സഭയുടെ ഇന്നത്തെ വലിയ ശാപം ഭയമാണ്‌. ഒന്നും പുറത്തുപറയാന്‍ പാടില്ലെന്ന, പുറത്തറിഞ്ഞാല്‍ എല്ലാം തകരുമെന്ന ഭീകരമായ ഭയം. ജെസ്‌മിയെന്ന പീറപ്പെണ്ണിനെ പോലും സഭ ഭയപ്പെടുന്നു.

തിരുസഭയ്‌ക്കകത്തുണ്ടായിരുന്നപ്പോഴത്തെ എന്റെ അനുഭവത്തെ മരിച്ചുപോയ സിസ്റ്റര്‍ അഭയ, സിസ്റ്റര്‍ അനുപമ മേരി എന്നിവരുമായി മാധ്യമങ്ങള്‍ താരതമ്യപ്പെടുത്തിയിരുന്നു. അവരുടെ അനുഭവങ്ങള്‍ വിവരിക്കാന്‍ അവര്‍ ജീവിച്ചിരിപ്പില്ല. എന്നാല്‍, എന്റെ അനുഭവങ്ങള്‍ അതേപടി വെളിയില്‍ കൊണ്ടുവരേണ്ട കടമ, ഞാന്‍ ജീവിച്ചിരിക്കുന്നതിനാല്‍ സ്വാഭാവികമായി എന്റെ മേല്‍ വന്നുചേര്‍ന്നിരിക്കുന്നു.

താങ്കള്‍ അംഗമായിരുന്ന കോണ്‍ഗ്രഗേഷനിലെ വിവിധ സന്യാസി സമൂഹത്തില്‍ പെട്ട
കന്യാസ്‌ത്രീകളുടെ സ്വഭാവവും പെരുമാറ്റ രീതികളും സിസ്റ്റര്‍ മറയില്ലാതെ
രേഖപ്പെടുത്തിയിട്ടുണ്ട്‌. സാധാരണക്കാരുടെ ജീവിതത്തില്‍ പോലും അത്ര സാധാരണമല്ലാത്ത
വിധത്തില്‍ അസൂയയും പകയും അഹങ്കാരവുമൊക്കെ കന്യാസ്‌ത്രീകളില്‍ നിറഞ്ഞു
നില്‌ക്കുന്നതായി ആമേന്‍ സാക്ഷ്യപ്പെടുത്തുന്നു. യഥാര്‍ഥത്തില്‍ ഇതിന്റെ കാരണം
മനശ്ശാസ്‌ത്രപരമല്ലേ?

ആത്മീയസത്ത (സ്‌പിരിറ്റ്‌) ചോര്‍ന്നുപോകുന്നതുകൊണ്ടാണ്‌ സിസ്റ്റര്‍മാരില്‍ ആശാസ്യമല്ലാത്ത രീതികള്‍ കടന്നുകൂടിയത്‌. ഇരു ചേരികളും ധാരാളം അനുയായികളുമായി പരസ്‌പരം യുദ്ധം നടത്തുന്ന രണ്ടു വിഭാഗങ്ങള്‍ മഠങ്ങളിലുണ്ടായിട്ടുണ്ട്‌. മഠങ്ങളിലെ സിസ്റ്റര്‍മാര്‍ക്കിടയില്‍ ലൈംഗികവൈകൃതം വ്യാപകമാണ്‌. സ്‌പിരിറ്റും ഉള്‍വിളിയുമില്ലാതെ കന്യാവസ്‌ത്രം അണിയുന്നവര്‍ക്കിടയില്‍, അമര്‍ത്തിവെച്ച വികാരങ്ങള്‍ പുറത്തുചാടുന്നത്‌ സ്വാഭാവികമാണ്‌.

ഇങ്ങനെ അച്ഛന്‍മാരെ പ്രണയിച്ചും പുറത്തുള്ളരെ പ്രണയിച്ചും വിവാഹം കഴിച്ച്‌ മഠങ്ങളില്‍ നിന്ന്‌ രക്ഷപ്പെടുന്ന ഒരുപാട്‌ പേരുണ്ട്‌. പുറത്തുചാടാന്‍ ധൈര്യമില്ലാത്ത ചിലര്‍ പരസ്‌പരം പ്രണയിച്ചും, ഇടയ്‌ക്കൊക്കെ പുറത്തുപോയി ആനന്ദം കണ്ടെത്തിയും ഒരവസരത്തിനായി കഴിഞ്ഞു കൂടുന്നു. വികാരങ്ങള്‍ അമര്‍ത്തിവെച്ച്‌ രക്ഷപ്പെടാന്‍ കാത്തിരിക്കുന്നവര്‍ മഠങ്ങളില്‍ ഒരുപാടുണ്ട്‌.

30 സിസ്റ്റര്‍മാര്‍ വലിയ കുഴപ്പമില്ലാതെ ഒരുമിച്ചു ജീവിക്കുന്ന മഠമാണ്‌ ലോകത്തെ മഹാത്ഭുതമെന്നാണ്‌ എന്റെ അഭിപ്രായം! മൂല്യങ്ങളില്‍ നിന്ന്‌ അത്രയ്‌ക്ക്‌ അവര്‍ അകന്നുപോയിരിക്കുന്നു. സാധാരണ വിശ്വാസികളും സ്‌ത്രീകളും മഠത്തിലും കോളെജിലുമുള്ള സിസ്റ്റര്‍മാരെപ്പറ്റി, ഇവരെക്കാളും എത്രയോ ഉയരത്തിലാണ്‌ നമ്മളെന്ന്‌ പറയാറുണ്ടായിരുന്നത്‌ ഞാന്‍ പലതവണ കേട്ടിട്ടുണ്ട്‌. `എ' ഗ്രേഡിലുള്ള, അടുക്കളപ്പണിയും മറ്റും ചെയ്യുന്ന സിസ്റ്റര്‍മാര്‍ ഉന്നതസ്ഥാനത്തുള്ള സിസ്റ്റര്‍മാരെക്കാള്‍ മുന്‍പേ സ്വര്‍ഗത്തിലെത്തുമെന്നും ഞാന്‍ വിശ്വസിക്കുന്നു.

വിദ്യാഭ്യാസ സ്ഥാപനങ്ങളില്‍ കുട്ടികളുടെ കോഷന്‍ ഡെപ്പോസിറ്റ്‌ പഠനം കഴിഞ്ഞാല്‍ അവര്‍ക്ക്‌ തിരിച്ചുകൊടുക്കേണ്ടതുണ്ടല്ലോ. ഇതില്‍ പോലും ചിലര്‍ തിരിമറി നടത്തിക്കണ്ടിട്ടുണ്ട്‌. `വട്ടച്ചെലവിന്‌' തുകയെടുത്ത ശേഷമാണ്‌ തിരിച്ചുനല്‌കാറുള്ളത്‌. പണത്തിന്റെ ക്രയവിക്രയങ്ങളിലുള്ള രഹസ്യാത്മകത സന്യസ്‌തര്‍ക്ക്‌ വളരെ കൂടുതലാണെന്ന്‌ തോന്നിയിട്ടുണ്ട്‌. പണം വകമാറ്റുന്നതിലും വ്യാജ കണക്കുണ്ടാക്കുന്നതിലും എല്ലാവരെക്കാളും വിദഗ്‌ധരാണ്‌ സന്യാസിവേഷധാരികള്‍ എന്ന്‌ സമ്മതിക്കാതെ വയ്യ.

സമ്പൂര്‍ണ സന്യാസ ജീവിതം മനുഷ്യന്റെ മൗലിക ചോദനകളെയും വികാര വിചാരങ്ങളെയും
അമര്‍ത്തിവെക്കുകയാണ്‌ ചെയ്യുന്നതെന്ന്‌ സിസ്റ്ററുടെ അനുഭവത്തില്‍ നിന്ന്‌
വ്യക്തമാകുന്നു. ബ്രഹ്മചര്യം സന്തുലിത മനുഷ്യപ്രകൃതിയുമായി ഏറ്റുമുട്ടുന്നു എന്ന
തുറന്ന പ്രഖ്യാപനമാണോ കന്യാസ്‌ത്രീ വസ്‌ത്രം ഉപേക്ഷിച്ച താങ്കളുടെ നിലപാട്‌?

ഞാന്‍ കന്യാസ്‌ത്രീ വസ്‌ത്രം ഉപേക്ഷിച്ചിട്ടേയുള്ളൂ. ബ്രഹ്മചര്യം ഉപേക്ഷിച്ചിട്ടില്ല. വിവാഹം കഴിക്കാനോ കുടുംബ ജീവിതം നയിക്കാനോ വേണ്ടിയല്ല ഞാന്‍ മഠമുപേക്ഷിച്ചു ഓടിപ്പോന്നത്‌. ഞാന്‍ ജീസസിനെയാണ്‌ പ്രണയിക്കുന്നത്‌.

ഉള്‍വിളിയില്ലാതെ മഠങ്ങളില്‍ ജീസസിന്റെ മണവാട്ടിമാരാകാനെത്തുന്നവരുടെ എണ്ണം കൂടുന്നുണ്ട്‌. സഭയുടെ `മഹത്വം' നിലനിര്‍ത്താന്‍ കന്യാസ്‌ത്രീകളുടെ എണ്ണം പെരുപ്പിച്ചു കാണിക്കേണ്ടതുകൊണ്ട്‌ സ്‌പിരിറ്റ്‌ ഉള്‍ക്കൊള്ളാത്തവരെ മഠങ്ങളിലേക്ക്‌ എടുക്കുന്നത്‌ വ്യാപകമായതാണ്‌ ഇപ്പോഴുള്ള സാഹചര്യത്തിനു കാരണം. ആത്മീയക്രിയകള്‍ ചെയ്യാനായി ഉള്‍വിളിയോടെഎത്തുന്നവര്‍ക്ക്‌ ഇത്തരം പ്രശ്‌നങ്ങളുണ്ടാകില്ല. ഒറ്റയ്‌ക്കായിരിക്കുമ്പോള്‍ സമൂഹത്തിനും ദൈവത്തിനും വേണ്ടി കൂടുതലായി ചെയ്യാന്‍ അവസരം ലഭിക്കുന്നുണ്ട്‌. ഇതൊരു വ്രതമായി എടുക്കുന്നവര്‍ക്കേ ബ്രഹ്മചര്യം ചേരുകയുള്ളൂ. അല്ലാത്തവരെ നിര്‍ബന്ധിച്ച്‌ മഠങ്ങളില്‍ ചേര്‍ക്കുന്നതുകൊണ്ടാണ്‌ ഇത്തരം പ്രശ്‌നങ്ങളുണ്ടാകുന്നത്‌.
കാരുണ്യക്കടലായ ദൈവം അവന്റെ പ്രീതിക്കു വേണ്ടി മനുഷ്യര്‍ ശാരീരിക കാമനകള്‍ വെടിയണമെന്ന്‌ കല്‌പിക്കുമെന്ന്‌ വിശ്വസിക്കാന്‍ പ്രയാസം തോന്നുന്നു!

കുറച്ചുപേര്‍ക്കു മാത്രം ലഭിച്ച വരമാണ്‌ ദൈവത്തെ സേവിക്കാനുള്ള അവസരം. ദൈവകാര്യങ്ങള്‍ക്കു വേണ്ടി സ്വയം അര്‍പ്പിച്ച്‌ അതിനായി ജീവിതം നീക്കിവെച്ചവരാണവര്‍. ദൈവത്തിനു വേണ്ടി സ്വയം ഷണ്‌ഡരാക്കപ്പെട്ടവരാണിവര്‍. ഇതൊരു നിര്‍ബന്ധ കല്‌പനയല്ല. ദൈവത്തെ വരവേല്‌ക്കാന്‍ വെള്ള വസ്‌ത്രം ധരിച്ച്‌ ഹലേലുയാ പാടാന്‍ കുറച്ചുപേര്‍ തയ്യാറാകുകയാണ്‌.

സന്യാസജീവിതം അനുശാസിക്കുന്ന ബൈബിള്‍ വചനങ്ങളുണ്ടോ?

നേരിട്ട്‌ സന്യാസ ജീവിതം കല്‌പിക്കുന്ന വിശുദ്ധ വചനങ്ങള്‍ ഉള്ളതായി അറിയില്ല. ഒരുപാടു വചനങ്ങളുടെ വ്യാഖ്യാനങ്ങളനുസരിച്ചാണ്‌ സന്യസ്‌ത ജീവിതം പ്രോത്സാഹിപ്പിക്കപ്പെടുന്നത്‌. അത്തരം ഒട്ടേറെ വ്യാഖ്യാനങ്ങള്‍ ഞങ്ങള്‍ക്ക്‌ പഠിപ്പിച്ചുതരുന്നുമുണ്ട്‌.

സഭയ്‌ക്കും പുരോഹിതര്‍ക്കും അപരിമിതമായ അധികാരങ്ങള്‍ കയ്യാളാനാകുന്നതാണല്ലോ ദൈവസഭകളെ ദുഷിപ്പിക്കുന്നത്‌. പൗരോഹിത്യത്തിന്‌ ദൈവശാസ്‌ത്രപരമായ സാധുതയുണ്ടോ?
സഭയില്‍ നിന്ന്‌ ദൈവം പുറത്തുകടന്നുവെന്നു വേണം പറയാന്‍! സഭ ബൈബിള്‍ അധിഷ്‌ഠിതമല്ലെന്ന ഒരു സുഹൃത്തിന്റെ പ്രയോഗം ഓര്‍മവരുന്നു. അമിതമായ അധികാരവും സുതാര്യതയില്ലായ്‌മയും അടിച്ചമര്‍ത്തലുമാണ്‌ സഭകളില്‍ പ്രശ്‌നങ്ങള്‍ ഉണ്ടാക്കുന്നത്‌.

അനുസരണവ്രതത്തിന്റെ പേരില്‍ കന്യാസ്‌ത്രീകള്‍ നിരവധി പീഡനങ്ങള്‍ക്ക്‌
വിധേയരാവുകയാണ്‌. അന്ധമായി, ബലമായി അധികാരികളെ അനുസരിപ്പിക്കുന്നത്‌ മനുഷ്യന്റെ
സ്വാതന്ത്ര്യവാഞ്‌ഛയെ അനാദരിക്കലല്ലേ?

അനുസരണവ്രതം സഭ വളരെ കര്‍ശനമായി പാലിക്കുന്നുണ്ട്‌. നിര്‍ബന്ധപൂര്‍വവും അല്ലാതെയും പരിപൂര്‍ണ അനുസരണയ്‌ക്കു പാകമാകുന്ന തരത്തിലാണ്‌ മഠങ്ങളില്‍ സിസ്റ്റര്‍മാര്‍ക്ക്‌ പരിശീലനങ്ങള്‍ നല്‌കുന്നത്‌. അനുസരണവ്രതത്തെ കുറിച്ച്‌ മനോഹരവും കവിത തുളുമ്പുന്നതുമായ വാചകങ്ങളാണ്‌ സഭയുടെ ഭരണഘടനയില്‍ എഴുതിവെച്ചിരിക്കുന്നത്‌.

മദറിനെയും സുപ്പീരിയര്‍മാരെയും അച്ചന്മാരെയും അന്ധമായി അനുസരിക്കുന്നത്‌ ശരിയല്ല. അന്ധമായ അനുസരണമാണ്‌ ഇന്നു സഭകളില്‍ നടക്കുന്നത്‌. ഒരു തൈ വേര്‌ മേല്‌പോട്ടാക്കി നടാന്‍ സുപ്പീരിയര്‍മാര്‍ കല്‌പിച്ചാല്‍ അതംഗീകരിക്കാന്‍ ഒരു സിസ്റ്റര്‍ ബാധ്യസ്ഥയാണ്‌. ആ ചെടി മുളയ്‌ക്കുമെന്നും അവള്‍ വിശ്വസിച്ചേ തീരൂ! എന്നാല്‍, ഉത്തരവാദിത്ത പൂര്‍ണവും ക്രിയാത്മകവുമായ അനുസരണയാണ്‌ യഥാര്‍ഥത്തില്‍ വേണ്ടത്‌. ഞാന്‍ എന്റെ വിദ്യാര്‍ഥികള്‍ക്കും മറ്റും ഈയൊരു ബോധമാണ്‌ പകര്‍ന്നു നല്‌കാന്‍ ശ്രമിച്ചത്‌. അന്ധമായ അനുസരണയെ പലപ്പോഴും മഠത്തില്‍ ഞാന്‍ ചോദ്യം ചെയ്‌തിട്ടുണ്ട്‌. ഇത്‌ പലപ്പോഴും എതിര്‍പ്പ്‌ ക്ഷണിച്ചുവരുത്തിയ അനുഭവം എനിക്കുണ്ടായിട്ടുണ്ട്‌.

കന്യാസ്‌ത്രീ വസ്‌ത്രം ഉപേക്ഷിക്കാന്‍ തയ്യാറുള്ളവരെ മാന്യമായി സ്വീകരിക്കാന്‍
നിയമനിര്‍മാണം വേണമെന്ന വനിതാ കമ്മിഷന്‍ ശിപാര്‍ശയെക്കുറിച്ച്‌ എന്താണ്‌ അഭിപ്രായം?

സഭയില്‍ നിന്ന്‌ ഇറങ്ങാന്‍ തയ്യാറുള്ളവര്‍ ഒരുപാടുണ്ട്‌. പലര്‍ക്കും ധൈര്യമില്ലാത്തതിനാലാണ്‌ സഭാവസ്‌ത്രം ഊരിയെറിയാത്തത്‌. ഇത്തരക്കാര്‍ക്ക്‌ സംരക്ഷണം നല്‌കാന്‍ സംവിധാനം ഉണ്ടാകണം. അത്തരം ഷെല്‍ട്ടറുകള്‍ കേരളത്തില്‍ രൂപപ്പെട്ടുവന്നാല്‍ കൂടുതല്‍ പേര്‍ മഠങ്ങളില്‍ നിന്ന്‌ പുറത്തുചാടും.

സഭ പിന്തുടരുന്നത്‌ സ്‌ത്രീവിരുദ്ധ നയങ്ങളാണെന്ന്‌ താങ്കള്‍ ആവേശത്തോടെ ആത്മകഥയില്‍
പറയുന്നുണ്ട്‌. ഈ വിവേചനം യേശുവിന്റെ അധ്യാപനങ്ങള്‍ക്ക്‌ വിരുദ്ധമല്ലേ?

സഭ പിന്തുടരുന്നത്‌ ബൈബിള്‍ നയങ്ങളല്ല എന്നു പറയേണ്ടിവരും. അച്ഛന്മാര്‍ക്കും സിസ്റ്റര്‍മാര്‍ക്കുമിടയില്‍ കാര്യമായ വിവേചനം നിലനില്‌ക്കുന്നുണ്ട്‌. സാമ്പത്തികമായും കടുത്ത വിവേചനമുണ്ട്‌. അച്ചന്മാര്‍ക്ക്‌ എത്രവേണമെങ്കിലും സമ്പാദിക്കാനുള്ള അവസരമുണ്ട്‌. സിസ്റ്റര്‍മാര്‍ എത്ര കഠിനമായ ജോലി ചെയ്യുന്നവരായാലും ഉയര്‍ന്ന ഉദ്യോഗമുള്ളവരായാലും പോക്കറ്റ്‌ മണിയായി മാസം തുച്ഛമായ 75 രൂപയാണ്‌ നല്‌കുന്നത്‌. അതേസമയം ഒന്നിലേറെ വാഹനങ്ങളും അരമന ജീവിതവുമായി അച്ചന്മാര്‍ സുഖിച്ചു ജീവിക്കുന്നു. ഇത്‌ കടുത്ത വിവേചനമാണ്‌. ബൈബിള്‍ അനുശാസിക്കുന്നതല്ല ഇത്‌. സ്‌ത്രീവിരുദ്ധ നിലപാട്‌ യേശു അംഗീകരിക്കുന്നില്ല. പാശ്ചാത്യ ചിന്താഗതി വച്ചുപുലര്‍ത്തുന്ന സെന്റ്‌പോള്‍ അപ്പോസ്‌തലനാണ്‌ സ്‌ത്രീവിരുദ്ധ നിലപാടുകള്‍ ബൈബിളില്‍ എഴുതിച്ചേര്‍ത്തത്‌. ഇദ്ദേഹത്തിന്റെ നിലപാടുകള്‍ കടുത്ത സ്‌ത്രീ വിരുദ്ധമായിരുന്നു.

പ്രവര്‍ത്തനംകൊണ്ട്‌ താങ്കള്‍ ഒരു വിമോചനവാദിയാണ്‌. എന്നാല്‍ വിമോചന ദൈവശാസ്‌ത്രം
അംഗീകരിക്കുന്നുണ്ടോ?

വിമോചന ദൈവശാസ്‌ത്രം അംഗീകരിക്കുന്നില്ല. ഞാന്‍ ഒരു ആക്‌ടിവിസ്റ്റല്ല, ഫെമിനിസ്റ്റുമല്ല. എന്നാല്‍ സ്‌ത്രീയുടെ സ്വാതന്ത്യത്തിനും ഉയര്‍ച്ചയ്‌ക്കും വേണ്ടി പ്രവര്‍ത്തിക്കാനാഗ്രഹിക്കുന്നു. ഞാന്‍ സ്‌ത്രീയെ സ്‌നേഹിക്കുന്നു. ശക്തമായ ചില വിശ്വാസങ്ങളില്‍ അധിഷ്‌ഠിതമാണ്‌ എന്റെ ജീവിതം. ലിബറേഷന്‌ പരിധിയുണ്ടെന്ന്‌ ഞാന്‍ വിശ്വസിക്കുന്നു. സമൂഹത്തെ കുറേയൊക്കെ മാനിക്കേണ്ടതുണ്ട്‌.

പൗരോഹിത്യത്തെ വെല്ലുവിളിച്ചുകൊണ്ടുള്ള സിസ്റ്ററുടെ ഇറങ്ങിപ്പോക്ക്‌ കത്തോലിക്കാ സഭ
എങ്ങനെയാണ്‌ കാണുന്നത്‌?

രഹസ്യംവെക്കുന്ന സഭയാണിത്‌. സാധാരണ കാര്യങ്ങള്‍ പോലും പുറത്തുപറയാന്‍ മടിക്കുന്ന സഭയ്‌ക്ക്‌ എന്നോട്‌ പൊറുക്കാനാവില്ല. എന്നാല്‍, പൊതുസമൂഹം നൂറു കൈയും നീട്ടിയാണ്‌ എന്നെ സ്വീകരിച്ചത്‌. ആദ്യമൊക്കെ കത്തോലിക്കര്‍ക്ക്‌ എന്നെ ഉള്‍ക്കൊള്ളാനായിരുന്നില്ല. ഇപ്പോള്‍ അവരും ഒളിഞ്ഞും തെളിഞ്ഞും എന്നോട്‌ ഐക്യദാര്‍ഢ്യം പ്രഖ്യാപിക്കുന്നുണ്ട്‌.

ഇസ്ലാമും ക്രിസ്‌തുമതവും തമ്മില്‍ ചില കാര്യങ്ങളിലൊക്കെ (അബ്രഹാം പ്രവാചകന്‍, ഇസാഖ്‌ പ്രവാചകന്‍...) യോജിക്കുന്നുണ്ടെന്ന്‌ സിസ്റ്റര്‍ ജെസ്‌മിക്കറിയാമെങ്കിലും വിശദമായ പഠനത്തിന്‌ അവസരം ലഭിച്ചില്ലെന്നവര്‍ സമ്മതിക്കുന്നു. പരസ്‌പരം താരതമ്യം ചെയ്യാന്‍ സിസ്റ്റര്‍മാര്‍ക്ക്‌ അവസരമില്ലെന്ന്‌ ജെസ്‌മി വ്യക്തമാക്കി. അച്ഛന്മാര്‍ക്കു മാത്രമേ അതിനു അവസരമുണ്ടാകാറുള്ളൂ. വിശദമായി ദൈവശാസ്‌ത്രം പഠിക്കാനും സിസ്റ്റര്‍മാര്‍ക്ക്‌ അവസരമില്ല. പൗരോഹിത്യത്തിന്റെ കാര്യത്തില്‍ ഇസ്ലാമിന്റെ നിലപാടു തന്നെയല്ലേ യേശുവിനും എന്ന ചോദ്യത്തിന്‌ ആയിരിക്കാമെന്നായിരുന്നു സിസ്റ്ററിന്റെ മറുപടി.

അതിനിടെ സന്ദര്‍ശനവേളയില്‍ ഞങ്ങള്‍ സമ്മാനിച്ച ഖുര്‍ആന്‍ മലയാളപരിഭാഷ അപൂര്‍വ സമ്മാനമാണെന്ന്‌ ജെസ്‌മി ആഹ്ലാദത്തോടെയാണ്‌ പറഞ്ഞത്‌. തനിക്കിതുവരെ ആരും ഇത്തരമൊരു വിശുദ്ധ സമ്മാനം നല്‌കിയില്ലെന്നും ജെസ്‌മി വ്യക്തമാക്കി. മുസ്ലിം സുഹൃത്തുക്കള്‍ കുറെയുണ്ടെന്നും അവര്‍ വല്ലാതെ സ്‌നേഹിക്കുന്നവരാണെന്നും അനുഭവങ്ങളില്‍ നിന്ന്‌ ജെസ്‌മി ഓര്‍ത്തു.

ഇതിനിടെ ഒരുപാട്‌ ഫോണ്‍കോളുകള്‍ വരുന്നുണ്ടായിരുന്നു. ഫാദര്‍ പുലിക്കുന്നേല്‍ പാലായില്‍ സംഘടിപ്പിക്കുന്ന പരിപാടിയില്‍ പങ്കെടുക്കാനാവശ്യപ്പെട്ടും ടെലിഫോണുണ്ടായിരുന്നു. സഭയോട്‌ പ്രത്യക്ഷ ഏറ്റുമുട്ടലിനില്ലെന്നായിരുന്നു, അടങ്ങിയിരിക്കാന്‍ വയ്യാത്ത പ്രകൃതക്കാരിയായ സിസ്റ്റര്‍ പ്രതികരിച്ചത്‌. സഭയ്‌ക്കു പുറത്തുള്ള 'സന്യസ്‌തര്‍ക്കു' വേണ്ടി, സഭയില്‍ നിന്ന്‌ രക്ഷപ്പെട്ടെത്തുന്നവര്‍ക്കു വേണ്ടി, സര്‍വോപരി സ്‌ത്രീകള്‍ക്കു വേണ്ടി ജീവിക്കാനാണ്‌ സിസ്റ്റര്‍ ജെസ്‌മിയുടെ ഭാവി പരിപാടി. ഇതു അകത്തുനിന്നുള്ള നിര്‍ബന്ധമായി ജെസ്‌മി കരുതുന്നു.

ഇതിനായി ആമേന്‍ എന്ന പേരില്‍ ഒരു അഭയകേന്ദ്രം സ്ഥാപിക്കണം. പുസ്‌തകം വിറ്റും മറ്റും ലഭിക്കുന്ന വരുമാനം ഇതിനു വേണ്ടി നീക്കിവെക്കും. ഇവിടെ സ്‌ത്രീക്ക്‌ സ്വതന്ത്രമായി താമസിക്കാം, ഉറങ്ങാം, എഴുതാം, ടി വി കാണാം, വെറുതെയിരിക്കാം, ഇഷ്‌ടം തോന്നുമ്പോള്‍ വരാം... നിര്‍മാണത്തിനായി സമാന മനസ്‌കരുമായി യോജിച്ച്‌ ട്രസ്റ്റുണ്ടാക്കണം. ഇപ്പോള്‍ എഴുത്തിന്റെ തിരക്കിലാണ്‌. എഴുത്ത്‌ വല്ലാത്തൊരു ആത്മീയസുഖം നേടിത്തരുന്നുണ്ട്‌. മറ്റു വേദനകളെല്ലാം എഴുതിക്കഴിയുമ്പോള്‍ ഓടിമറയും... പെന്‍ബുക്‌സിനു വേണ്ടി ഇംഗ്ലീഷ്‌ പുസ്‌തകത്തിന്റെ രചനയുടെ തിരക്കിനിടെ സിസ്റ്റര്‍ ജെസ്‌മി പറഞ്ഞു.

നൂറ്റമ്പതാം വാര്‍ഷികത്തിലും പിടിച്ചുനില്‍ക്കാനാകാതെ ഡാര്‍വിനിസം എന്ന കെട്ടുകഥ

2009-03-08T20:51:00.001+05:30

ജീവജാതികളുടെ ഉല്‌പത്തിയെയും വികാസത്തെയും കുറിച്ചുള്ള വ്യവസ്ഥാപിത പഠനപരിശ്രമമെന്നനിലയ്‌ക്ക്‌ ഡാര്‍വിനിസ്റ്റ്‌ പരിണാമവാദം ശാസ്‌ത്രരംഗത്ത്‌ ഏറെ ശ്രദ്ധ നേടിക്കഴിഞ്ഞു. ശാസ്‌ത്ര-സാമൂഹിക രംഗത്ത്‌ ഇത്രയേറെ വിവാദങ്ങള്‍ക്ക്‌ വഴിവെച്ച മറ്റൊരു ശാസ്‌ത്ര സങ്കല്‌പം ഉണ്ടായിട്ടില്ല എന്നതാണതിന്റെ പ്രത്യേകത. പ്രസിദ്ധീകരിച്ച നാള്‍ മുതല്‍ (Origin of species 1859) മതവിശ്വാസികള്‍ മാത്രമല്ല, ശാസ്‌ത്രപ്രതിഭകളും അതിന്റെ വിശ്വാസ്യതയെയും ശാസ്‌ത്രീയതയെയും കുറിച്ച്‌ സംശയങ്ങള്‍ ഉന്നയിച്ചിട്ടുണ്ട്‌. ജീവജാതി (species) കളിലുണ്ടാവുന്നപ്രകൃതിദത്തമായ മാറ്റങ്ങളാണ്‌ പരിണാമ വാദത്തിനടിസ്ഥാനം. സ്‌പീഷീസുകള്‍ക്കിടയില്‍സാദൃശ്യം മാത്രമല്ലവൈജാത്യങ്ങളും ഉണ്ട്‌.
അവയില്‍പരിസ്ഥിതിയോട്‌ കൂടുതല്‍യോജിച്ചു പോകുന്നവയല്ലാത്തവ നശിക്കും. ഉദാഹരണം ജിറാഫ്‌. കുറിയ കഴുത്തുള്ള ജിറാഫ്‌ വര്‍ഗം ഭക്ഷണദൗര്‍ലഭ്യം മൂലം ചത്തൊടുങ്ങി. നീളംകൂടിയ കഴുത്തുള്ളവ അതിജീവിച്ചു. ഈ സ്വഭാവം അവയുടെ സന്താനങ്ങള്‍ക്കും കിട്ടി. ഇങ്ങനെ കോടിക്കണക്കിന്‌ വര്‍ഷത്തെ അതി മന്ദഗതിയിലുള്ള ജൈവ പരിവര്‍ത്തനം വഴിയാണ്‌ ഭൂമിയില്‍ജീവജാലങ്ങളെല്ലാം വളര്‍ന്നതും വികസിച്ചതും. ജീവികളുടെയെല്ലാം പൊതുപൂര്‍വികന്‍ അതിപ്രാചീനവും സൂക്ഷ്‌മവുമായ ഒരു ജൈവകണമാണ്‌. ഇതാണ്‌ പ്രകൃതി നിര്‍ധാരണ സിദ്ധാന്തം.

ഈ അടിസ്ഥാന പരിണാമ തത്വത്തിന്‌ മേല്‍ കെട്ടിയ്‌ലേപിച്ച ആധുനിക പഠനങ്ങളാണ്‌ ഈ സിദ്ധാന്തത്തെ ഇന്നും സജീവമായി നിലനിര്‍ത്തുന്നത്‌ എന്ന്‌ പറയാം. ഒന്നര പതിറ്റാണ്ട്‌ പിന്നിട്ടിട്ടും ഫോസില്‍രേഖകള്‍ വഴിയോ ആധുനിക തന്മാത്രാ ജീവശാസ്‌ത്രം വഴിയോ തെളിയിക്കപ്പെടാത്ത ഒരു കേവല സിദ്ധാന്തമായിട്ടാണെന്ന്‌ മാത്രം. സാധാരണ നിലയില്‍ അത്‌ തെളിയിക്കുക സാധ്യവുമല്ല. കാരണം അത്‌ ലക്ഷക്കണക്കിന്‌ വര്‍ഷങ്ങളായി ക്രമാനുഗതമായി സംഭവിക്കുന്നതും ഏകദിശീയവുമാണ്‌. ജ്ഞാനികളായ പരിണാമവാദികളെല്ലാം ഇക്കാര്യം സമ്മതിച്ചിട്ടുണ്ട്‌. എന്നാല്‍ ഡാര്‍വിന്‍ സങ്കല്‌പിച്ചതിലും ഏറെ സങ്കീര്‍ണമാണ്‌ കാര്യങ്ങള്‍ എന്ന്‌ ശാസ്‌ത്രലോകം ഇന്ന്‌ തിരിച്ചറിഞ്ഞുകഴിഞ്ഞു. ഡാര്‍വിന്റെ ഇരുനൂറാം ജന്മവാര്‍ഷികം അത്യാവേശപൂര്‍വം ആഘോഷിക്കുമ്പോള്‍ ഈ രംഗത്തുണ്ടായിട്ടുള്ള വിവാദങ്ങളിലേക്കും പുതിയ പഠനങ്ങള്‍ പരിണാമവഴിയില്‍വലിച്ചിട്ട പ്രതിബന്ധങ്ങളിലേക്കുമുള്ള ഒരെത്തിനോട്ടം മാത്രമാണിവിടെ ഉദ്ദേശ്യം.

വിവാദങ്ങള്‍

യൂറോപ്പിലും അമേരിക്കയിലുമാണീ വിഷയത്തില്‍ഏറെ വിവാദങ്ങള്‍ നടന്നിട്ടുള്ളതും നടക്കുന്നതും. കുരങ്ങന്‍ തങ്ങളുടെ അച്ഛന്റെ താവഴിയിലോ അമ്മയുടെ താവഴിയിലോ എന്ന്‌ ചോദിച്ച ബിഷപ്പുമാര്‍, ഡാര്‍വിന്‍ ദൈവമില്ലെന്ന്‌ തെളിയിച്ചു, ദൈവം അദ്ദേഹത്തിന്‌ മാപ്പുകൊടുക്കും എന്ന്‌ സമാധാനിച്ചവര്‍, ഡാര്‍വിനിസത്തെ കോടതി കയറ്റിയവര്‍, സൃഷ്‌ടിവാദികളെന്നും പരിണാമ വാദികളെന്നും ഭിന്നിച്ച്‌ സഭ്യതയുടെ വക്കോളമെത്തി നില്‌ക്കുന്നവര്‍... അങ്ങനെ സംഘര്‍ഷഭരിതമാണ്‌ ചെറുതെങ്കിലും പരിണാമലോകം. പരിണാമവും ഒരു മതാവേശമായി മാറുകയാണോ എന്ന്‌ സംശയിക്കാവുന്നതരത്തിലാണിന്നും തുടരുന്നവിവാദങ്ങളുടെ ശൗര്യം.

അമേരിക്കയിലെ ടെന്നസി സംസ്ഥാനത്ത്‌ സ്‌കൂളുകളില്‍ഡാര്‍വിനിസം പഠിപ്പിക്കുന്നതിനെതിരെ ഒരമേരിക്കന്‍ പൗരാവകാശ സംഘടന (ACLU) ജോണ്‍ തോമസ്‌ സ്‌കോപ്പ്‌ എന്നഅധ്യാപകനെ കോടതി കയറ്റിയ സംഭവം (scope's monkey trial) ഏറെ പ്രസിദ്ധമാണ്‌. പിന്നീടത്തരം നിരവധി കേസുകളാണ്‌ അമേരിക്കയില്‍മാത്രം നടന്നത്‌. 1920-25 കാലഘട്ടങ്ങളില്‍പല അമേരിക്കന്‍ സംസ്ഥാനങ്ങളിലും സ്‌കൂളുകളില്‍ഡാര്‍വിനിസം പഠിപ്പിക്കുന്നതിനെതിരെ നിയമനിര്‍മാണങ്ങള്‍ ത െന്നനടന്നു. തല്‍ഫലമായി കോടതി ഇടപെടലുകളുമുണ്ടായി. 1968ല്‍ ഡാര്‍വിനിസത്തിനനുകൂലമായും 1987ല്‍ സൃഷ്‌ടിവാദത്തിനെതിരായും അമേരിക്കന്‍ സുപ്രീംകോടതി വിധികളുണ്ടായി. പ്രഫ. ഹെന്റി മോറിസിന്റെ സൃഷ്‌ടിശാസ്‌ത്രം അക്കാലത്തും അര്‍ക്കന്‍സാസിലും ലൂസിയാനയിലും പഠിപ്പിച്ചുവന്നു. ഇതിനെതിരെ 1982ല്‍ജസ്റ്റിസ്‌ വില്യം ഒവര്‍ടണ്‍ നടത്തിയ വിധി പ്രസ്‌താവം പരിണാമവാദികളെ ഏറെ സന്തോഷിപ്പിക്കുന്നതായിരുന്നു. പരിണാമവാദത്തിന്റെ ശാസ്‌ത്രീയ പരിവേഷം സൃഷ്‌ടിവാദത്തിനില്ലാത്തതാണ്‌ ഈ വിധിയുടെ അടിസ്ഥാനം. സൃഷ്‌ടിവാദത്തിനും തുല്യസമയം എന്നവാദവും കോടതി അംഗീകരിച്ചില്ല. കേസുകള്‍ തുടര്‍ന്നു. പെന്‍സില്‍വാനിയയില്‍ഇന്റലിജന്റ്‌ ഡിസൈന്‍ (സൃഷ്‌ടിവാദത്തിന്റെ ഒരു രൂപം-ID) പഠിപ്പിക്കാന്‍ (2004) അനുമതി നല്‌കപ്പെട്ടു. ഇതിനെതിരെ 2005ല്‍ഹാരിസ്‌ ബര്‍ഗ്‌ ഡിസ്‌ട്രിക്‌ട്‌ കോടതി രംഗത്തുവന്നു. പ്രശസ്‌ത മോളിക്കുളാര്‍ ബയോളജിസ്റ്റും പരിണാമവിരുദ്ധനുമായ മൈക്കല്‍ബെഹെ ഇവിടെ വിസ്‌തരിക്കപ്പെട്ടു. എന്നാല്‍2008ല്‍ലൂസിയാന സയന്‍സ്‌ എജ്യുക്കേഷന്‍ ആക്‌ട്‌ പരിണാമ ശാസ്‌ത്രത്തോടൊപ്പം സൃഷ്‌ടിശാസ്‌ത്രവും പഠിപ്പിക്കാവുന്നതാണെന്ന്‌ വിധിച്ചത്‌ ഏറെ കോളിളക്കം സൃഷ്‌ടിച്ചു. പരിണാമ ശാസ്‌ത്രം പഠിപ്പിക്കരുത്‌ എന്നല്ല, സൃഷ്‌ടിവാദവും കുട്ടികളറിയണം എന്നഉദ്ദേശ്യം സാക്ഷാത്‌കരിക്കപ്പെട്ടത്‌ സൃഷ്‌ടിവാദികളെ തൃപ്‌തിപ്പെടുത്തി.

സ്‌കൂളുകളില്‍സൃഷ്‌ടിവാദപരമായ സംശയങ്ങള്‍ക്കും മറുപടി ലഭിക്കാന്‍ കുട്ടികള്‍ക്കവസരമുണ്ടാവണമെന്നബ്രിട്ടീഷ്‌ വിദ്യാഭ്യാസ ഡയറക്‌ടര്‍ മൈക്കല്‌റോസിന്റെ പ്രസ്‌താവന (2008) പരിണാമത്തിന്റെ ഒടുങ്ങാത്ത വിവാദ വഴിയില്‍അവസാനത്തേതാവില്ല. ഹാറൂന്‍ യഹ്യ പരിണാമവാദം തെളിയിക്കുന്നഫോസില്‍ഇടക്കണ്ണികളെ (transitional forms) ഹാജരാക്കുന്നവര്‍ക്ക്‌ പത്ത്‌ ട്രില്യന്‍ തുര്‍ക്കിഷ്‌ ലിറാ (4.4 മില്യന്‍ പൗണ്ട്‌) പാരിതോഷികം പ്രഖ്യാപിച്ചതാണ്‌ ഈയിടെയുണ്ടായ മറ്റൊരു സംഭവ വികാസം. (New Indian Express 30-09-08).

സൃഷ്‌ടിവാദികളില്‍അമേരിക്കന്‍ ബ്രിട്ടീഷ്‌ പ്രൊട്ടസ്റ്റന്റ്‌ വിഭാഗക്കാരുടെ വാദം ബൈബിള്‍ സൃഷ്‌ടിവാദം മാത്രമാണ്‌ ശരി എന്നാണ്‌. അഥവാ ഭൂമിയുടെ വയസ്സ്‌ പരമാവധി പതിനായിരം വര്‍ഷം, മനുഷ്യോല്‌പത്തിക്ക്‌ ആറായിരം വര്‍ഷം പഴക്കം. മറ്റൊരു വിഭാഗം ക്രൈസ്‌തവരും മുസ്‌ലിംകളും വിശ്വസിക്കുന്നത്‌ സൃഷ്‌ടിയും വികാസവും ഒരു അഭൗതിക ബുദ്ധികേന്ദ്രത്തിന്റെ രൂപകല്‌പനയാണ്‌ എന്നാണ്‌. ഇത്‌ ഇന്റലിജന്റ്‌ ഡിസൈന്‍ (intelligent Design 1D) എന്നറിയപ്പെടുന്നു. സൃഷ്‌ടിപ്പുമായി ബന്ധപ്പെട്ട കാലയളവിനെക്കുറിച്ച്‌ ഖുര്‍ആന്‍ യാതൊന്നും പ്രസ്‌താവിക്കുന്നില്ല. അതുകൊണ്ട്‌ തന്നെ ബൈബിള്‍ ക്രിയേഷനിസം മുസ്‌ലിംകളംഗീകരിക്കുന്നില്ല. സൃഷ്‌ടിപ്പിനെക്കുറിച്ച്‌ പഠിക്കാനും ക െണ്ടത്താനുമുള്ള സ്വാതന്ത്ര്യം മനുഷ്യന്‌ നല്‌കുകയും ചെയ്യുന്നു. ``അല്ലാഹു എങ്ങനെ സൃഷ്‌ടി ആരംഭിക്കുകയും പി െന്നഅത്‌ ആവര്‍ത്തിക്കുകയും ചെയ്യുന്നു എന്നവര്‍ ചിന്തിച്ചുനോക്കിയി േല്ല. തീര്‍ച്ചയായും അല്ലാഹുവിനെ സംബന്ധിച്ചേടത്തോളം എളുപ്പമുള്ളതത്രെ അത്‌. പറയുക: നിങ്ങള്‍ ഭൂമിയിലൂടെ സഞ്ചരിച്ച്‌ അവന്‍ എപ്രകാരം സൃഷ്‌ടി ആരംഭിച്ചിരിക്കുന്നു എന്ന്‌ നോക്കൂ. പിന്നീട്‌ അല്ലാഹു മറ്റൊരിക്കല്‍കൂടി സൃഷ്‌ടിക്കുന്നതാണ്‌.'' (വി.ഖു 29:19,20)

ഏതായാലും പരിണാമവാദികളും കഉ വിദഗ്‌ധരും ബൈബിള്‍ സൃഷ്‌ടിവാദികളും നേര്‍ക്കുനേര്‍ നടത്തിക്കൊണ്ടിരിക്കുന്നസംവാദങ്ങളും ചര്‍ച്ചകളും ഏറെ രസകരവും വിജ്ഞാനപ്രദവുമാണെന്ന്‌ പറയാതെ വയ്യ.

ഡാര്‍വിനിസവും ദൈവവും

യഥാര്‍ഥത്തില്‍ദൈവാസ്‌തിത്വം നിഷേധിക്കുകയോ സ്ഥാപിക്കുകയോ ചെയ്യുന്നത്‌ ശാസ്‌ത്രത്തിന്റെ രീതിയല്ല. ഐസക്‌ ന്യൂട്ടണ്‍ പറഞ്ഞതുപോലെ `കടല്‍ക്കരയില്‍കക്കയും കല്ലും പെറുക്കിക്കളിക്കുന്നഒരു കൊച്ചുകുട്ടി മാത്രമാണ്‌ നമ്മള്‍. മുമ്പില്‍കീഴ്‌പ്പെടാതെ കിടക്കുന്നത്‌ വിശാലമായ പാരാവാരമാണ്‌.' അപ്പോള്‍ മനുഷ്യന്‌ ദൈവത്തെ കുറിച്ചെങ്ങനെ വിധി പറയാന്‍ കഴിയും? എന്നാല്‍ഡാര്‍വിനിസ്റ്റുകള്‍ പ്രത്യേകിച്ചും ആധുനികര്‍ ദൈവനിഷേധത്തിന്റെ പ്രചാരകര്‍ കൂടിയാണ്‌. ലോകത്തെ ഒന്നാംനമ്പര്‍ ഡാര്‍വിനിസ്റ്റും ഈ രംഗത്തെ ജനപ്രിയ എഴുത്തുകാരനുമായ റിച്ചാര്‍ഡ്‌ ഡോകിന്‍സ്‌ ദൈവനിഷേധം പ്രചരിപ്പിക്കുന്നതിനായി ഈയിടെ ഒരു ഗ്രന്ഥം ത െന്നപുറത്തിറക്കി; ഠവല ഏീറ റലഹൗശെീി. ഡാര്‍വിന്‍ ചിന്തകളിലൂടെയാണ്‌ അദ്ദേഹം മനുഷ്യനെ ദൈവനിഷേധത്തിലേക്ക്‌ നടത്തുന്നത്‌. ദൈവം ഇല്ലഎന്നത്‌ തെളിയിക്കാവുന്നകാര്യമല്ലഎന്നദ്ദേഹം (Science and xian belief, vol 7, 1994) സമ്മതിച്ച കാര്യമാണ്‌. അഭൗതിക പ്രതിഭാസങ്ങളെയും കാരണങ്ങളെയും ഡാര്‍വിനിസം നിരാകരിക്കുന്നു എന്നാണ്‌ മറ്റൊരു പരിണാമവാദിയായ ഏണസ്റ്റ്‌ മെയറുടെ പ്രസ്‌താവന (Darwin's influence on modern thought scientific American, July 2000). സ്റ്റീഫന്‍ ജെ ഗൗള്‍ഡ്‌ മുതല്‍പ്രഗത്ഭരെല്ലാം ഈ പട്ടികയില്‍വരുന്നവരാണ്‌. എന്നാല്‍ഇതെല്ലാം അനാവശ്യമേഖലയില്‍ശാസ്‌ത്രജ്ഞര്‍ കടന്നുകയറുന്നനിര്‍ഭാഗ്യകരമായ അവസ്ഥയാണ്‌ എന്നാണ്‌ മുസ്‌തഫാ അക്യാല്‍-നിക്കൊളസ്‌ മസാകെ (National science cetnre, science education, USA) സംവാദത്തില്‍അഭിപ്രായപ്പെട്ടത്‌ (islamonline.net).

അക്ഷരത്തെറ്റുകള്‍ കൊണ്ടൊരു ജനിതക പുസ്‌തകം

മോളിക്കുളാര്‍ ബയോളജിയുടെയും ജനിതകശാസ്‌ത്രത്തിന്റേയും സഹായത്തോടെ പരിണാമവാദത്തെ സജീവമായി നിലനിര്‍ത്താന്‍ ഒരുകൂട്ടം ശാസ്‌ത്രജ്ഞര്‍ സാഹസപ്പെടുകയാണ്‌. ഡാര്‍വിന്‌ ജനിതക ശാസ്‌ത്രമോ ക്രോമസോമുകളെക്കുറിച്ച്‌ പോലുമോ അന്നറിവുണ്ടായിരുന്നില്ല. ആധുനികര്‍ പരിണാമവാദങ്ങള്‍ക്ക്‌ ജനിതക വിശദീകരണം അത്യാവശ്യമാണെന്നകാര്യം തിരിച്ചറിഞ്ഞവരാണ്‌. അതിനായി അവര്‍ കൂട്ടുപിടിച്ചത്‌ `മ്യൂട്ടേഷന്‍' അഥവാ ജനിതക ഉള്‍പരിവര്‍ത്തന സാധ്യതകളെയാണ്‌. ഇവിടെയാണ്‌ നവഡാര്‍വിനിസത്തിന്റെ (Neo Darwinism) തുടക്കം.

ജീവന്റെ സര്‍വ വിജ്ഞാനകോശമാണ്‌ ജീനുകള്‍. അതീവ കൃത്യതയോടെ സ്വയം പകര്‍പ്പെടുക്കാന്‍ കഴിവുള്ള വിവര വിജ്ഞാന ശേഖരമാണത്‌. കോശങ്ങളിലെ ക്രോമസോമുകളിലാണവയുടെ സ്ഥാനം. വളരെ അപൂര്‍വമായി അവ നിര്‍മിക്കുന്നപകര്‍പ്പുകളില്‍ചില വൈകല്യങ്ങള്‍ വരാം. അതാണ്‌ ജീന്‍ മ്യൂട്ടേഷന്‍ എന്നറിയപ്പെടുന്നത്‌. പലപ്പോഴും ഒരേ ജീനിന്റെ രണ്ട്‌ വ്യത്യസ്‌ത മാതൃകകള്‍ (Allels) ജീന്‍ ശേഖരത്തില്‍വരികയും രണ്ടും അടുത്ത തലമുറയിലേക്ക്‌ പകരാനുള്ള മത്സരത്തിലേര്‍പ്പെടുകയും ചെയ്യും. അതിന്റെ ഫലം ാല്‍മ്യൂട്ടേഷന്റെ ഫലമായി കൈമാറ്റം ചെയ്യപ്പെടുന്നജീന്‍ പകര്‍പ്പുകളിലേറെയും ആ ജീവികളില്‍പ്രകടമാവുന്നത്‌ മാരകമായ രോഗങ്ങളിലൂടെയോ മറ്റു ശാരീരിക പ്രതിസന്ധികളിലൂടെയോ ആവാം. അഥവാ മ്യൂട്ടേഷന്‍ വൈദ്യശാസ്‌ത്രത്തി െന്നാരു വെല്ലുവിളിയായി നില്‌ക്കുന്നജനിതക പ്രതിഭാസമാണ്‌. ഇവയാണ്‌ നവ ഡാര്‍വിനിസ്റ്റ്‌ ചിന്തകരുടെ വീക്ഷണത്തില്‍പുതിയ പുതിയ ജീവജാലങ്ങളുടെ ഉല്‌പത്തിക്ക്‌ നിദാനം. എന്നാല്‍എല്ലാ ശാസ്‌ത്രസൂചനകളും മ്യൂട്ടേഷന്‍ ജീവികള്‍ക്ക്‌ മാരകമായ ദുഷ്‌ഫലങ്ങളുണ്ടാക്കുന്നവയാണെന്നാണ്‌ സമര്‍ഥിച്ചിട്ടുള്ളത്‌.

പ്രസിദ്ധ കോസ്‌മോളജിസ്റ്റ്‌ ഫ്രഡ്‌ ഹോയിലിന്റെ ഭാഷയില്‍പരിണാമസങ്കല്‌പങ്ങള്‍ ഒരു അവശിഷ്‌ട ശേഖരത്തിലൂടെ കൊടുങ്കാറ്റ്‌ കടന്നുപോവുമ്പോള്‍ ഒരു ബോയിംഗ്‌ 747 വിമാനം ഉണ്ടായി എന്ന്‌ പറയുന്നതിന്‌ തുല്യമാണ്‌. (ജീവോല്‌പത്തിയാണിവിടെ സൂചിപ്പിക്കുന്നത്‌). അല്ലെങ്കില്‍ അമേരിക്കന്‍ ജനിതക ശാസ്‌ത്രജ്ഞന്‍ ബി ജി രംഗനാഥിന്റെ ഭാഷയില്‍കൃത്യവും വ്യവസ്ഥാപിതവുമായ ഒരു മാതൃകയില്‍ ഉണ്ടാവുന്ന ഭൂമികുലുക്കം പോലുള്ള ഒരു പ്രതിഭാസം (random change മ്യൂട്ടേഷന്‍) അതിന്റെ ഘടനയില്‍ഗുണപരമായ മാറ്റം ഉണ്ടാക്കുക എന്നത്‌ അസംഭവ്യമാണ്‌.'' (origisn -പെന്‍സില്‍വാനിയ)

നോബേല്‍ജേതാവായ എച്ച്‌ ജെ മുള്ളറുടെ വാദം: “വ്യാപകമായ പരീക്ഷണങ്ങളിലൂടെ മനസ്സിലാവുന്നത്‌ ഭൂരിഭാഗം ‘മ്യൂട്ടേഷനും’ അപകടകാരികളാണ്‌ എന്നാണ്‌; ഉപകാരികളായവ ഇല്ലഎന്നുത െന്നപറയാവുന്നത്ര കുറവാണ്‌.” മ്യൂട്ടേഷന്‍ ഫലമായുണ്ടാവുന്നഒരു ഉപകാരിയായ ജീന്‍ മലേറിയയെ പ്രതിരോധിക്കുന്നതായി പറയപ്പെടുന്നുണ്ട്‌. എന്നാല്‍ഇതേ ജീന്‍ ത െന്നയാണ്‌ മാരകമായ സിക്കിള്‍ സെല്‍അനീമിയ (അരിവാള്‍ രോഗം) ഉണ്ടാക്കുന്നതും. അഥവാ ഒരര്‍ഥത്തില െല്ലങ്കില്‍മറ്റൊരു വിധത്തില്‍മ്യൂട്ടേഷന്‍ വരുത്തുന്നദുരന്തങ്ങളുടെ സൂചനയാണിത്‌.

ഉപകാരിയായ ഒരു മ്യൂട്ടേഷനെക്കുറിച്ച്‌ ജനിതക ശേഖരത്തില്‍വരാവുന്നസാഹചര്യത്തെക്കുറിച്ച്‌ ആസ്‌ത്രേലിയന്‍ ക്രിയേഷനിസ്റ്റുകളുടെ ചോദ്യത്തിന്‌ റിച്ചാര്‍ഡ്‌ ഡാക്കിന്‍സ്‌ മൗനിയായിരിക്കുകയും പിന്നീട്‌ ക്യാമറ മാറ്റി സമയം നല്‌കാന്‍ ആവശ്യപ്പെട്ട ശേഷം ബി ഭാഗം മറുപടി പറയാതെ ഒഴിയുകയും ചെയ്യുന്നവീഡിയോ ക്ലിപ്പിംഗുകള്‍ ക്രിയേഷനിസ്റ്റ്‌ സൈറ്റുകളിലും സീഡികളിലും ലഭ്യമാണ്‌. (from a frog to a prince ആസ്‌ത്രേലിയന്‍ ക്രിയേഷിസ്റ്റ്‌ സി ഡി) 2006ന്‌ ശേഷം ഈ വിവാദം ഇന്നും പൂര്‍ണമായി കെട്ടടങ്ങിയിട്ടില്ല. ആകസ്‌മികവും പ്രവചനാത്മകവുമല്ലാത്തതുമായ മ്യൂട്ടേഷന്‍ (random mutation) പരിണാമത്തിന്‌ കാരണമാവുന്നതുകൊണ്ട്‌ പരിണാമം വീണ്ടും ആവര്‍ത്തിക്കപ്പെടുകയാണെങ്കില്‍കിട്ടുന്നഫലം വ്യത്യസ്‌തമാണെന്നും അതുകൊണ്ട്‌ മനുഷ്യന്‍ ഒരു പ്രാപഞ്ചിക യാദൃച്ഛികതയാണെന്നും (cosmic accident) സ്റ്റീഫന്‍ ജെ ഗൗള്‍ഡ്‌ വാദിക്കുമ്പോള്‍, പരിണാമം ഒരു നിശ്ചിത പാത പിന്തുടരുന്നു എന്നും ജീവന്‍ പ്രവചനാത്മകമാണെന്നും മറ്റു ചിലരും (Simon Cornary Moris Cambridge) വാദിക്കുന്നു. ചുരുക്കത്തില്‍സര്‍വത്ര ആശയക്കുഴപ്പമാണ്‌ ഈ രംഗം വാഴുന്നത്‌ എന്ന്‌ കാണാം.

ജീന്‍ അഥവാ ‘ദൈവം’

വിശ്വാസികള്‍ ഇന്ന്‌ ദൈവത്തിന്‌ കല്‌പിച്ചരുളുന്നസ്ഥാനമാണ്‌ പരിണാമ വാദികള്‍ ജീനുകള്‍ക്ക്‌ നല്‌കിയിരിക്കുന്നത്‌. ജീനുകള്‍ ആകസ്‌മികമായി സ്വയം ഉത്ഭൂതമാവുന്നു, സ്വയം തനി പകര്‍പ്പുകളെടുക്കുന്നു. അവ അമരന്മാരാണ്‌ (immortal coils). ജീവന്റെ ലക്ഷ്യം ത െന്നതാന്താങ്ങളുടെ ജീനിന്റെ സംരക്ഷണമാണ്‌, ജീനുകള്‍ അവയുട നിലനില്‌പിനായിട്ടാണ്‌ ഭ്രൂണം മുതല്‍തലച്ചോര്‍ വരെയുള്ളവ നിര്‍മിച്ചത്‌, ശരീരം ജീനുകളുടെ ഒരതിജീവന തന്ത്രം മാത്രം (survival machine). മനുഷ്യനടക്കം ജീവജാലങ്ങളെല്ലാം സ്വാര്‍ഥരാണ്‌. സര്‍വജീവികളുടെയും സര്‍വ പ്രവര്‍ത്തനങ്ങളുടെയും ആകെത്തുക താന്താങ്ങളുടെ ജീന്‍ മാത്രം തലമുറ തലമുറ കൈമാറിപ്പോവുന്നു എന്നുറപ്പുവരുത്തുകയാണ്‌. സ്‌നേഹവും സാമൂഹികജീവിതവും അപകടമുന്നറിയിപ്പുകളും തുടങ്ങി നാം മനുഷ്യസ്‌നേഹമെന്നും കാമമെന്നും ക്രോധമെന്നും വിലയിരുത്തുന്നതെല്ലാം സ്വന്തം ജീനുകള്‍ മാത്രം നിലനിര്‍ത്താനുള്ള പദ്ധതികളാണ്‌. അതിന്‌ സാമൂഹിക മാനങ്ങള്‍ (group selection) പോലുമില്ല. ലോകപ്രശസ്‌ത പരിണാമശാസ്‌ത്രജ്ഞന്‍ റിച്ചാര്‍ഡ്‌ ഡാക്കിന്‍സിന്റെ ഠവല ലെഹളശവെ ഴലില എന്നപ്രശസ്‌ത കൃതി മു േന്നാട്ട്‌ വെക്കുന്നപരിണാമ മാതൃകകയുടെ അടിസ്ഥാനമാണ്‌ മേല്‍വിവരിച്ചത്‌ (30th Anniversary Indian Edition 2007). ഒരു കല്‌പിത കഥയെ ഓര്‍മിപ്പിക്കുന്നഈ കൃതിയിലുടനീളം ചിന്തിക്കുന്നവര്‍ക്ക്‌ ദൈവത്തിന്റെ കരങ്ങള്‍ കാണാം. ഒളിപ്പിക്കാന്‍ കഴിയാത്ത ദൈവീക സാന്നിധ്യത്തെ ഒളിച്ചുവെക്കാന്‍ ശ്രമിക്കുന്നവിചിത്രരീതികളുടെ രസകരമായ വായനാനുഭവമാണീ കൃതി എന്നു പറയാം.

മനുഷ്യപരിണാമം പോലുള്ള സങ്കീര്‍ണ സമസ്യകള്‍ക്ക്‌ ജീനിന്റെ ദിവ്യവത്‌കരണവും പരിഹാരമായില്ലഎന്ന്‌ മനസ്സിലാക്കിയ ഡാക്കിന്‍സ്‌ ആവിഷ്‌കരിച്ച മറ്റൊരു സങ്കല്‌പനമാണ്‌ മീമുകള്‍. (meme) മതവും ഭാഷയും കലയും സംസ്‌കാരവും ജനിതക സങ്കല്‌പങ്ങള്‍ക്ക്‌ മാത്രം വിശദീകരിക്കാന്‍ കഴിയാതെ വരുന്നതിന്‌ പരിഹാരമെന്നോണമാണ്‌ `മീമു'കളുടെ രംഗപ്രവേശം. ജീനുകളുടെ `സാംസ്‌കാരിക അപരന്‍'മാരാണത്രെ മീമുകള്‍. അവ `ജീനിനേക്കാള്‍ ഇത്തിരി കടുപ്പമായിരിക്കുമല്ലോ' എന്നാണ്‌ മറ്റൊരു പരിണാമ വാദിയായ ഹാമില്‍ട്ടന്‍ `മീമി'നെ പരിഹസിച്ചത്‌. ഇങ്ങനെ പാദാര്‍ഥിക അസ്‌തിത്വം പോലുമില്ലാത്ത സങ്കല്‌പങ്ങളിലേക്കും സൈദ്ധാന്തിക വാശിയിലേക്കുമാണ്‌ പരിണാമവാദം എത്തിനില്‌ക്കുന്നത്‌ അഥവാ പരിണാമവാദം ശാസ്‌ത്രത്തിന്റെ മുഖംമൂടിയണിഞ്ഞുവരുന്നഒരു മതാന്ധതയാണോ?

പൊതുപൂര്‍വികന്‍ എന്നസങ്കല്‌പം

മനുഷ്യനും കുരങ്ങുമെല്ലാം ഒരു പൊതുപൂര്‍വികനില്‍നിന്ന്‌ വന്നു എന്നാണ്‌ ഡാര്‍വിനിസം സിദ്ധാന്തിക്കുന്നത്‌. ഗാലപ്പഗോസ്‌ ദ്വീപിലെ അടക്കാക്കുരുവികളുടെ (finches) വൈജാത്യങ്ങളെക്കുറിച്ചുള്ള പഠനമാണിക്കാര്യത്തിലദ്ദേഹത്തിന്റെ പ്രചോദനം. പിന്നീടത്‌ മനുഷ്യനും മൃഗങ്ങള്‍ക്കുമെല്ലാം പറ്റുന്നരീതിയാക്കി പരിഷ്‌കരിച്ചു. (The common descent) അഥവാ ഏഷ്യയിലേയും അമേരിക്കയിലേയും കുരങ്ങുകള്‍, ഗിബ്ബണ്‍, ഒറാങ്ങ്‌ ഉട്ടാങ്ങ്‌, ഗോറില്ല, ചിമ്പാന്‍സി, മനുഷ്യന്‍ ഇവയെല്ലാം വംശാവലിയില്‍ ഏതാണ്ടൊരുകോടി വര്‍ഷം മുമ്പുള്ള ഒരു പൊതു പൂര്‍വികനിലേക്കാണെത്തുന്നത്‌ എന്നാണനുമാനം. ഇപ്രകാരം എല്ലാ ജീവജാലങ്ങള്‍ക്കും ഒരു പൊതു പൂര്‍വികന്‍, അവയ്‌ക്ക്‌ വീണ്ടും പൊതുപൂര്‍വികന്‍ അങ്ങനെ ശാഖകളും ഉപശാഖകളുമായി ഒരു പ്രാചീന പൊതുപൂര്‍വിക കോശത്തിലാരംഭിക്കുന്നപരിണാമ വൃക്ഷം! ഇതാണ്‌ പരിണാമഭാവന!! ഇങ്ങനെയെങ്കില്‍ ഒരു പൊതുപൂര്‍വികനില്‍നിന്ന്‌ അനേക ലക്ഷം വര്‍ഷങ്ങളിലൂടെയുള്ള അനുക്രമമായ പുരോഗതി സൂചിപ്പിക്കുന്ന എണ്ണമറ്റ ഇടക്കണ്ണികള്‍ (മധ്യവര്‍ഗങ്ങള്‍) നിലനിന്നിട്ടുണ്ടാവണം. എന്നാല്‍ ഫോസില്‍ ചരിത്രം അത്‌ ശരിവെക്കുന്നില്ല എന്നതാണ്‌ പരിണാമവൃക്ഷത്തിന്‌ നേരെ കോടാലിയോങ്ങി നില്‌ക്കുന്നദുരന്തം. ഇക്കാര്യം വ്യക്തമായി മനസ്സിലാക്കിയ പരിണാമ ശാസ്‌ത്രജ്ഞരില്‍ അതികായനാണ്‌ സ്റ്റീഫന്‍ ജെ ഗൗള്‍ഡ്‌. പരിണാമവാദത്തിലെ ശ്രദ്ധേയമായ ഭാഗം അനുക്രമമായ വ്യതിയാനങ്ങളല്ല, നീണ്ടകാലത്തെ നിശ്ചലതയാണ്‌, അഥവാ അനേക ലക്ഷം വര്‍ഷം ചില സ്‌പീഷീസുകള്‍ വ്യത്യാസമില്ലാതെ തുടരും, പക്ഷേ, പെട്ടെന്ന്‌ പുതിയൊരു സ്‌പീഷീസ്‌ ഉണ്ടാവും. ആവര്‍ത്തിത സന്തുലനം (panctuated equilibirium) എന്നാണ്‌ ഐല്‍സ്‌ എല്‍ഡ്‌റിഡ്‌ജും സ്റ്റീഫന്‍ ജെ ഗൗള്‍ഡും മുന്നോട്ടു വെച്ച ഈ ആശയം അറിയപ്പെടുന്നത്‌. വന്‍ വിവാദക്കൊടുങ്കാറ്റാണിതും സൃഷ്‌ടിച്ചത്‌. ബ്രിട്ടീഷ്‌ നാഷണല്‍മ്യൂസിയത്തിലെ ഫോസിലുകള്‍ പോലും പുനര്‍ക്രമീകരിച്ച വന്‍ പ്രക്ഷുബ്‌ധാവസ്ഥയ്‌ക്കിത്‌ കാരണമായി. മന്ദമായ പരിണാമത്തിന്‌ ഫോസില്‍തെളിവുകള്‍ ഇല്ലെന്നിവര്‍ വാദിക്കുമ്പോള്‍ ഗൗള്‍ഡിന്റെ സങ്കല്‌പങ്ങള്‍ക്കാണ്‌ തെളിവില്ലാത്തതെന്ന്‌ ഡോക്കിന്‍സും ഹാല്‍സ്റ്റഡും വാദിക്കുന്നു.

ബ്രിട്ടീഷ്‌ ഡെറിക്‌ വിഭര്‍ഗും പറഞ്ഞത്‌ അനുക്രമമായ ജൈവ വിസ്‌ഫോടനമാണ്‌ . (The nature of fossil record, proceedings � British Geological Association 1976 vol 87 p187) പരിണാമ ശാസ്‌ത്രജ്ഞനായ ഡഗ്ലസ്‌ ഫുതയാമ, (Science ort rial) ബ്രിട്ടീഷ്‌ പാലിയന്തോളജിസ്റ്റ്‌ കോളിന്‍ പാറ്റേഴ്‌സന്‍ തുടങ്ങിയവരും ഇക്കാര്യം സ്ഥിരീകരിച്ചവരാണ്‌. തന്റെ സിദ്ധാന്തം ജീവജാതികളെയും മധ്യവര്‍ഗ ക ഡാര്‍വിന്‍ പ്രസ്‌താവിച്ചിട്ടുള്ളത്‌.(The origin of species) പക്ഷെ....

(തുടരും...)

കടപ്പാട്:

ലേഖനം:
ടി ടി എ റസാഖ്‌ ,
ശബാബ് വാരിക .

ചിത്രങ്ങള്‍:

ഗൂഗ്‌ള്‍, വിക്കിപീഡിയ

മരിച്ചവരെ വിളിച്ചുതേടാന്‍ ഹൈടെക്‌ മീഡിയം

2009-02-23T20:14:00.001+05:30

എന്‍ എം ഹുസൈന്‍

നിങ്ങള്‍ക്ക്‌ ഫറോവ രണ്ടാമനുമായി സംസാരിക്കണമെന്നുണ്ടോ?

ഹിറ്റ്‌ലറുമായി സംസാരിക്കണമോ?
ജീസസും മോസസുമായി ആശയവിനിമയം നടത്തണമോ?

അസാധ്യമെന്ന്‌ തോന്നാമെങ്കിലും ഇതൊക്കെ നിഷ്‌പ്രയാസം സാധിക്കുമെന്ന്‌ ചിലര്‍ അവകാശപ്പെടുന്നു. പരേതാത്മാക്കളുമായി ബന്ധപ്പെടാന്‍ ഇടനിലക്കാരായി പ്രവര്‍ത്തിക്കുന്നവരെ 'മീഡിയം' എന്നാണ്‌ വിളിക്കുക. ഇത്തരക്കാര്‍ ഏറ്റവും കൂടുതലുള്ളത്‌ അമേരിക്കയിലാണ്‌. ഇത്തരം വിശ്വാസക്കാരും ലോകത്ത്‌ ഏറ്റവും കൂടുതലുള്ളത്‌ അമേരിക്കയില്‍ തന്നെ. ശാസ്‌ത്ര-സാങ്കേതിക വിദ്യയും ഭൗതിക പ്രമത്തതയും ഏറ്റവും പ്രബലമായ അമേരിക്കയിലാണ്‌ ലോകത്ത്‌ മറ്റെവിടെയും കാണാത്തവിധം അന്ധവിശ്വാസങ്ങളുള്ളത്‌.
പ്രത്യക്ഷത്തില്‍ അവിശ്വസനീയമെങ്കിലും ഇതാണ്‌ യാഥാര്‍ഥ്യം. ദൈവസാമീപ്യത്തിനായി ഇടനിലക്കാരുടെ സഹായം അഭ്യര്‍ഥിക്കുന്നവരെയും പിശാചിനെ വരുതിയിലാക്കി മന്ത്രവാദം നടത്തുന്നവരെയും നിങ്ങള്‍ക്ക്‌ പൗരസ്‌ത്യനാടുകളില്‍ കാണാനാവും. എന്നാല്‍ ഫറോവയോടും മോശയോടും ഹിറ്റ്‌ലറോടും നേരില്‍ സംസാരിക്കാമെന്ന്‌ അവകാശപ്പെടുകയും ഈ അവകാശവാദങ്ങളില്‍ വിശ്വസിക്കുകയും ചെയ്യുന്നവരെ നിങ്ങള്‍ക്ക്‌ പൗരസ്‌ത്യ നാടുകളില്‍ കാണാനാവില്ല. ഇവരെ കണ്ടുകിട്ടാന്‍ അമേരിക്കയിലെത്തണം.

മണ്‍മറഞ്ഞ മഹാത്മാക്കളുമായി സംസാരിക്കുന്നത്‌ കൗതുകത്തിനോ വെറും ആത്മശാന്തിക്കോ മാത്രമല്ല. ജീവിതത്തില്‍ മനുഷ്യര്‍ നിത്യേന നേരിടുന്ന നിരവധി പ്രശ്‌നങ്ങള്‍ക്ക്‌ പരിഹാരം തേടിയാണ്‌. പരീക്ഷാ വിജയം, ജോലിപ്രശ്‌നം, കുടുംബകലഹം, ബിസിനസ്‌ തകര്‍ച്ച തുടങ്ങി ഏതു പ്രശ്‌നങ്ങള്‍ക്കും പരിഹാരം ലഭിക്കും എന്ന വാഗ്‌ദാനവുമായാണ്‌ മീഡിയമുകള്‍ രംഗത്തെത്തുന്നത്‌. ഇത്ര വലിയ അസംബന്ധത്തില്‍ വിശ്വസിക്കുന്ന ആളുകളുടെ എണ്ണം അത്ര കുറവൊന്നുമല്ല എന്നതാണ്‌ ശ്രദ്ധേയമായ കാര്യം. അമേരിക്കയില്‍ നിന്നും പ്രസിദ്ധീകരിക്കുന്ന ഫെയ്‌റ്റ്‌ (Fate) എന്ന മാഗസിന്‍ ഇത്തരക്കാരെ ആദരപൂര്‍വം അവതരിപ്പിക്കാറുണ്ട്‌. ഓരോ ലക്കത്തിലും നിരവധി പരസ്യങ്ങളും കാണാം.

ശാസ്‌ത്ര സാങ്കേതിക രംഗത്ത്‌ വന്‍ പുരോഗതിയുണ്ടായ അമേരിക്കയില്‍ എന്തുകൊണ്ട്‌ ഇത്തരം വിശ്വാസങ്ങള്‍ പെരുകുന്നു എന്ന സംശയം പ്രസക്തമാണ്‌. ശാസ്‌ത്ര-സാങ്കേതിക വികാസം ഇത്തരം വിശ്വാസങ്ങള്‍ വര്‍ധിക്കുന്നതിന്‌ ഒരു കാരണമാണെന്നതാണ്‌ യാഥാര്‍ഥ്യം. ഫറോവയുമായി ബന്ധമുണ്ടെന്ന്‌ അവകാശപ്പെടുന്ന മീഡിയം മൂടിപ്പുതച്ച്‌ ഒരു മുറിയില്‍ ഇരിക്കുകയല്ല ചെയ്യുന്നത്‌. (നമ്മുടെ നാട്ടില്‍ അത്ഭുതസിദ്ധിയുള്ളവര്‍ ജനലുകള്‍ അടച്ച്‌ വെളിച്ചക്കുറവുള്ള മുറിയിലായിരിക്കും സന്ദര്‍ശകരെ സ്വീകരിക്കുന്നത്‌). മറിച്ച്‌ ശബ്‌ദോപകരണങ്ങള്‍ സജ്ജീകരിച്ച മുറിയിലായിരിക്കും. ഫറോവയുമായി സംസാരിക്കാന്‍ എത്തുന്നവരുടെ ചെവിയിലേക്ക്‌ മൈക്രോ ഫോണ്‍ ഘടിപ്പിക്കും. അതോടെ സംസാരം കേള്‍ക്കാം. പിന്നെ, സംശയിക്കാന്‍ എന്തിരിക്കുന്നു? മാത്രമല്ല, ഇങ്ങനെ അവകാശവാദങ്ങള്‍ ഉന്നയിക്കുന്നവരെ നുണപരിശോധനക്ക്‌ വിധേയമാക്കാം. പലപ്പോഴും അതിലിവര്‍ വിജയിക്കുന്നു. എങ്കില്‍ ശാസ്‌ത്ര-സാങ്കേതിക സമൂഹത്തില്‍ ജീവിക്കുന്നവര്‍ പിന്നെയെന്തിന്‌ സംശയിക്കണം? (പഠിച്ച കള്ളന്മാരെ പിടികൂടാന്‍ നുണപരിശോധനാ യന്ത്രത്തിന്‌ (lie detector) സാധ്യമല്ല എന്ന വസ്‌തുത പൊതുവേ ജനങ്ങള്‍ക്കറിയില്ല. യഥാര്‍ഥത്തില്‍ സത്യവാനായ ഒരാള്‍ക്ക്‌ ടെന്‍ഷനുണ്ടായാല്‍ നുണപരിശോധനായന്ത്രം അയാളെ നുണയനായി പ്രഖ്യാപിക്കുകയും ചെയ്യും. നമ്മുടെ നാട്ടിലെ ഇന്റലിജെന്‍സ്‌ ഉദ്യോഗസ്ഥന്മാര്‍ക്ക്‌ പോലും ഇക്കാര്യം അറിയില്ലെന്നിരിക്കെ സാമാന്യ ജനങ്ങളെ കുറ്റപ്പെടുത്താനാവുമോ?) മരിച്ചുപോയ മഹാത്മാക്കളെ കൂടാതെ ഇപ്പോള്‍ ജീവിച്ചിരിക്കുന്ന മഹാത്മാക്കളെയും സമീപിക്കാറുണ്ട്‌. പക്ഷെ, ഈ മഹാത്മാക്കള്‍ ഭൂമിയിലുള്ളവരല്ല. ഭൂമിക്ക്‌ പുറത്തുള്ള ഏതോ നക്ഷത്രവ്യവസ്ഥയിലെ ഗ്രഹങ്ങളില്‍ ജീവിക്കുന്ന, വളരെ വികാസം പ്രാപിച്ച മഹാത്മാക്കളാണുപോല്‍! ഇവരുമായി ബന്ധം സ്ഥാപിച്ചുവെന്ന്‌ അവകാശപ്പെടുന്ന നിരവധി പറക്കും തളികാകള്‍ട്ടുകള്‍ പാശ്ചാത്യ രാജ്യങ്ങളിലുണ്ട്‌.

ക്രിസ്‌തുമതം, ജൂതമതം തുടങ്ങിയ പരമ്പരാഗത മതങ്ങള്‍ നിലനില്‌ക്കെ തന്നെ പലതരം ആത്മീയ കള്‍ട്ടുകള്‍ പാശ്ചാത്യനാടുകളില്‍ പ്രചരിച്ചതായി കാണാം. സാധാരണ വിവക്ഷിക്കാറുള്ള ആത്മീയതയുമായല്ല ഇവയുടെ നാഡീബന്ധം. മറിച്ച്‌ ആത്മാവു (Spirit) മായാണ്‌. വ്യക്തികള്‍ക്കുള്ള ആത്മാവുമായി ബന്ധപ്പെട്ട്‌ രൂപപ്പെട്ട വിശ്വാസങ്ങളും ആചാരങ്ങളുമാണ്‌ പാശ്ചാത്യലോകത്തെ ആത്മീയ കള്‍ട്ടുകളുടെ ഉള്ളടക്കം. 1840 മുതല്‍ 1920 കള്‍ വരെയും ഇതിന്‌ കാര്യമായ പ്രചാരമുണ്ടായിരുന്നു. 1987 വരെയും അമേരിക്കയിലും യൂറോപ്പിലുമായി 80 ലക്ഷം അനുയായികള്‍ ഇതിനുണ്ടായിരുന്നു.

അക്കാലത്തെ പ്രമുഖരില്‍ ഒരാളാണ്‌ വില്യം തോമസ്‌ സ്റ്റിഡ്‌ (1849-1912). പത്രപ്രവര്‍ത്തകനും ഗ്രന്ഥകാരനും യുദ്ധവിരുദ്ധനുമൊക്കെയായി പ്രശസ്‌തനായ സ്റ്റിഡ്‌ പരേതാത്മാക്കളുമായി സമ്പര്‍ക്കം പുലര്‍ത്തിയതായി അവകാശപ്പെട്ടു. ഇക്കാലത്തെ സചിത്രവാരിക (Tabloid Journalism) കളുടെ ഉപജ്ഞാതാവായി പോലും ചിലര്‍ ഇദ്ദേഹത്തെ കണക്കാക്കിയിട്ടുണ്ട്‌. പരേതാത്മാക്കളില്‍ നിന്നും സന്ദേശം ലഭിക്കാറുണ്ട്‌ എന്ന്‌ സ്റ്റിഡ്‌ അവകാശപ്പെടുകയുണ്ടായി. `ജൂലിയ' എന്ന പെണ്‍കുട്ടിയുടെ ആത്മാവു വഴിയാണത്രെ ഇത്‌ സാധ്യമായത്‌. 1909 ല്‍ ഇദ്ദേഹം ജൂലിയാസ്‌ ബ്യൂറോ എന്നൊരു സ്ഥാപനം തുടങ്ങി. ഇവിടെ ധാരാളം മീഡിയമുകള്‍ താമസിച്ചിരുന്നു. ഇവര്‍ വഴി ആര്‍ക്കും പരേതാത്മാക്കളുമായി സംസാരിക്കാമായിരുന്നുവത്രെ! ജൂലിയ എന്ന പരേതാത്മാവ്‌ തന്നെക്കൊണ്ട്‌ എഴുതിച്ചു എന്ന്‌ അവകാശപ്പെട്ടുകൊണ്ട്‌ കുറെ കത്തുകളുടെ സമാഹാരം ഇദ്ദേഹം പ്രസിദ്ധീകരിക്കുകയുണ്ടായി. ആഫ്‌റ്റര്‍ ഡെത്ത്‌: ലെറ്റേഴ്‌സ്‌ ഫ്രം ജൂലിയ എന്നാണീ കൃതിയുടെ പേര്‌. (123 പേജുകളുള്ള ഈ പുസ്‌തകം ഇന്റര്‍നെറ്റില്‍ ലഭ്യമാണ്‌). 1917 ല്‍ അമേരിക്കയിലെ ഷിക്കാഗോയില്‍ പ്രസിദ്ധീകൃതമായി. ഈ കൃതി എങ്ങനെ രചിക്കപ്പെട്ടുവെന്നതിനെപ്പറ്റി സ്റ്റിഡ്‌ ആമുഖത്തില്‍ വിവരിച്ചിട്ടുണ്ട്‌. അദ്ദേഹം നിശ്ചലനായി ഇരിക്കും. പരേതാത്മാവ്‌ ഓട്ടോമാറ്റിക്‌ ആയി അദ്ദേഹത്തിന്റെ കൈകൊണ്ട്‌ കടലാസില്‍ കുറിക്കും. മിസ്‌ ജൂലിയ ഇദ്ദേഹത്തിന്റെ സുഹൃത്തായിരുന്നു. അവര്‍ 1891 ഡിസംബര്‍ 12 ന്‌ മരിക്കുകയും ചെയ്‌തു. വര്‍ഷങ്ങള്‍ കഴിഞ്ഞ്‌ ഇവരുടെ ആത്മാവ്‌ സ്റ്റിഡില്‍ ആവേശിച്ച്‌ പുസ്‌തകമെഴുതിപ്പിച്ചുവെന്നര്‍ഥം!

ജീവിച്ചിരിക്കുന്നവര്‍ക്ക്‌ അറിയാത്തതും അസാധ്യവുമായ നിരവധി കാര്യങ്ങള്‍ പരേതാത്മാക്കള്‍ക്ക്‌ അറിയാനും ചെയ്യാനും സാധിക്കുമെന്നാണല്ലോ പലരുടെയും വിശ്വാസം. എന്നാല്‍ സ്റ്റിഡിന്റെ ജീവിതത്തില്‍ സംഭവിച്ചത്‌ മറ്റൊന്നാണ്‌. 1912 ഏപ്രില്‍ 14 ന്‌ പുറപ്പെട്ട ടൈറ്റാനിക്‌ എന്ന വിഖ്യാതമായ കപ്പലില്‍ അദ്ദേഹം കയറിയിരുന്നു. പിറ്റേന്ന്‌ രാവിലെ ഐസു കട്ടയിലിടിച്ച്‌ കടലില്‍ താഴ്‌ന്നുപോയ ടൈറ്റാനിക്കില്‍ സ്റ്റിഡും ഉണ്ടായിരുന്നു. ഒരു പരേതാത്മാവും ഇക്കാര്യം മുന്‍കൂട്ടി അദ്ദേഹത്തെ അറിയിച്ചില്ല. ഏറ്റവും അടുത്ത സുഹൃത്തായ ജൂലിയയുടെ ആത്മാവുപോലും!

പരേതാത്മാക്കളുമായി സമ്പര്‍ക്കം പുലര്‍ത്തുന്നുവെന്ന്‌ അവകാശപ്പെട്ട നിരവധി പേര്‍ പാശ്ചാത്യര്‍ക്കിടയിലുണ്ടായിരുന്നു. 1920 കള്‍ക്ക്‌ ശേഷം ഇതിന്റെ പ്രചാരം കുറഞ്ഞു. പക്ഷെ, 1960 കള്‍ക്ക്‌ ശേഷം ഭൗതികവാദ പാരമ്പര്യത്തിന്‌ മങ്ങലേല്‌ക്കാന്‍ തുടങ്ങിയപ്പോള്‍ പഴയ ആത്മീയ കള്‍ട്ടുകള്‍ പുനരുജ്ജീവനം നേടി. ഭൗതിക വാദത്തിന്റെ ദൗര്‍ബല്യങ്ങളും ഭൗതികസുഖങ്ങളുടെ ക്ഷണികതയും മറ്റേതു സമൂഹത്തേക്കാളും അനുഭവിച്ചറിഞ്ഞ പാശ്ചാത്യര്‍ അനിയന്ത്രിതമായ വിധം ആത്മീയതയിലേക്ക്‌ കൂപ്പുകുത്തുകയായിരുന്നു.

ഭൗതികവാദത്തെയോ ഭൗതികം മാത്രമായ ജീവിതരീതികളെയോ ന്യായീകരിക്കുന്നവര്‍ പാശ്ചാത്യലോകത്ത്‌ കുറ്റിയറ്റുകൊണ്ടിരിക്കുന്നു. ശരിയോ തെറ്റോ ആയ ആത്മീയത അവര്‍ക്ക്‌ അടിയന്തിരാവശ്യമായിരിക്കുകയാണ്‌. താത്വികമായ അന്വേഷണത്തിനും നിഷ്‌പക്ഷമായ വിലയിരുത്തലിനും ശേഷം ആത്മീയ മാര്‍ഗങ്ങളില്‍ ഏതാണ്‌ ശരിയെന്ന്‌ കണ്ടെത്താനുള്ള ക്ഷമയോ സാവകാശമോ ഉള്ളവര്‍ വളരെ കുറവ്‌. ശരീരത്തില്‍ നിന്നും ജലാംശം അറിയാതെ ചോര്‍ന്നുപോയവര്‍ക്ക്‌ ഡീ ഹൈഡ്രേഷന്‍ മൂലം ഗ്ലൂക്കോസ്‌ കയറ്റേണ്ട അടിയന്തിര സാഹചര്യം ഉണ്ടാകാറുണ്ടല്ലോ. വ്യക്തികള്‍ക്ക്‌ സംഭവിക്കാറുള്ള ചികിത്സാ സാഹചര്യമാണ്‌ സാംസ്‌കാരികമായി ഇന്നത്തെ പാശ്ചാത്യര്‍ക്ക്‌ വന്നു ഭവിച്ചിട്ടുള്ളത്‌. ഭൗതികവസ്‌തുക്കളിലും ഭൗതിക സുഖങ്ങളിലും മാത്രമായിരുന്നു അവരുടെ വിശ്വാസം. ജീവിതമഖിലം ഭൗതികതയില്‍ മാത്രം അധിഷ്‌ഠിതമായിരുന്നു. മനുഷ്യമനസിന്റെ അസ്‌തിത്വം പോലും നിഷേധിച്ചവരാണ്‌ ആധുനിക പാശ്ചാത്യ ശാസ്‌ത്രജ്ഞന്മാര്‍. തലച്ചോറിനകത്തെ നാഡീകോശങ്ങളുടെ ആകെത്തുക മാത്രമാണ്‌ മനസ്‌ എന്നായിരുന്നു അവരുടെ വാദം. ഭൗതികപ്രമത്തമായ ഇത്തരം വിശ്വാസങ്ങളിലും ജീവിതരീതികളിലും ഏതാനും തലമുറകള്‍ ആയുസ്‌ ചെലവാക്കിയപ്പോഴേക്കും പാശ്ചാത്യരുടെ സാംസ്‌കാരിക ശരീരം ശോഷിച്ചുണങ്ങി. പ്രാണവായുവും ജീവജലവും ചോര്‍ന്ന്‌ വരണ്ട ജഡസമാനമായ ശാരീരികാവസ്ഥയിലേക്ക്‌ അവര്‍ അധപ്പതിച്ചു. ഒരു തുള്ളി ദാഹജലം പോലും കിട്ടാതെ ദിവസങ്ങള്‍ മരുഭൂവില്‍ അലഞ്ഞുതിരിയേണ്ട ഗതികേടില്‍ അകപ്പെട്ട ഒരാള്‍ ഒരു പാത്രം വെള്ളം കണ്ടാല്‍ എന്ത്‌ വെള്ളമാണെന്ന്‌ അന്വേഷിക്കുമോ? എന്താകട്ടെ വെള്ളമാകണമെന്നേ അയാള്‍ക്ക്‌ നിര്‍ബന്ധമുണ്ടാവൂ. പാശ്ചാത്യരുടെയും അവരുടെ സ്വാധീനത്തില്‍പ്പെട്ട ഒരു വിഭാഗം പൗരസ്‌ത്യരുടെയും ഇന്നത്തെ അവസ്ഥയിതാണ്‌. എന്തില്‍ വിശ്വസിക്കണമെന്നോ എങ്ങനെ വിശ്വസിക്കണമെന്നോ അവര്‍ക്കറിയില്ല. എന്തിലെങ്കിലും വിശ്വസിച്ചേ തീരൂ എന്നുമാത്രം അവര്‍ക്കറിയാം. എന്ത്‌ ആചരിക്കണമെന്നോ എങ്ങനെ ആചരിക്കണമെന്നോ അവര്‍ക്കറിയില്ല. എന്തെങ്കിലും ആചാരങ്ങള്‍ അനുഷ്‌ഠിക്കാതെ മനുഷ്യജീവിതം മുന്നോട്ടു കൊണ്ടുപോകാനാവില്ല എന്നു മാത്രം അവര്‍ മനസ്സിലാക്കിയിട്ടുണ്ട്‌. ആരെ ആരാധിക്കണമെന്നോ എങ്ങനെ ആരാധിക്കണമെന്നോ അവര്‍ക്ക്‌ നിശ്ചയമില്ല. ആരാധനയില്ലാതെ മനുഷ്യമനസ്സിന്‌ ശാന്തി ലഭിക്കില്ല എന്ന കാര്യം മാത്രം അവര്‍ക്ക്‌ നിശ്ചയമുണ്ട്‌. ദൈവത്തിന്‌ പകരം ആരാധിക്കാന്‍ പിശാചിനെ കിട്ടിയാലും മതി എന്നിടത്തോളം വിശ്വാസപ്രതിസന്ധി മൂര്‍ഛിച്ചു. 1970 കളിലും 80കളിലും പ്രചരിക്കാനിടയായ `സാത്താനിക്‌ വര്‍ഷിപ്പ്‌' അഥവാ `പിശാച്‌ ആരാധന' ഇതിന്റെ ഫലമായിരുന്നു. എന്നാല്‍ തൊണ്ണൂറുകളില്‍ ഈ പ്രവണത കുറഞ്ഞതായും കാണുന്നു.

നമ്മുടെ നാട്ടില്‍ ഇത്തരം കള്‍ട്ടുകളിലേക്ക്‌ ആളുകള്‍ ആകര്‍ഷിക്കപ്പെടുന്നതിന്‌ ഒരു കാരണം അന്ധമായ പാശ്ചാത്യ അനുകരണമാണ്‌. ന്യൂയോര്‍ക്കുകാരും കാലിഫോര്‍ണിയക്കാരും പിശാച്‌ ആരാധന നടത്തുന്നുവെന്നറിഞ്ഞാല്‍ നഗരങ്ങളിലെ നാടന്‍ സായിപ്പുമാര്‍ക്ക്‌ അടങ്ങിയിരിക്കാനാവുമോ? ഫ്രാന്‍സില്‍ അസ്‌തിത്വവാദം പ്രചരിക്കാന്‍ ഇടയായപ്പോള്‍ ചാളയും പൂളയും കഴിച്ചിരുന്ന അക്കാലത്തെ കേരളീയരില്‍ ചില ബുദ്ധിജീവികള്‍ക്കും അസ്‌തിത്വ ദു:ഖമുണ്ടായതായി കേട്ടിട്ടുണ്ട്‌!

മനുഷ്യന്റെ പ്രശ്‌നങ്ങള്‍ പരിഹരിക്കാന്‍ മതമോ ആത്മീയതയോ പ്രവാചകന്മാരോ ആവശ്യമില്ലെന്ന്‌ നവോത്ഥാന കാല ചിന്തകര്‍ പ്രഖ്യാപിച്ചല്ലോ. എല്ലാ പ്രശ്‌നങ്ങള്‍ക്കും പരിഹാരം ശാസ്‌ത്രം കണ്ടെത്തുമെന്ന്‌ തുടര്‍ന്നു വന്നവരും ആണയിട്ടു. എന്നാല്‍ വലിയ പ്രതീക്ഷയോടെ കാത്തിരുന്ന ആധുനിക ശാസ്‌ത്രം മാനുഷിക പ്രശ്‌നങ്ങള്‍ക്ക്‌ യാതൊരു പരിഹാരവും നല്‌കിയില്ലെന്ന്‌ മാത്രമല്ല, മുമ്പെങ്ങുമില്ലാത്ത നിരവധി പ്രശ്‌നങ്ങള്‍ക്ക്‌ കാരണമാവുകയും ചെയ്‌തു. പരിസ്ഥിതിനാശം ഇതിലൊന്നു മാത്രം. മനുഷ്യന്റെ വ്യക്തിപരവും സാമൂഹികവുമായ മേഖലകള്‍ കൂടുതല്‍ സങ്കീര്‍ണമാവുകയും പ്രശ്‌നങ്ങള്‍ കൂടുതല്‍ ഗുരുതരമാവുകയും ചെയ്‌തു. ശാസ്‌ത്രത്തിന്‌ പരിഹരിക്കാന്‍ കഴിയുന്നതല്ല മനുഷ്യന്റെ അടിസ്ഥാന പ്രശ്‌നങ്ങളെന്ന്‌ നിരവധി ഉത്തരാധുനിക ചിന്തകര്‍ പ്രഖ്യാപിച്ചതോടെ പാശ്ചാത്യസമൂഹം നെട്ടോട്ടമായി. ആരെങ്കിലും ഞങ്ങളെ സഹായിക്കേണമേ എന്ന്‌ അവര്‍ അലമുറയിടാന്‍ തുടങ്ങി. ഇത്തരമൊരു സാഹചര്യത്തിലാണ്‌ പ്രശ്‌നപരിഹാരങ്ങളുമായി നിരവധി കള്‍ട്ടുകള്‍ രൂപീകൃതമാവുന്നത്‌.

ജൂഡിത്ത്‌ ഡാര്‍ലിന്‍ എന്ന്‌ പേരുള്ള ഒരു സ്‌ത്രീയവതാരത്തിന്റെ കഥ കൂടുതല്‍ കൗതുകകരമാണ്‌. ന്യൂ മെക്‌സിക്കോവിലെ റോസ്വെല്‍ എന്ന സ്ഥലത്ത്‌ 1946 ലാണ്‌ ഇവരുടെ ജനനം. ഇപ്പോള്‍ ടെക്‌സാസില്‍ താമസിക്കുന്നു. മുപ്പത്തി അയ്യായിരം വര്‍ഷങ്ങള്‍ക്ക്‌ മുമ്പ്‌ പസഫിക്‌ സമുദ്രത്തില്‍ ആണ്ടുപോയ ലെമൂറിയ വന്‍കരയില്‍ താമസിച്ചിരുന്ന ഒരു മഹായോദ്ധാവിന്റെ ആത്മാവുമായി തനിക്ക്‌ ബന്ധമുണ്ടെന്നാണ്‌ ജൂഡിത്ത്‌ ഡാര്‍ലിന്റെ അവകാശവാദം (ജാസ്‌ നൈറ്റ്‌ എന്നാണ്‌ ഇവര്‍ ഇപ്പോള്‍ അറിയപ്പെടുന്നത്‌). മുപ്പത്തയ്യായിരം വര്‍ഷങ്ങള്‍ക്ക്‌ മുമ്പ്‌ ജീവിച്ച്‌ മരിച്ചുപോയ രാമ്‌ത എന്ന ലൈമൂറിയന്‍ യോദ്ധാവിന്റെ ആത്മാവ്‌ 1977 മുതല്‍ തന്നെ നയിക്കുന്നു എന്നാണ്‌ ഇവര്‍ അവകാശപ്പെടുന്നത്‌. രാമ്‌ത ഇവരെ സമീപിക്കുമ്പോള്‍ നൈറ്റിന്റെ ആത്മാവ്‌ പുറത്തുപോകുമത്രെ. ശേഷം രാമ്‌തയുടെ ആത്മാവ്‌ നൈറ്റിന്റെ ശരീരത്തില്‍ കയറാതെ തന്നെ മസ്‌തിഷ്‌കത്തില്‍ ആവശ്യമായ പ്രോഗ്രാമുകള്‍ ചെയ്യുന്നു. ഒരു പ്രോഗ്രാമര്‍ കമ്പ്യൂട്ടറിനെ ഉപയോഗിക്കുന്നപോലെ രാമ്‌തയുടെ ആത്മാവ്‌ നൈറ്റിന്റെ ശരീരത്തെ ഉപയോഗിക്കുമത്രെ. ഇങ്ങനെയാണ്‌ സംഭവമെന്ന്‌ രാമ്‌തയുടെ ആത്മാവ്‌ തന്നെ നൈറ്റിനോട്‌ പറഞ്ഞതാണത്രെ (വിശദാംശങ്ങള്‍ക്ക്‌ അമേരിക്കയില്‍ നിന്നും പ്രസിദ്ധീകരിക്കുന്ന ഫെയ്‌റ്റ്‌ മാഗസിന്‍-ഖമിഎലയ 2009 നൈറ്റുമായി നടത്തിയ അഭിമുഖം കാണുക). ജീവിതത്തില്‍ അഭിമുഖീകരിക്കാവുന്ന ഏതു പ്രശ്‌നങ്ങള്‍ക്കും നൈറ്റ്‌ പരിഹാരങ്ങള്‍ നിര്‍ദേശിക്കുന്നു. ധാരാളം പേര്‍ കാര്യസാധ്യങ്ങള്‍ക്കായി അവരെ സമീപിക്കുന്നു. ഇത്തരം അനേകം നൈറ്റുമാര്‍ അമേരിക്കയിലുണ്ട്‌.

ശാസ്‌ത്രവും സാങ്കേതികവിദ്യയും ഒരു പരിധിവരെ അനുഗ്രഹമാകാം. എന്നാല്‍ ആത്മീയ കള്‍ട്ടുകളിലേക്ക്‌ ആകൃഷ്‌ടരായ സമൂഹത്തെ സംബന്ധിച്ചേടത്തോളം ഇത്തരം നവീന ഉപാധികള്‍ കള്‍ട്ടുകളുടെ വിശ്വാസ-ആചാര പ്രചാരണങ്ങള്‍ക്കാണ്‌ സഹായകമാവുക. പാശ്ചാത്യലോകത്തെ നിരവധി ശാസ്‌ത്രജ്ഞരും ഗവേഷകരും അത്ഭുതസംഭവങ്ങളെപ്പറ്റി അന്വേഷണം നടത്തുന്നവരും അതിന്റെ വക്താക്കളുമായി മാറിയത്‌ ഇത്തരമൊരു പശ്ചാത്തലത്തിലാണ്‌.

വിശ്വാസ-സാംസ്‌കാരിക മേഖലകളില്‍ വൈചിത്ര്യങ്ങളുടെ ഘോഷയാത്ര നടത്തുന്നവരായി കേരളീയരും മാറിയിട്ടുണ്ട്‌. ഭൗതിക വാദത്തില്‍ ജനിക്കുകയും വൈരുധ്യാത്മക തീവ്രവാദത്തില്‍ ജീവിക്കുകയും ചെയ്‌തവര്‍ സത്യസായിബാബയുടെ കാല്‍ക്കല്‍ മുട്ടുകുത്തി നില്‌ക്കുന്ന കാഴ്‌ച ഒറ്റപ്പെട്ടതല്ല. ഭൂപ്രഭുക്കളുടെ ഉന്മൂലനത്തിന്‌ ആഹ്വാനം ചെയ്‌തവര്‍ ആഗോളവത്‌കരണത്തിന്റെ താത്വികാചാര്യന്മാരാകുന്നതും യാദൃച്ഛികമല്ല. ദൈവം മരിച്ചുവെന്നും കൊന്നത്‌ താനാണെന്നും പ്രഖ്യാപിച്ച നീഷേയുടെ ചിന്തകള്‍ പരിഷ്‌കാരമാക്കിയവര്‍ മന്ത്രവാദത്തിലേക്കും പിശാചുപൂജയിലേക്കും വഴുതി വീഴുന്നത്‌ ആശ്ചര്യകരമായ കാഴ്‌ച തന്നെയാണ്‌.

ഒരുകാലത്ത്‌ പോലീസ്‌ സ്റ്റേഷന്‍ ആക്രമണത്തില്‍ പ്രതി ചേര്‍ക്കപ്പെട്ടവര്‍ അഭിഭാഷകരായി ജോലി ചെയ്യുന്നു! ശീതീകരിച്ച കൂറ്റന്‍ വീടുകളില്‍ അന്തിയുറങ്ങുകയും ഭൗതികമായ സുഖസൗകര്യങ്ങളില്‍ മുങ്ങിത്താഴുകയും ചെയ്‌തവര്‍ മന്ത്രവാദിയുടെ ഉപദേശങ്ങള്‍ക്കായ്‌ ക്യൂ നില്‌ക്കുന്നു. അഞ്ഞൂറോളം പണിക്കാരുള്ള കമ്പനിയെ വിജയകരമായി നയിക്കുകയും നിയന്ത്രിക്കുകയും ചെയ്യുന്ന ഡയറക്‌ടര്‍ ആത്മ നിയന്ത്രണത്തിന്റെ ബാലപാഠങ്ങള്‍ ശീലിക്കാന്‍ ശ്രീ ശ്രീ രവിശങ്കറെ സമീപിക്കുന്നു. മുസ്ലിം സമുദായ സംഘടനകളില്‍ വിപ്ലവത്തിന്റെ കമ്മി ബോധ്യപ്പെട്ട്‌ ഉശിരന്‍ സംഘടനകളില്‍ നേതൃപദവി അലങ്കരിച്ചവര്‍ ത്വരീഖത്ത്‌ ശൈഖിന്റെ അനുയായികളാവുന്നു. കള്ളക്കടത്തും കരിഞ്ചന്തയുമായി കോടികള്‍ സമ്പാദിച്ചവര്‍ നേര്‍ച്ചക്കാരായി മാറുന്നു.

വ്യക്തിക്കോ സമൂഹത്തിനോ സമുദായത്തിനോ ഏതെങ്കിലും രാഷ്‌ട്രത്തിനോ മാത്രം ബാധകമായ പരിവര്‍ത്തന നിയമമല്ല ഇത്‌. ഏറിയോ കുറഞ്ഞോ തോതില്‍ ലോകമെമ്പാടും ഇത്‌ ദൃശ്യമാവുന്നുണ്ട്‌. വിശ്വാസരംഗത്ത്‌ മാത്രമോ രാഷ്‌ട്രീയമേഖലയില്‍ മാത്രമോ സംഭവിക്കുന്ന അപഭ്രംശമല്ല, മറിച്ച്‌ ജീവിതത്തിന്റെ സമസ്‌ത മേഖലകളിലും പ്രത്യക്ഷമായ അവസ്ഥാന്തരീകരണമാണിത്‌. വ്യാപകമായ നാഗരിക വ്യതിയാനങ്ങളാണിവയെങ്കിലും ഇത്തരം മേഖലകളെ നിരീക്ഷിക്കുകയോ സൂക്ഷ്‌മമായി വിലയിരുത്തുകയോ ചെയ്യാത്തവര്‍ക്ക്‌ ഇത്തരം സമകാലീന യാഥാര്‍ഥ്യങ്ങളെല്ലാം കാണാമറയത്തായിരിക്കും. ഭൗതികവാദാധിഷ്‌ഠിതമായ ആധുനിക സംസ്‌കാരം അസ്‌തമയത്തോടടുക്കുന്നു. എന്നാല്‍ പുതിയൊരു പ്രഭാതം വിടര്‍ന്നിട്ടുമില്ല. ഒരിടത്തുനിന്ന്‌ പുറപ്പെട്ടുവെങ്കിലും മറ്റൊരിടത്തെത്താത്ത സ്ഥിതിയില്‍ സാംസ്‌കാരികമായും വിശ്വാസപരമായും അലയുന്ന മനുഷ്യരുടെ എണ്ണം വര്‍ധിക്കുകയാണ്‌. ഭൗതികതക്കും ആത്മീയതക്കും മധ്യേ, വിശ്വാസത്തിനും അവിശ്വാസത്തിനുമിടയില്‍ ശിര്‍ക്കിനും തൗഹീദിനും നടുക്കായി അവ്യക്തതയുടേതായ കാലുഷ്യത്തില്‍ വലിയൊരു വിഭാഗം കഴിയുന്നു. മറ്റൊരു വിഭാഗമാകട്ടെ ഇവക്കെല്ലാം മധ്യേ ചാഞ്ചാട്ടത്തിലുമാണ്‌. കാലഘട്ടത്തിന്റെ ഈ സ്വഭാവം മനസ്സിലായാല്‍ വ്യക്തികളുടെ സാംസ്‌കാരിക വൈചിത്ര്യങ്ങളെ എളുപ്പത്തില്‍ ഗ്രഹിക്കാനാവും. അല്ലാത്തപക്ഷം ഇവയെല്ലാം വിശദീകരിക്കാനാവാത്ത പ്രഹേളികയായി തുടരുകയും ചെയ്യും. ഇത്തരം പ്രതിസന്ധികളെ കൈകാര്യം ചെയ്യാനാവാതെ സൂത്രവാക്യങ്ങള്‍ ഉരുവിടുന്ന സമൂഹനായകരായി നേതാക്കള്‍ മാറാനും ഈ അജ്ഞത കാരണമായേക്കും.

കടപ്പാട്: ശബാ‍ബ് വാരിക

കഥയിലെ ആസക്തികള്‍

2009-02-16T04:33:00.000+05:30

വാക്‌പയറ്റുകള്‍ യുദ്ധത്തിലേക്ക്‌ വഴുതാതിരിക്കാന്‍

2009-01-29T18:57:00.001+05:30

ചെറിയമുണ്ടം അബ്‌ദുല്‍ഹമീദ്‌

മുംബൈ ഭീകരാക്രമണത്തെത്തുടര്‍ന്ന്‌ ഉപഭൂഖണ്ഡത്തില്‍ ഉരുണ്ടുകൂടിയ സംഘര്‍ഷം വന്‍നാശം വിതയ്‌ക്കുന്ന ഒരു യുദ്ധത്തിലേക്ക്‌ നയിക്കുമോ എന്നതാണ്‌ ഇപ്പോള്‍ ജനകോടികളെ ഉല്‍ക്കണ്‌ഠാഭരിതരാക്കുന്ന ഒരു സുപ്രധാന വിഷയം. ആഗോളവത്‌കരണത്തിന്റെ യുഗത്തില്‍ ഏതൊരു യുദ്ധവും ഒരു മേഖലയിലുള്ളവരെമാത്രം ബാധിക്കുന്നതാവില്ല എന്നതിനാല്‍, പ്രമുഖ ലോകരാഷ്‌ട്രങ്ങളും ഈ വിഷയത്തില്‍ ആശങ്ക പങ്കുവയ്‌ക്കുന്നു. ജനലക്ഷങ്ങള്‍ക്ക്‌ നാശം വരുത്തുകയും സഹസ്രകോടിക്കണക്കില്‍ വിലവരുന്ന സ്വത്തുവകകള്‍ നാമാവശേഷമാക്കുകയും ചെയ്യുന്ന യുദ്ധങ്ങള്‍ മാധ്യമങ്ങളിലൂടെ കണ്ടറിയുകയും അവയുടെ കെടുതികള്‍ നേരിട്ട്‌ അനുഭവിക്കുകയും ചെയ്‌ത മനുഷ്യരൊക്കെ- വിശിഷ്യാ ഇന്ത്യയിലെ പാകിസ്‌താനിലെയും ബഹുഭൂരിപക്ഷം ജനങ്ങള്‍- സമാധാനത്തിന്റെ പക്ഷത്താണെങ്കിലും ഇരുരാജ്യങ്ങളിലെയും തീവ്രവാദികള്‍ യുദ്ധമാണ്‌ ആഗ്രഹിക്കുന്നത്‌. അവര്‍ ഭീകരാക്രമണങ്ങളും അട്ടിമറികളും നടത്തുന്നതുതന്നെ ഭരണകൂടങ്ങളെ യുദ്ധത്തിലേക്ക്‌ തള്ളിവിടാന്‍ വേണ്ടിയാണ്‌. രാജ്യസുരക്ഷയ്‌ക്ക്‌ നേരെ ഭീഷണി ഉയരുമ്പോള്‍ വിട്ടുവീഴ്‌ചയൊന്നും കൂടാതെ കടുത്ത നടപടികള്‍ സ്വീകരിക്കാന്‍ ഭരണകൂടങ്ങള്‍ നിര്‍ബന്ധിതമാകുമെന്ന യാഥാര്‍ ഥ്യം മനസ്സിലാക്കിയാണ്‌ സമാധാനത്തിന്റെ ശത്രുക്കളായ ഭീകരര്‍ സ്‌ഫോടനങ്ങളും ആക്രമണങ്ങളും ആസുത്രണം ചെയ്യുന്നത്‌.

ഇന്ത്യയുടെ വാണിജ്യ തലസ്ഥാനത്ത്‌ അതിക്രമിച്ച്‌ കയറി മുഖ്യ റയില്‍വേ സ്റ്റേഷനിലെ യാത്രികരെയും ആഡംബര ഹോട്ടലുകളിലെ അതിഥികളെയും നിഷ്‌കരുണം ആക്രമിച്ചവരില്‍ ചിലരെങ്കിലും പാകിസ്‌താനീ പൗരന്മാരാണെന്ന്‌ ഇതിനകം അനിഷേധ്യമായി തെളിഞ്ഞിട്ടുണ്ട്‌. ഭീകരാക്രണത്തിനിടയില്‍ സുരക്ഷാ ഉദ്യോഗസ്ഥരുടെ പിടിയിലായ ഭീകരന്‍ അജ്‌മല്‍ ഖസബ്‌ പാകിസ്‌താനീ പൗരനാണെന്ന്‌ മുന്‍ പാക്‌ പ്രധാനമന്ത്രി നവാസ്‌ ശരീഫ്‌ തന്നെ പ്രസ്‌താവിച്ചതായി മാധ്യമങ്ങള്‍ റിപ്പോര്‍ട്ട്‌ ചെയ്‌തിരുന്നു. സി എസ്‌ ടി റയില്‍വേസ്റ്റേഷനില്‍ ഈ ഭീകരന്‍ കണ്ണില്‍കണ്ടവരെയൊക്കെ വെടിവെച്ചു വീഴ്‌ത്തുന്ന ചി ത്രം (സി സി ടി വി കാമറയില്‍ പകര്‍ത്തിയത്‌) മാധ്യമങ്ങള്‍ പ്രസിദ്ധീകരിച്ചിട്ടുണ്ട്‌. ലശ്‌കറെ തയ്യിബയുടെ മേധാവികള്‍ മുംബൈ ആക്രമണത്തില്‍ പങ്കെടുത്ത ഭീകരരുമായി സംഭാഷണം നടത്തിയതിന്റെ ടേ പുകള്‍ ഇന്ത്യന്‍ അധികൃതര്‍ പാകിസ്‌താന്‌ കൈമാറിയതായും മാധ്യമ റിപ്പോര്‍ട്ടുകളില്‍ കാണുന്നു. ഇതൊക്കെ പരിഗണിക്കുമ്പോള്‍ ഭീകരാക്രമണങ്ങള്‍ ആസൂത്രണം ചെയ്‌തവരെ ഇന്ത്യയ്‌ക്ക്‌ കൈമാറണമെന്ന ആവശ്യം അന്യായമാണെന്ന്‌ ആര്‍ക്കും പറയാനാവില്ല. ഇക്കാര്യത്തില്‍ പാകിസ്‌താന്റെ നിലപാട്‌ സുതാര്യമല്ലെങ്കില്‍ ഇന്ത്യക്ക്‌ കടുത്ത ചിലനടപടികള്‍ സ്വീകരിക്കേണ്ടിവരുമെന്ന്‌ വിദേശകാര്യമന്ത്രി പ്രണബ്‌ മുഖ ര്‍ജി മുന്നറിയിപ്പ്‌ നല്‍കിയതിനെ യുദ്ധഭീഷണിയായി വ്യാഖ്യാനിക്കുകയാണ്‌ പാക്‌ അധികൃതര്‍ ചെയ്‌തത്‌.

തങ്ങള്‍ യുദ്ധം ആഗ്രഹിക്കുന്നില്ലെന്ന്‌ ഇരു രാഷ്‌ട്രങ്ങളുടെയും പ്രധാനമന്ത്രിമാര്‍ ഇതിനകം വ്യക്തമാക്കിയിട്ടുണ്ടെങ്കിലും പരോക്ഷമായ യുദ്ധഭീഷണികള്‍ അന്തരീക്ഷത്തില്‍ തങ്ങിനില്‍ക്കുന്നുണ്ട്‌. വേണ്ടിവന്നാല്‍ യുദ്ധത്തിനൊരുങ്ങാന്‍ ഇരുരാജ്യങ്ങളുടെയും സേനകള്‍ക്ക്‌ നിര്‍ദേശം ലഭിച്ചിട്ടുണ്ടെന്ന്‌ ചില മാധ്യമ റിപ്പോര്‍ട്ടുകള്‍ സുചിപ്പിക്കുന്നുമുണ്ട്‌. രാഷ്‌ട്രതന്ത്രത്തിന്റെയും നയതന്ത്രത്തിന്റെയും പ്രയോഗസാധ്യതകളില്‍, ഭീകരത എന്ന പ്രശ്‌നത്തിന്‌ അന്ത്യംകുറിക്കാന്‍ ഒരു യുദ്ധത്തിലൂടെ കണക്കുതീര്‍ക്കുക എന്ന മര്‍ഗമല്ലാതെ മറ്റൊന്നും ഉരുത്തിരിഞ്ഞു കാണാത്തതുകൊണ്ടാണോ യുദ്ധ ഭീഷണിയെന്ന്‌ വ്യാഖ്യാനിക്കാവുന്ന വാക്‌പയറ്റുകളില്‍ ഇരുവിഭാഗവും ഏര്‍പ്പെടുന്നത്‌? ഭീകരവാദികളെ ഉന്മൂലനം ചെയ്യുക എളുപ്പമല്ലെന്ന്‌ രാഷ്‌ട്രീയ നിരീക്ഷകര്‍ക്കെല്ലാം അറിയാം. എന്നാല്‍ യുദ്ധം ഒരു എളുപ്പവഴിയാണോ? യുദ്ധം രണ്ടുതരത്തില്‍ നഷ്‌ടക്കച്ചവടമാണ്‌. ഒന്ന്‌, ഒറ്റപ്പെട്ട ഭീകരാക്രമണങ്ങള്‍ നിമിത്തം സംഭവിക്കുന്നതിനേക്കാള്‍ അനേകം മടങ്ങ്‌ നാശനഷ്‌ടങ്ങള്‍ യുദ്ധംമൂലം സംഭവിക്കും. രണ്ട്‌, യുദ്ധമുണ്ടായാല്‍ ഭീകരവാദം കൂടുതല്‍ വളരുമെന്നാണ്‌ പല രാഷ്‌ട്രീയ നിരീക്ഷകരും ദീര്‍ഘദര്‍ശനം ചെയ്യുന്നത്‌. എവിടെ യുദ്ധമുണ്ടായാലും വന്‍ ആയുധ വ്യവസായികള്‍ ക്കല്ലാതെ മറ്റാര്‍ക്കും യഥാര്‍ഥത്തില്‍ ലാഭമുണ്ടാകാറില്ലെന്നതാണ്‌ യുദ്ധത്തിലേക്ക്‌ എടുത്തുചാടിയ എല്ലാ രാഷ്‌ട്രങ്ങളും പഠിച്ച അനുഭവപാഠം. ഭീമന്‍ ആയുധ വ്യവസായികള്‍ക്ക്‌ ലഭിക്കുന്ന ബില്യണ്‍ കണക്കിലുള്ള ലാഭത്തിന്റെ ഗണ്യമായ ഒരു പങ്ക്‌ അമേരിക്കന്‍ ഭരണകൂടത്തിന്‌ ലഭിക്കുന്നതിനാല്‍ അവര്‍ക്ക്‌ മാത്രമാണ്‌ യുദ്ധം ഒരളവോളം ലാഭകരമായിത്തീരാന്‍ സാധ്യതയുള്ളത്‌.

ലക്ഷം കോടികളുടെ നാശത്തില്‍ കലാശിക്കുന്ന യുദ്ധം ഒഴിവാക്കണമെങ്കില്‍ ഇരുരാഷ്‌ട്രങ്ങളുടെയും സാരഥികള്‍ യാഥാര്‍ഥ്യബോധവും വിട്ടുവീഴ്‌ചാ മനസ്ഥിതിയും പ്രകടിപ്പിക്കുകയല്ലാതെ മറ്റു മാര്‍ഗമൊന്നുമില്ല. പക്ഷെ, ഭീകരത സംബന്ധിച്ച വസ്‌തുതകളില്‍നിന്ന്‌ തങ്ങള്‍ക്ക്‌ അനുകൂലമായത്‌ മാത്രം ഉറക്കെ പറയുകയും അപ്രിയ സത്യങ്ങളെ മൗനത്തില്‍ ഒതുക്കുകയുമാണ്‌ ഭരണകര്‍ത്താക്കളും നയതന്ത്രജ്ഞരും മറ്റും ചെയ്യുന്നത്‌. പാകിസ്‌താനില്‍ പ്രത്യക്ഷമായോ പരോക്ഷമായോ ഭീകരാക്രമണങ്ങളെ പ്രോത്സാഹിപ്പിക്കുന്ന സംഘടനകള്‍ ഉണ്ട്‌ എന്നത്‌ പാക്‌ അധികാരികള്‍തന്നെ അംഗീകരിക്കുന്ന സത്യമാണ്‌. മാത്രമല്ല, മുശര്‌റഫും സര്‍ദാരിയും ഭീകരര്‍ക്കെതിതിരില്‍ നിരന്തരം പൊരുതിക്കൊണ്ടിരുന്നിട്ടുമുണ്ട്‌.

ബേനസീറിനെ മാത്രമല്ല, പാകിസ്‌താനിലെ പല രാഷ്‌ട്രീയ നേതാക്കളെയും ആക്രമണലക്ഷ്യമാക്കിയിട്ടുള്ളവരാണ്‌ അവിടുത്തെ ഭീകരവാദികള്‍. എന്നിരിക്കെ, സര്‍ദാരിയും മറ്റും അവര്‍ക്കനുകൂലമായ നിലപാട്‌ സ്വീകരിക്കുമെന്ന്‌ കരുതാന്‍ ന്യായം കാണുന്നില്ല. പിന്നെ, പാക്‌ ഇന്റലിജന്റ്‌സ്‌ ഏജന്‍സിയായ ഐഎസ്‌ഐക്ക്‌ ഭീകരാക്രമണങ്ങളുമായി വല്ല ബന്ധവും ഉണ്ടായിരിക്കാനുള്ള സാധ്യതയാണ്‌ പലരും ചൂണ്ടിക്കാണിക്കുന്നത്‌. പാക്‌ ഭരണകൂടത്തിന്റെ ഭാഗമായ കുറ്റാന്വേഷണ ഏജന്‍സി എങ്ങനെയാണ്‌ സര്‍ദാരിയെയും ഗീലാനിയെയും മറ്റും ബദ്ധശത്രുക്കളായി ഗണിക്കുന്ന ഭീകരവാദികളെ തുണയ്‌ക്കുക? അമേരിക്കന്‍ ചാരസംഘടനയായ സിഐഎയുടെയോ ഇസ്‌റാഈലിന്റെ ചാരക്കൂട്ടമായ മൊസാദിന്റെയോ ദുസ്വാധീനത്തിന്‌ ഐഎസ്‌ഐ മേധാവികള്‍ വിധേയരായിട്ടുണ്ടെങ്കില്‍ മാത്രമേ ഇങ്ങനെയൊരു സാധ്യതയുള്ളൂ. അങ്ങനെയാണെങ്കില്‍ ഉപഭൂഖണ്ഡത്തില്‍ സംഘര്‍ഷം തിളപ്പിച്ചു നിര്‍ത്തിയിട്ട്‌ ലക്ഷം കോടികളുടെ യു എസ്‌, ഇസ്‌റാഈലീ ആയുധങ്ങള്‍ക്ക്‌ വിപണിയുണ്ടാക്കാനുള്ള സിഐഎ-മൊസാദ്‌ ശ്രമങ്ങളെ പൂര്‍ണമായി പരാജയപ്പെടുത്താനുള്ള ആര്‍ജവമാണ്‌ ഇന്ത്യയിലെയും പാകിസ്‌താനിലെയും ഉന്നതര്‍ പ്രകടിപ്പിക്കേണ്ടത്‌.

പാകിസ്‌താന്‍ ഭീകരതയുടെ ഇരയാണെന്നതും, പാക്‌ ഭരണകൂടം എല്ലാ ഭീകരവാദികളെയും ഉന്മൂലനം ചെയ്യാന്‍ പ്രതിജ്ഞാബദ്ധമാണെന്നതും സത്യമാണെങ്കില്‍ മുംബൈ ഭീകരാക്രമണത്തിന്റെ സൂത്രധാരന്മാരെ ഇന്ത്യയ്‌ക്ക്‌ കൈമാറാന്‍ അവരെന്തിന്‌ മടിക്കുന്നു എന്നതാണ്‌ പിന്നെയുള്ള പ്രസക്തമായ ചോദ്യം. കുറ്റവാളികളെ പരസ്‌പരം കൈമാറാന്‍ ഇരുരാജ്യങ്ങളും തമ്മില്‍ കരാര്‍ നിലവിലില്ല എന്നതും, മതിയായ തെളിവ്‌ കൂടാതെ അങ്ങനെ കൈമാറിയാല്‍ സര്‍ക്കാര്‍ നടപടി കോടതിയില്‍ ചോദ്യം ചെയ്യപ്പെട്ടേക്കും എന്നതുമാണ്‌ ഇതിനെതിരില്‍ പാക്‌ പക്ഷത്തുനിന്ന്‌ ഉന്നയിക്കപ്പെടുന്ന പ്രശ്‌നങ്ങള്‍. ഇന്ത്യയുടെ നിര്‍ബന്ധത്തിന്‌ വഴങ്ങിയാല്‍ സര്‍ദാരിയുടെയും മറ്റും രാഷ്‌ട്രീയഭാവി അപകടത്തിലാകും എന്നത്‌ അവര്‍ തുറന്നുപറയാത്ത പ്രശ്‌നം.

മുംബൈ ഭീകരാക്രമണത്തെത്തുടര്‍ന്ന്‌ തീവ്രവാദികള്‍ക്കെതിരില്‍ തങ്ങള്‍ ഒട്ടേറെ നടപടികള്‍ സ്വീകരിച്ചിട്ടുണ്ടെന്നാണ്‌ പാക്‌ അധികൃതര്‍ അവകാശപ്പെടുന്നത്‌. ആക്രമണത്തില്‍ പങ്കുണ്ടെന്ന്‌ ചൂണ്ടിക്കാണിക്കപ്പെട്ട ലശ്‌കറെ തയ്യിബയുടെ നേതാക്കളെ അറസ്റ്റ്‌ ചെയ്യുകയും ഓഫീസുകള്‍ അടച്ചുപൂട്ടുകയും ചെയ്‌തതിന്‌ പുറമെ ലശ്‌കറിന്റെ ഉപരിസംഘടനയെന്ന പേരില്‍ കരിംപട്ടികയില്‍ ഉള്‍പ്പെടുത്തപ്പെട്ട ജമാഅത്തുദ്ദഅ്വ എന്ന പ്രബോധന-ജീവകാരുണ്യ സംഘടനയെയും പാ ക്‌ഭരണകൂടം നിരോധിക്കുകയും അതിന്റെ നൂറുകണക്കില്‍ പ്രവര്‍ത്തകരെ അറസ്റ്റ്‌ ചെയ്യുകയും അതിന്റെ നേതാവ്‌ ഹാഫിസ്‌ മുഹമ്മദ്‌ സഈദിനെ വീട്ടുതടങ്കലിലാക്കുകയും ചെയ്‌തിട്ടുണ്ടത്രെ.

ഈ നടപടികള്‍ തന്നെ പാക്‌ പ്രതിപക്ഷത്തിന്റെ കടുത്ത എതിര്‍പ്പിന്‌ വിധേയമായിട്ടുമുണ്ട്‌. ജമാഅത്തുദ്ദഅ്വയെ നിരോധിച്ച നടപടിയെ ശക്തിയായി എതിര്‍ത്തത്‌ അവിടത്തെ മുസ്‌ലിം സംഘടനകള്‍ മാത്രമല്ല. സിന്ധിലെ ഹൈദരാബാദില്‍ ഒട്ടേറെ ഹിന്ദുസ്‌ത്രീകളും ഇതിനെതിരെ പ്രക്ഷോഭവുമായി രംഗത്തിറങ്ങുകയുണ്ടായി. ഹിന്ദുക്കളായിട്ടും തങ്ങള്‍ക്ക്‌ ഭക്ഷണവും കുടിനീരും എത്തിച്ചുതരുന്ന ജമാഅത്തുദ്ദഅ്വയെ നിരോധിച്ച നടപടി മനുഷ്യത്വവിരുദ്ധമാണെന്നത്രെ അവിടെ തെരിവിലിറങ്ങിയ ഹിന്ദു സ്‌ത്രീകള്‍ വിളിച്ചുപറഞ്ഞത്‌. ഈ പ്രകടനത്തിന്റെ ഫോട്ടോ 29-12-08ലെ ഔട്ട്‌ലൂക്ക്‌ വാരിക പ്രസിദ്ധീകരിച്ചിട്ടുണ്ട്‌. ജമാഅത്തുദ്ദ അ്വയെ ന്യായീകരിക്കാന്‍ വേണ്ടിയല്ല ഇതെഴുതുന്നത്‌. അവരുടെ കര്‍മപരിപാടികളില്‍ ന്യായമായതും അന്യായമായതും ഉണ്ടാകും. ഇന്ത്യയിലെ എല്ലാ മതക്കാരുടെ ഇടയിലുമുണ്ടാകും മാനുഷിക സേവനങ്ങ ളും വിദ്രോഹപ്രവര്‍ത്തനങ്ങളും കൂട്ടിക്കലര്‍ത്തുന്നവര്‍. ഇതുതന്നെയായിരിക്കാം പാകിസ്‌താനിലെയും അവസ്ഥ. ഇങ്ങനെയുള്ളവരെയൊക്കെ നിയമനടപടികള്‍ക്ക്‌ വിധേയരാക്കി ശിക്ഷിക്കുക എന്നത്‌ അത്യന്തം പ്രയാസകരമായിരിക്കും.

ഇത്തരക്കാര്‍ക്ക്‌ രാജ്യാന്തര ഭീകരപ്രവര്‍ത്തനവുമായി ബന്ധമുണ്ടെന്ന്‌ ആക്ഷേപമുയരുമ്പോള്‍ ബന്ധപ്പെട്ട രാഷ്‌ട്രങ്ങള്‍ക്ക്‌ അത്‌ വലിയ തലവേദനയായി പരിണമിക്കുന്നു. ആക്രമണത്തിന്‌ ഇരയായ രാഷ്‌ട്രത്തിന്‌ നഷ്‌ടപരിഹാരവും, ഭാവിയില്‍ സുരക്ഷയെ സംബന്ധിച്ച ഉറപ്പും ലഭിക്കുക എന്ന ന്യായമായ ആവശ്യം സാധിച്ചുകിട്ടാന്‍ വിട്ടുവീഴ്‌ചയില്ലാത്ത നിലപാടുകള്‍ സ്വീകരിക്കേണ്ടിവരുക സ്വാഭാവികമാണെങ്കിലും നിലവിലുള്ള സാഹചര്യത്തില്‍ കൂടുതല്‍ ഫലപ്രദമായ നയതന്ത്രമാര്‍ഗങ്ങള്‍ ആരായുക മാത്രമാണ്‌ ആശ്വാസ്യമായിട്ടുള്ളത്‌. ഇന്ത്യയോടും പാകിസ്‌താനോടും സൗഹൃദബന്ധം പുലര്‍ത്തുന്ന ദുഷ്‌ടലാക്കുകളില്ലാത്ത രാഷ്‌ട്രങ്ങള്‍ക്ക്‌ ഇരുരാഷ്‌ട്രങ്ങളെയും ഗ്രസിക്കുന്ന ഭീകരതയെ തളയ്‌ക്കുന്നതോടൊപ്പം നിലവിലുള്ള പ്രശ്‌നങ്ങള്‍ക്ക്‌ പരിഹാരം കണ്ടെത്തുകയും ചെയ്യുന്നതില്‍ ക്രിയാത്മകമായി സഹകരിക്കാന്‍ സാധിച്ചേക്കും.

ദാറുല്‍ഇസ്‌ലാം ദാറുല്‍കുഫ്ര്‍, ദാറുല്‍ഹര്‍ബ്‌

2009-01-27T16:59:00.001+05:30

ഖുര്‍ആനും ഹദീസും കഴിഞ്ഞാല്‍ ഇസ്‌ലാമിക നിയമത്തിന്റെ അടിസ്ഥാന രേഖകളായി ഇന്ന്‌ ഏറ്റവും കൂടുതല്‍ പരിഗണിക്കുന്നത്‌ ഫിഖ്‌ഹ്‌ (കര്‍മശാസ്‌ത്ര ഗ്രന്ഥങ്ങള്‍) ആണ്‌. വിശ്വാസം ദൈവത്തിനു മുന്നില്‍ പ്രകടിപ്പിക്കുന്നതിന്‌ മാനവസമൂഹം സ്വീകരിക്കുന്ന മാര്‍ഗങ്ങളെക്കുറിച്ചുള്ള വിശദീകരണമാണ്‌ ഫിഖ്‌ഹ്‌. പ്രവാചകന്റെയും അനുചരന്മാരുടെയും ജീവിതകാലത്തിനും ദശാബ്‌ദങ്ങള്‍ക്കുശേഷം, ഏതാണ്ട്‌ അബ്ബാസിയ ഖിലാഫത്തിന്റെ കാലഘട്ടത്തിലാണ്‌ കര്‍മശാസ്‌ത്ര രീതികളുടെ ക്രോഡീകരണം നടന്നത്‌. ഖുര്‍ആനിലെയും ഹദീസിലെയും നിര്‍ദേശങ്ങള്‍ക്കു പുറമെ അക്കാലഘട്ടത്തിലെ പണ്ഡിതന്മാര്‍ വികസിപ്പിച്ചെടുത്ത ചില തത്വങ്ങളും ഇവയില്‍ ഉള്‍ച്ചേര്‍ത്തിരുന്നു.ഈ പണ്ഡിതന്മാര്‍ തന്നെയാണ്‌ കര്‍മശാസ്‌ത്ര രീതികള്‍ക്കിടയില്‍ ദാറുല്‍ഇസ്‌ലാം (വിശ്വാസത്തിന്റെ ഭവനം), ദാറുല്‍കുഫ്രര്‍ (ഈശ്വരനിന്ദയുടെ ഭവനം), ദാറുല്‍ഹര്‍ബ്‌ (യുദ്ധത്തിന്റെ ഭവനം) എന്നീ വിഭജനങ്ങള്‍ നടത്തിയതും. ഓരോ ഭവനങ്ങള്‍ക്കുള്ളിലും മറ്റ്‌ നിരവധി ഉപഭവനങ്ങള്‍ക്കും കര്‍മശാസ്‌ത്രപണ്ഡിതര്‍ രൂപംനല്‌കിയിട്ടുണ്ട്‌. അബ്ബാസിയ കാലഘട്ടത്തിലാണ്‌ കര്‍മശാസ്‌ത്രപണ്ഡിതര്‍ ഈ സങ്കേതത്തിന്‌ രൂപംനല്‌കിയതെന്ന്‌ പറഞ്ഞുവല്ലോ. പിന്നീടുള്ള കാലഘട്ടങ്ങളില്‍ കര്‍മശാസ്‌ത്രരീതി സംബന്ധിച്ച ആധികാരിക രേഖകളായാണ്‌ ഇത്‌ പരിഗണിക്കപ്പെട്ടുവരുന്നത്‌.

ലേഖനം പൂര്‍ണമായി വായിക്കുക...

ചാവേറുകളും ഹൂറികളും

2009-01-22T21:35:00.001+05:30

ചെറിയമുണ്ടം അബ്‌ദുല്‍ഹമീദ്‌

മുംബൈ ഭീകരാക്രമണത്തിനിടയില്‍ പിടിയിലായ മുഹമ്മദ്‌ അജ്‌മല്‍ ആമിര്‍ കസബ്‌ എന്ന ഭീകരന്‌ ഒരു അഭിഭാഷകന്റെ സേവനം ലഭ്യമാക്കേണ്ടതുണ്ടോ എന്നത്‌ സംബന്ധിച്ച്‌ ദേശീയ തലത്തില്‍ അറിയപ്പെടുന്ന പ്രഗത്ഭരായ നിയമജ്ഞരുടെ ഒരു ചര്‍ച്ച ഇയ്യിടെ ഒരു പ്രമുഖ ഇംഗ്ലീഷ്‌ വാരിക പ്രസിദ്ധീകരിച്ചിരുന്നു. ചര്‍ച്ചയില്‍ പങ്കെടുത്ത ഒരു പ്രശസ്‌ത നിയമജ്ഞന്‍ തന്റെ ലേഖനത്തിന്‌ നല്‌കിയ തലക്കെട്ട്‌ ‘നമ്മുടെ ജയിലുകള്‍ക്കുള്ളില്‍ ഹൂറികള്‍ ഇല്ല’ എന്നര്‍ഥം വരുന്നതാണ്‌. അജ്‌മല്‍ കസബിന്‌ വേണ്ടി കേസ്‌ വാദിക്കാന്‍ മുന്നോട്ടുവന്ന നാല്‌ അഭിഭാഷകര്‍ ശിവസേനക്കാരുടെ ഭീഷണി നേരിടുകയും, ബോംബെ മെട്രോ പൊളിറ്റന്‍ മജിസ്‌ട്രേറ്റ്‌ കോടതി ബാര്‍ അസോസിയേഷന്‍ അതിലെ മെമ്പര്‍മാരാരും ഈ ഭീകരാക്രമണത്തിലെ പ്രതികള്‍ക്കു വേണ്ടി കേസ്‌ വാദിക്കുകയില്ലെന്ന്‌ പ്രമേയം പാസ്സാക്കുകയും ചെയ്‌തതിനെതിരില്‍ പ്രതികരിച്ചുകൊണ്ട്‌ പ്രശസ്‌ത നിയമജ്ഞന്‍ എഴുതിയ ലേഖനത്തിന്‌ ഇങ്ങനെയൊരു തലക്കെട്ട്‌ നല്‌കിയതിന്റെ കാരണം അവസാനത്തെ ഖണ്ഡികയിലെത്തിയപ്പോള്‍ മാത്രമേ മനസ്സിലായുള്ളൂ.

ഹൈദരാബാദിലെ റസാക്കര്‍മാര്‍ക്കും ശൈഖ്‌ അബ്‌ദുല്ലയ്‌ക്കും അദ്ദേഹത്തോടൊപ്പം രാജ്യദ്രോഹക്കുറ്റം ആരോപിക്കപ്പെട്ടവര്‍ക്കും മഹാത്മാഗാന്ധിയുടെയും ഇന്ദിരാഗാന്ധിയുടെയും ഘാതകര്‍ക്കും അഭിഭാഷകരുടെ സേവനം ലഭ്യമായിരുന്നുവെന്നും, ഇത്തരക്കാര്‍ക്കു വേണ്ടി കേസ്‌ വാദിക്കുന്നത്‌ തങ്ങളുടെ സല്‍പേരിന്‌ കളങ്കമേല്‌പിക്കുമെന്ന്‌ അഭിഭാഷകരാരും കരുതിയിരുന്നില്ലെന്നും സമര്‍ഥിക്കുന്ന പ്രശസ്‌ത നിയമജ്ഞന്റെ ഒട്ടൊക്കെ ന്യായയുക്തമായ ലേഖനം സമാപിക്കുന്നത്‌ ഇപ്രകാരമാണ്‌:
“ഞാനൊരു ന്യായാധിപനായിരുന്നെങ്കില്‍ ഞാന്‍ കസബിന്‌ വധശിക്ഷ നല്‌കുകയില്ല. കാരണം ഒരു ഇന്ത്യന്‍ ജയിലിലെ നരകത്തില്‍ വെച്ച്‌ മാത്രമേ അയാള്‍ക്ക്‌ ബോധ്യപ്പെടുകയുള്ളൂ; മുല്ലമാര്‍ തന്നോട്‌ പറഞ്ഞത്‌ അവാസ്‌തവമാണെന്ന്‌. ദൈവം തന്റെ സ്വര്‍ഗത്തില്‍ അയാള്‍ക്ക്‌ സ്ഥലം അനുവദിക്കാന്‍ ഇടയില്ല. അങ്ങനെയൊരു സ്വര്‍ഗം തന്നെ ഉണ്ടാകാന്‍ മിക്കവാറും സാധ്യതയില്ല താനും. തന്റെ പരേതരായ ഒമ്പതു കൂട്ടുകാരും അവരുടെ ദു:ഖകരമായ പര്യവസാനത്തെക്കുറിച്ച്‌ അയാളുമായി ആശയവിനിമയം നടത്തുകയുമില്ല. ഇന്ത്യന്‍ ജയിലിലെ ദീര്‍ഘകാല വാസം അയാളില്‍ കുത്തിവെക്കപ്പെട്ട അന്ധവിശ്വാസങ്ങളുടെയും മിഥ്യാധാരണകളുടെയും വിഷം നീക്കിക്കളയാന്‍ പര്യാപ്‌തമായിരിക്കും.” ജനത്തിരക്കുള്ള സ്ഥലങ്ങളില്‍ ചെന്ന്‌ ചാവേറായി പൊട്ടിത്തെറിക്കുകയോ കാണുന്നവരെയൊക്കെ വെടിവെച്ച്‌ വീഴ്‌ത്തുന്നതിനിടയില്‍ കൊല്ലപ്പെടുകയോ ചെയ്‌താല്‍ രക്തസാക്ഷിത്വം എന്ന പദവി ലഭിക്കുമെന്നും നേരിട്ട്‌ സ്വര്‍ഗത്തിലെത്തുമെന്നും അവിടെ ഹൂറിമാര്‍ എന്ന സുന്ദരിമാരുടെ ഒരു സംഘം സുഖിപ്പിക്കാന്‍ ഉണ്ടാകുമെന്നുമാണ്‌ മുല്ലമാര്‍/മതപണ്ഡിതന്മാര്‍ ചെറുപ്പക്കാരെ പഠിപ്പിക്കുന്നത്‌ എന്നത്രെ ഈ നിയമജ്ഞനെപ്പോലുള്ള വിദ്യാസമ്പന്നരായ ധാരാളം അമുസ്‌ലിംകളുടെ മനസ്സുകളില്‍ രൂഢമൂലമായിട്ടുള്ള ധാരണ. മുസ്‌ലിംകളെക്കുറിച്ച്‌, വിശിഷ്യാ മതം പഠിപ്പിക്കുകയും പ്രബോധനം നടത്തുകയും ചെയ്യുന്നവരെ സംബന്ധിച്ച്‌ ഇത്രയും മോശമായ ധാരണ അമുസ്‌ലിംകളുടെ മനസ്സില്‍ വേരുറയ്‌ക്കാന്‍ എന്താണ്‌ കാരണം? സയണിസ്റ്റുകള്‍, ക്രിസ്‌ത്യന്‍ മൗലികവാദികള്‍, സംഘപരിവാര്‍, യുക്തിവാദികള്‍ തുടങ്ങി ഇസ്‌ലാം വിരുദ്ധപ്രചാരണം മുഖ്യപരിപാടിയായി ഏറ്റെടുത്ത വിഭാഗങ്ങളും പാശ്ചാത്യ സംസ്‌കാരത്തിന്റെ സ്വാധീനവലയത്തിലമര്‍ന്ന മാധ്യമങ്ങളും സൃഷ്‌ടിക്കുന്ന തെറ്റിധാരണകളും മുന്‍വിധികളും മുസ്‌ലിം സമൂഹത്തെ അപഖ്യാതിയുടെ കരിനിഴലിലാക്കിയിട്ടുണ്ട്‌ എന്നതില്‍ സംശയമില്ല. ഖണ്ഡനം കൊണ്ടോ ഭര്‍ത്സനം കൊണ്ടോ ഇതിനൊക്കെ മാറ്റം വരുത്തുക ക്ഷിപ്രസാധ്യമല്ല എന്നതും അവിതര്‍ക്കിതമത്രെ.
എന്നാല്‍ മുസ്‌ലിംകള്‍ ചെയ്യേണ്ടതും അവര്‍ക്ക്‌ ചെയ്യാവുന്നതും തങ്ങളുടെ നിലപാടുകളും നടപടികളും ഇസ്‌ലാമിന്‌ അപഖ്യാതിയുണ്ടാക്കുന്നുണ്ടോ എന്ന്‌ ആത്മപരിശോധന നടത്തുകയാണ്‌. പലതരം അക്രമപ്രവര്‍ത്തനങ്ങളിലും അധാര്‍മിക വൃത്തികളിലും ഏര്‍പ്പെടുന്നവര്‍ മറ്റെല്ലാ സമൂഹങ്ങളിലും ഉള്ളതുപോലെ മുസ്‌ലിം സമൂഹത്തിലും ഉണ്ടാകും. സംസ്‌കരണശ്രമങ്ങള്‍ എത്ര നടത്തിയാലും ഇതിനൊക്കെ ഒരളവോളം മാറ്റമുണ്ടാക്കാനേ കഴിയൂ. ഇസ്‌ലാം വിമര്‍ശകര്‍ പൊക്കിക്കാണിക്കുന്നത്‌ മുസ്‌ലിം ബഹുജനങ്ങളുടെ ദുര്‍വൃത്തികളെയല്ല. ഇസ്‌ലാമിക പ്രതിബദ്ധത അവകാശപ്പെടുകയും സമൂഹത്തെ ആദര്‍ശവത്‌കരിക്കുന്നതിനെക്കുറിച്ച്‌ വാചാലരാവുകയും ചെയ്യുന്നവരുടെ തീവ്രതയും അതിക്രമങ്ങളുമാണ്‌ ചര്‍ച്ചകളെ ഹൂറികളിലോളം എത്തിക്കുന്നത്‌.

മുഹമ്മദ്‌ നബി(സ) എപ്പോഴും ചിന്തിച്ചിരുന്നത്‌ മനുഷ്യരുടെ ഇഹപര നന്മയെക്കുറിച്ചായിരുന്നു. താന്‍ പരമാവധി ശ്രമിച്ചിട്ടും ജനങ്ങള്‍ നരകത്തിന്റെ വഴിയിലേക്ക്‌, തീജ്വാലയിലേക്ക്‌ ഇയ്യാംപാറ്റകളെന്നോണം കുതിച്ചോടുന്നതിലുള്ള വ്യാകുലത അദ്ദേഹം വിശ്വാസികളുമായി പങ്കുവെച്ചിട്ടുണ്ട്‌. അദ്ദേഹത്തിന്റെ ദൗത്യത്തെക്കുറിച്ച്‌ ഒരു ഖുര്‍ആന്‍ സൂക്തത്തില്‍ പറയുന്നത്‌ ഇപ്രകാരമാണ്‌: ``അവരോട്‌ അദ്ദേഹം സദാചാരം കല്‌പിക്കുകയും ദുരാചാരത്തില്‍ നിന്ന്‌ അവരെ വിലക്കുകയും ചെയ്യുന്നു. നല്ല വസ്‌തുക്കള്‍ അവര്‍ക്ക്‌ അദ്ദേഹം അനുവദനീയമാക്കുകയും ചീത്ത വസ്‌തുക്കള്‍ അവരുടെ മേല്‍ നിഷിദ്ധമാക്കുകയും ചെയ്യുന്നു. അവരുടെ ഭാരങ്ങളും അവരുടെ മേലുണ്ടായിരുന്ന വിലക്കുകളും അദ്ദേഹം ഇറക്കിവെക്കുകയും ചെയ്യുന്നു''(7:157).

അറിയപ്പെട്ടത്‌ അഥവാ പരിചിതമായത്‌ എന്നര്‍ഥമുള്ള മഅ്‌റൂഫ്‌ എന്ന പദമാണ്‌ ഈ സൂക്തത്തില്‍ സദാചാരത്തെ കുറിക്കാന്‍ പ്രയോഗിച്ചിട്ടുള്ളത്‌. വെറുക്കപ്പെട്ടതെന്നോ അപരിചിതമെന്നോ അര്‍ഥമുള്ള മുന്‍കര്‍ എന്ന പദമാണ്‌ ദുരാചാരത്തെ കുറിക്കാന്‍ ഉപയോഗിച്ചിട്ടുള്ളത്‌. സന്മനസ്സുള്ള മനുഷ്യര്‍ക്കെല്ലാം നല്ലതെന്ന്‌ ബോധ്യംവരുന്ന കാര്യങ്ങളാണ്‌ നബി(സ) കല്‌പിച്ചതെന്നും, വിവേകമുള്ള മനുഷ്യര്‍ക്ക്‌ അരോചകവും അപരിചിതമായി അനുഭവപ്പെടുന്ന കാര്യങ്ങളാണ്‌ അദ്ദേഹം വിലക്കിയതെന്നും ഈ സൂക്തം സൂചിപ്പിക്കുന്നു. തന്റെ അധ്യാപനങ്ങള്‍ യഥാര്‍ഥ നന്മയ്‌ക്ക്‌ പ്രേരിപ്പിക്കുന്നതും തിന്മകളില്‍ നിന്ന്‌ പിന്തിരിപ്പിക്കുന്നതുമായിട്ടും പലരും അത്‌ വിശ്വസിക്കാതിരുന്നതിന്റെ പേരിലാണ്‌ നബി(സ)ക്ക്‌ ഏറെ ദു:ഖം തോന്നിയത്‌.

“അതിനാല്‍ ഈ സന്ദേശത്തില്‍ അവര്‍ വിശ്വസിച്ചില്ലെങ്കില്‍ അവര്‍ പിന്തിരിഞ്ഞുപോയതിനെത്തുടര്‍ന്ന്‌ (അതിലുള്ള) ദു:ഖത്താല്‍ നീ ജീവനൊടുക്കുന്നവനായേക്കാം.” (വി.ഖു 18:6)

“എന്നാല്‍ തന്റെ ദുഷ്‌പ്രവൃത്തികള്‍ അലംകൃതമായി തോന്നിക്കപ്പെടുകയും അങ്ങനെ അത്‌ നല്ലതായി കാണുകയും ചെയ്‌തവന്റെ കാര്യമോ? അല്ലാഹു താന്‍ ഉദ്ദേശിക്കുന്നവരെ വഴിപിഴപ്പിക്കുകയും താന്‍ ഉദ്ദേശിക്കുന്നവരെ നേര്‍വഴിയിലാക്കുകയും ചെയ്യുന്നതാണ്‌. അതിനാല്‍ അവരെപ്പറ്റിയുള്ള കൊടും ഖേദം നിമിത്തം നിന്റെ പ്രാണന്‍ പോകാതിരിക്കട്ടെ. തീര്‍ച്ചയായും അല്ലാഹു അവര്‍ പ്രവര്‍ത്തിക്കുന്നതിനെപ്പറ്റി അറിവുള്ളവനാകുന്നു.”(വി.ഖു 35:9)

ജനങ്ങളോടുള്ള ഗുണകാംക്ഷയും അവര്‍ നല്ല ആദര്‍ശവും നല്ല ചര്യയും സ്വീകരിച്ചു കാണാനുള്ള അതിയായ ആഗ്രഹവും നിമിത്തമാണ്‌ അവരുടെ വിപരീത നിലപാടില്‍ നബി(സ)ക്ക്‌ കൊടും ഖേദമുണ്ടായത്‌. എന്നിട്ടും അവരോട്‌ അദ്ദേഹത്തിന്‌ വെറുപ്പോ വിദ്വേഷമോ ഉണ്ടായിരുന്നില്ല. അദ്ദേഹത്തിന്റെ മനസ്സില്‍ എന്നും കാരുണ്യവും കനിവുമാണ്‌ നിറഞ്ഞുനിന്നിരുന്നത്‌. ദൈവികമായ കാരുണ്യത്തിന്റെ പ്രതിഫലനം കൂടിയായിരുന്നു അത്‌.

“(നബിയേ), അല്ലാവിങ്കല്‍ നിന്നുള്ള കാരുണ്യം കൊണ്ടാണ്‌ നീ അവരോട്‌ സൗമ്യമായി പെരുമാറിയത്‌. നീ ഒരു പരുഷ സ്വഭാവിയും കഠിന ഹൃദയനുമായിരുന്നെങ്കില്‍ നിന്റെ ചുറ്റില്‍ നിന്നും അവര്‍ പിരിഞ്ഞുപോയിക്കളയുമായിരുന്നു. ആകയാല്‍ നീ അവര്‍ക്ക്‌ മാപ്പ്‌ കൊടുക്കുകയും അവര്‍ക്കുവേണ്ടി പാപമോചനം തേടുകയും ചെയ്യുക. കാര്യങ്ങളില്‍ നീ അവരോട്‌ കൂടിയാലോചിക്കുകയും ചെയ്യുക. അങ്ങനെ നീ ഒരു തീരുമാനമെടുത്തു കഴിഞ്ഞാല്‍ അല്ലാഹുവില്‍ ഭരമേല്‌പിക്കുക. (തന്നില്‍) ഭരമേല്‌പിക്കുന്നവരെ തീര്‍ച്ചയായും അല്ലാഹു ഇഷ്‌ടപ്പെടുന്നതാണ്‌.” (വി.ഖു 3:159)

“സത്യവിശ്വാസികളേ, നിങ്ങള്‍ അല്ലാഹുവിനു വേണ്ടി നിലകൊള്ളുന്നവരും നീതിക്ക്‌ സാക്ഷ്യംവഹിക്കുന്നവരുമായിരിക്കുക. ഒരു ജനതയോടുള്ള അമര്‍ഷം നീതിക്ക്‌ വിരുദ്ധമായി പ്രവര്‍ത്തിക്കാന്‍ നിങ്ങള്‍ക്ക്‌ പ്രേകമാകരുത്‌. നിങ്ങള്‍ നീതി പാലിക്കുക. അതാണ്‌ ധര്‍മനിഷ്‌ഠയോട്‌ ഏറ്റവും അടുത്തത്‌. നിങ്ങള്‍ അല്ലാഹുവെ സൂക്ഷിക്കുക. തീര്‍ച്ചയായും നിങ്ങള്‍ പ്രവര്‍ത്തിക്കുന്നതിനെക്കുറിച്ചെല്ലാം സൂക്ഷ്‌മമായി അറിയുന്നവനാകുന്നു അല്ലാഹു.”(വി.ഖു 5:8)

ഈ ഖുര്‍ആനിക അധ്യാപനങ്ങളും പ്രവാചകചര്യയും മുറുകെ പിടിക്കുന്നവര്‍ക്ക്‌ മാര്‍ക്കറ്റുകളിലോ റെയില്‍വേ സ്റ്റേഷനുകളിലോ ചാവേര്‍ ആക്രമണം നടത്തി നിരപരാധികള്‍ക്ക്‌ നാശനഷ്‌ടങ്ങള്‍ വരുത്തുന്ന ഹീനകൃത്യത്തിലേര്‍പ്പെടാന്‍ യാതൊരു ന്യായവുമില്ല. അത്തരം ഹീനകൃത്യം അല്ലാഹുവും റസൂലും(സ) പഠിപ്പിച്ച ജിഹാദാവുകയില്ല. നിരപരാധികളെ കൊന്നൊടുക്കുന്നതോടൊപ്പം ആത്മഹത്യ എന്ന മഹാപാപവും കൂടി ചെയ്യുന്നവര്‍ നരകത്തിലാണ്‌ എത്തിച്ചേരുക. മരിക്കുന്നതോടെ ചാവേറുകള്‍ നേരെ സ്വര്‍ഗത്തിലെത്തുമെന്ന്‌ പ്രചരിപ്പിക്കുന്നവര്‍ സ്വര്‍ഗത്തെയും ഹൂറികളെയുമെല്ലാം പരിഹാസ്യമാക്കുകയാണ്‌ ചെയ്യുന്നത്‌.

ഗസ്സ നരഹത്യയില്‍ നമുക്കും പങ്കുണ്ട്

2009-01-22T17:06:00.001+05:30

മുജീബുര്‍റഹ്മാന്‍ കിനാലൂര്‍ -

മനുഷ്യത്വത്തിന്റെ എല്ലാ അടയാളങ്ങളും വറ്റിയ ഇസ്‌റാഈല്‍ പട്ടാളത്തിന്റെ രാക്ഷസീയ താണ്ഡവം ഗസ്സയില്‍ തുടരുകയാണ്‌. ഇതെഴുതുമ്പോള്‍ മരണ നിരക്ക്‌ ആയിരത്തിനടുത്ത്‌ വരും. അതിലേറെയും കുട്ടികളും സ്‌ത്രീകളും. കൊല്ലപ്പെട്ടവരുടെ രണ്ടിരട്ടി ഗുരുതരമായ പരിക്കേറ്റ്‌ ആശുപത്രികളില്‍ കഴിയുന്നു. ആശുപത്രികള്‍ ജനസാന്ദ്രമാണെങ്കിലും അവിടെ രക്ഷാപ്രവര്‍ത്തകരില്ല. അവശ്യ മരുന്നും ചികിത്സാ സൗകര്യങ്ങളുമില്ല. വൈദ്യുതിയോ കുടിവെള്ളം പോലുമോ ഇല്ല. റെഡ്‌ക്രോസ്സും യു എന്നിന്റെ വളണ്ടിയര്‍മാരും സഹായപ്രവര്‍ത്തനം നിര്‍ത്തിവെച്ചിരിക്കയാണ്‌. ദുരിതാശ്വാസ പ്രവര്‍ത്തകര്‍ നിരന്തരം കൊല്ലപ്പെട്ട സാഹചര്യത്തിലാണവര്‍ സേവനം മതിയാക്കാന്‍ നിര്‍ബന്ധിതമായത്‌.

ക്രൂരമായ നരമേധം

ഗസ്സയില്‍ അഭയാര്‍ഥികളെപ്പോലെ ദുരിതംപേറി കഴിയുന്ന ഫലസ്‌തീനികളെ വംശഹത്യ ചെയ്യുകയാണ്‌ ഇസ്‌റാഈലി ആക്രമണത്തിന്റെ ലക്ഷ്യം. പതിനഞ്ച്‌ ലക്ഷം വരുന്ന ജനസംഖ്യയില്‍ ബഹുഭൂരിപക്ഷം വരുന്ന കുട്ടികളെയും യുവാക്കളെയും കൊന്നു തള്ളി ജൂതരാഷ്‌ട്രത്തിന്റെ `രക്തശുദ്ധി' വരുത്തുകയാവുമവര്‍. അതുകൊണ്ട്‌ ഫലസ്‌ത്വീന്‍ വേട്ടയില്‍ ആര്‍ദ്രതയുടെ തരിമ്പും വന്നുപോകരുതെന്ന്‌ ഇസ്‌റാഈലി പട്ടാളത്തിന്‌ നിര്‍ബന്ധമുണ്ട്‌. സര്‍വകലാശാലകള്‍ക്കും സ്‌കൂളുകള്‍ക്കും അഭയാര്‍ഥികളുടെ ടെന്റുകള്‍ക്കും നേരെ ഉന്നംതെറ്റാതെ മിസൈലുകള്‍ പതിച്ചുകൊണ്ടിരിക്കുമ്പോള്‍ നാം മറ്റെന്താണ്‌ ഊഹിക്കേണ്ടത്‌. ജനുവരി മൂന്നിന്‌ ഗസ്സയില്‍ കരയുദ്ധം ആരംഭിച്ചപ്പോള്‍ ഇസ്‌റാഈല്‍ പ്രതിരോധ മന്ത്രി യഹൂദ്‌ ബറാക്‌ പറഞ്ഞു: “ഇനി ഗസ്സ മുനമ്പില്‍ അതിശയങ്ങള്‍ നിറയും.”

ജനുവരി മൂന്നിന്‌ ഇസ്‌റാഈല്‍ കരസേനയുടെ ഒരു ബറ്റാലിയന്‍ സൈത്തൂന്‍ നഗരത്തിലെ ഒരു സെറ്റില്‍മെന്റില്‍ ഭയചകിതരായ ഫലസ്‌ത്വീനി കുടുംബങ്ങളോട്‌ തൊട്ടടുത്തുള്ള ഒരു സ്‌കൂള്‍ കെട്ടിടത്തില്‍ കയറി രക്ഷപ്പെട്ടുകൊള്ളാന്‍ പറഞ്ഞു. കുടുംബങ്ങള്‍ അതനുസരിച്ചു. അടുത്ത ദിവസം, ആ കെട്ടിടത്തിനകത്ത്‌ ഇസ്‌റാഈല്‍ പട്ടാളത്തിന്റെ ബോംബേറില്‍ പിടഞ്ഞു മരിച്ച അമ്പതോളം വരുന്ന കുട്ടികളുടെയും സ്‌ത്രീകളുടെയും ജഡങ്ങളാണ്‌ കണ്ടെടുത്തത്‌. ഇതാണോ യഹൂദ്‌ ബറാക്‌ പറഞ്ഞ അതിശയം?! ഐക്യരാഷ്‌ട്രസഭയ്‌ക്കു കീഴില്‍ നടന്നുവരുന്ന ജബലിയ്യയിലെ അല്‍ഫല്ലൂജ സ്‌കൂളിലും ഗസ്സ എലിമെന്ററി സ്‌കൂളിലും ഇസ്‌റാഈല്‍ ഉഗ്ര പ്രഹരശേഷിയുള്ള ബോംബിട്ടപ്പോള്‍ കൊല്ലപ്പെട്ടത്‌ 45 പേരാണ്‌. യുദ്ധത്തിന്റെ ആദ്യനാളുകളില്‍ ഉപയോഗിച്ച അമേരിക്കന്‍ നിര്‍മിത എഫ്‌ -16, എഫ്‌ -18 യുദ്ധവിമാനങ്ങള്‍ മൂന്നു മിനിട്ടിനകം അന്‍പത്‌ സ്ഥലത്താണ്‌ ആക്രമണം നടത്തിയത്‌. ഒറ്റയടിക്ക്‌ ചിതറിത്തെറിച്ചത്‌ 276 ഫലസ്‌തീനികള്‍.

അമേരിക്ക ഇറാഖിലും 2006ല്‍ ഇസ്‌റാഈല്‍ ലബനാന്‍ യുദ്ധത്തിനിടയിലും ഉപയോഗിച്ച പോലെ, ഇസ്‌റാഈല്‍ ഗസ്സയിലും രാസാക്രമണം നടത്തിയിട്ടുണ്ടെന്ന്‌ യു എന്‍ രക്ഷാപ്രവര്‍ത്തകര്‍ പ്രസ്‌താവിച്ചിരിക്കുന്നു. നിരോധിത രാസവസ്‌തുക്കളായ വെള്ള ഫോസ്‌ഫറസ്‌ ഷെല്ലുകളും ഡിപ്ലീറ്റഡ്‌ യുറേനിയവും ഗസ്സയില്‍ പ്രയോഗിച്ചിരിക്കുന്നു. ഈ മാരകവസ്‌തുക്കള്‍ രോഗപ്രതിരോധ ശേഷി തകര്‍ക്കുകയും ഡി എന്‍ എയില്‍ മാറ്റംവരുത്തുകയും ചെയ്യും. കരള്‍, പ്ലീഹ, വൃക്ക തുടങ്ങിയ ആന്തരാവയവങ്ങളെ ശാശ്വതമായി അപകടപ്പെടുത്തുകയും കാന്‍സര്‍ ഉള്‍പ്പെടെയുള്ള രോഗങ്ങള്‍ വരുത്തുകയും ചെയ്യുന്നതാണ്‌ ഈ രാസവസ്‌തുക്കള്‍. റേഡിയോ വികിരണത്തിന്‌ കാരണമാകുന്ന ഇത്തരം രാസായുധങ്ങളുടെ പ്രയോഗം ജനീവനിയമങ്ങളുടെ നഗ്നമായ ലംഘനമാണ്‌. എല്ലാ യുദ്ധനിയമങ്ങളും മാനവികമൂല്യങ്ങളും പരസ്യമായി ലംഘിച്ച്‌ ലോകത്തെ `അതിശയിപ്പിക്കുക' തന്നെയാണ്‌ ഈ കൊടുംഭീകരര്‍.

ലോകസമൂഹത്തിന്റെ നിസ്സംഗത

ഭീകരമായ വിധം സയണിസ്റ്റുകള്‍ ഗസ്സ ചാമ്പലാക്കിക്കൊണ്ടിരിക്കുമ്പോഴും ലോകരാഷ്‌ട്രങ്ങളും ഐക്യരാഷ്‌ട്ര സഭയടക്കമുള്ള അന്താരാഷ്‌ട്രവേദികളും ഒന്നും ചെയ്യാനാവാതെ കാഴ്‌ചക്കാരാവുകയാണെന്നതാണ്‌ ഏറെ ഖേദകരം. യു എന്‍ സെക്രട്ടറി ജനറല്‍ ബാന്‍ കീ മൂണ്‍ അക്രമം അവസാനിപ്പിക്കണമെന്ന്‌ പ്രസ്‌താവനയിറക്കിയെങ്കിലും അതാരും ഗൗനിച്ചില്ല. ജനുവരി 9ന്‌ ഗസ്സയില്‍ എത്രയും വേഗം വെടിനിര്‍ത്തണമെന്ന്‌ ഐക്യരാഷ്‌ട്രസഭയുടെ രക്ഷാസമിതി പ്രമേയം പാസ്സാക്കി. എന്നാല്‍, അതിന്‌ ചെവികൊടുക്കാതെ തൊട്ടടുത്ത ദിനം അഞ്ഞൂറിലധികം ആക്രമണങ്ങളാണ്‌ ഇസ്‌റാഈല്‍ ഗസ്സയില്‍ നടത്തിയത്‌. ലിബിയ അടക്കമുള്ള അറബ്‌ രാഷ്‌ട്രങ്ങളുടെ സമ്മര്‍ദ ഫലമായാണ്‌ പ്രമേയം അവതരിപ്പിക്കപ്പെട്ടത്‌. ഐകകണ്‌ഠ്യേന പാസ്സാക്കാന്‍ ലക്ഷ്യമിട്ട പ്രമേയത്തില്‍ നിന്ന്‌ പക്ഷെ, ഇസ്‌റാഈലിന്റെ ദത്തച്ഛന്‍ അമേരിക്ക മാറിനിന്നു. യുദ്ധമാരംഭിച്ചതു മുതല്‍ ഇസ്‌റാഈലിന്‌ എല്ലാവിധ ഒത്താശകളും ചെയ്‌തുകൊടുത്ത അമേരിക്ക, വീറ്റോ അധികാരമുപയോഗിച്ച്‌ ഫലസ്‌ത്വീന്‍ കൂട്ടക്കൊലക്ക്‌ അവസരമൊരുക്കുകയാണ്‌ ചെയ്‌തത്‌.

സാക്ഷാല്‍ കുറ്റവാളി അമേരിക്ക

ആഗോള സാമ്രാജ്യത്വശക്തിയായ അമേരിക്കയുടെ പിന്തുണ കൊണ്ട്‌ മാത്രമാണ്‌ ഇസ്‌റാഈലിന്‌ ഈ കൊടുംക്രൂരതകള്‍ ചെയ്യാനാവുന്നത്‌. അല്ലായിരുന്നുവെങ്കില്‍ ഹോങ്കോങിനേക്കാള്‍ ജനസംഖ്യ കുറഞ്ഞ ഒരു കൊച്ചു ഭൂപ്രദേശത്തിന്‌ ലോകത്തെ വിറപ്പിക്കാനാവുമായിരുന്നില്ല. 1948ല്‍ ഫലസ്‌ത്വീന്‍ പകുത്ത്‌ ജൂതരാഷ്‌ട്രം സ്ഥാപിച്ചപ്പോള്‍, ഫലസ്‌ത്വീനിലെ ജൂത ജനസംഖ്യ അവിടത്തെ മൊത്തം ജനസംഖ്യയുടെ മൂന്നിലൊന്ന്‌ മാത്രമായിരുന്നു. പക്ഷെ, ഫലസ്‌തീന്‍ ഭൂമിയുടെ 53 ശതമാനവും അവര്‍ കൈവശപ്പെടുത്തി. പിന്നീട്‌ 1948 മെയ്‌ 15ന്‌ ആരംഭിച്ച അറബ്‌-ഇസ്‌റാഈല്‍ യുദ്ധത്തില്‍ ജറൂസലമിന്റെ പകുതിയും യഥാര്‍ഥ ഫലസ്‌തീന്റെ 78 ശതമാനവും കൈക്കലാക്കി. 7,50,000 ഫലസ്‌ത്വീനികളെ ആട്ടിയോടിച്ചു. തുടര്‍ന്നുണ്ടായ മൂന്നു യുദ്ധങ്ങളിലൂടെ വെസ്റ്റ്‌ ബാങ്കിന്റെയും ഗസ്സയുടെയും വലിയ പങ്ക്‌ അവര്‍ കീഴടക്കുകയായിരുന്നു.

അയല്‍ക്കാരായ അറബ്‌ രാജ്യങ്ങളെ ആക്രമിച്ചാല്‍ തങ്ങളുടെ സഹായം നല്‌കില്ലെന്ന്‌ 1967ല്‍ ഫ്രാന്‍സിന്റെ അന്നത്തെ പ്രസിഡന്റ്‌ ചാള്‍സ്‌ ഡീഗോര്‍ ഇസ്‌റാഈലിനെ അറിയിച്ചതിനെ തുടര്‍ന്നാണ്‌ യുറോപ്പുമായുള്ള ബന്ധം വിച്ഛേദിച്ച്‌ ഇസ്‌റാഈല്‍ അമേരിക്കയുമായുള്ള ചങ്ങാത്തം ആരംഭിക്കുന്നത്‌. ആ ബന്ധം അതിശക്തമായി വളരുകയായിരുന്നു. പാട്രിക്‌ സീല്‍ എഴുതിയ പോലെ, പട്ടി വാലാട്ടുന്നതിനു പകരം വാല്‍ പട്ടിയെ ആട്ടുന്ന സ്ഥിതിയിലേക്ക്‌ കാലക്രമത്തില്‍ ഈ ബാന്ധവം വളര്‍ച്ച പ്രാപിക്കുകയായിരുന്നു.

കലവറയില്ലാത്ത സഹായം

മറ്റൊരു രാജ്യത്തിനു വേണ്ടി അമേരിക്ക ചെലവാക്കുന്ന സഹായധനത്തിന്റെ പകുതിയിലധികവും ഇസ്‌റാഈലിനുവേണ്ടിയാണ്‌. അതായത്‌ ആഫ്രിക്കയിലെ സഹാറ മരൂഭൂമി പ്രദേശത്തെ രാജ്യങ്ങളിലും ലാറ്റിനമേരിക്കയിലെയും കരീബിയന്‍ പ്രദേശത്തെയും എല്ലാ രാജ്യങ്ങളിലും കൂടിയുള്ള 1,054,000,000 ജനങ്ങള്‍ക്കുവേണ്ടി ചെലവഴിക്കുന്നതിലുമധികം വെറും 5.8 ദശലക്ഷം ജനസംഖ്യയുള്ള ഇസ്‌റാഈലിനു വേണ്ടി അമേരിക്ക ചെലവഴിക്കുന്നു. 1997 സാമ്പത്തിക വര്‍ഷത്തില്‍ 3000 കോടി ഡോളര്‍ വിദേശ ധനസഹായമായും 525 ദശലക്ഷം മറ്റു സഹായമെന്ന ഇനത്തിലും 2000 കോടി ഡോളര്‍ ഫെഡറല്‍ വായ്‌പ ഗ്യാരണ്ടി ഇനത്തിലും ഇസ്‌റാഈല്‍ അമേരിക്കയില്‍ നിന്ന്‌ പറ്റിയിട്ടുണ്ട്‌. ആ വര്‍ഷം അമേരിക്ക ഇസ്‌റാഈലിന്‌ മൊത്തം 5500 കോടി ഡോളര്‍ സഹായിച്ചിട്ടുണ്ട്‌! അതായത്‌ പ്രതിദിനം 15,068,493 ഡോളര്‍ വീതം 365 ദിവസവും അമേരിക്ക ഇസ്‌റാഈലിന്‌ സാമ്പത്തിക സഹായം നല്‌കിയിട്ടുണ്ടെന്നര്‍ഥം. അമേരിക്കന്‍ ബജറ്റിന്റെ വിവിധ നീക്കിയിരുപ്പുകളില്‍ നിന്നും ഇസ്‌റാഈലിനു ലഭിച്ച ധനസഹായവും വായ്‌പകളും വിദേശസഹായവും എല്ലാം കൂടി കൂട്ടിയാല്‍ 1949നു ശേഷം കഴിഞ്ഞ വര്‍ഷം വരെ സുമാര്‍ 84.8 ബില്യണ്‍ ഡോളര്‍ അമേരിക്ക ഇസ്‌റാഈലിന്‌ നല്‌കിയിരിക്കുന്നു. കാലാവധി തീര്‍ന്ന 10,000 കോടി ഡോളറിന്റെ അമേരിക്കന്‍ സര്‍ക്കാര്‍ ഗ്യാരണ്ടി ഇതിനു പുറമെയാണ്‌. 1997 ഒക്‌ടോബര്‍ 31 വരെയുള്ള കണക്കുവെച്ച്‌ നോക്കിയാല്‍, ഒരു അമേരിക്കന്‍ നികുതിദായകന്‍ ഓരോ ഇസ്‌റാഈല്യനും വേണ്ടി 23,241 ഡോളര്‍ ചെലവാക്കുന്നു!

അമേരിക്കയിലെ സ്വകാര്യകോര്‍പ്പറേറ്റ്‌ കമ്പനികള്‍ ഇസ്‌റാഈലിനു നല്‌കുന്ന സംഭാവനയുടെ കണക്ക്‌ പൂര്‍ണമായും ലഭ്യമല്ല. അത്‌ അനേകം ശതകോടികള്‍ വരുമെന്ന കാര്യത്തില്‍ സംശയമില്ല. ഇസ്‌റാഈല്‍ പക്ഷപാതത്തിന്റെ പേരില്‍ അമേരിക്ക സഹിക്കുന്ന നഷ്‌ടംകൂടി ചേര്‍ത്തുവെക്കേണ്ടതുണ്ട്‌. ഉദാഹരണത്തിന്‌ 1973ലെ യുദ്ധത്തില്‍ ഇസ്‌റാഈലിനെ സഹായിച്ചതിന്റെ പേരില്‍ അറബ്‌ രാജ്യങ്ങള്‍ യു എസ്സിന്‌ എണ്ണ നല്‌കിയില്ല. കോടികളുടെ നഷ്‌ടമാണ്‌ ഇതുമൂലം അമേരിക്കയ്‌ക്കുണ്ടായത്‌. ഇസ്‌റാഈലിന്‌ കാവലായി മെഡിറ്ററേനിയന്‍ തീരത്ത്‌ നങ്കൂരമിട്ട അമേരിക്കയുടെ ആറാം കപ്പല്‍ പടയ്‌ക്കും മേഖലയിലെ വ്യോമസേനാവ്യൂഹത്തിനും കൂടി ചെലവിടുന്ന തുക ബഹുകോടികള്‍ വേറെയുണ്ട്‌. അമേരിക്കയുടെ മുന്‍ പ്രതിരോധ അണ്ടര്‍സെക്രട്ടറി റിപ്പോര്‍ട്ട്‌ ചെയ്‌തതനുസരിച്ച്‌ ഇസ്‌റാഈലിനെ പോറ്റാന്‍ അമേരിക്ക വര്‍ഷംപ്രതി 11,000 കോടി തുലയ്‌ക്കുന്നു. ഇപ്പോള്‍ ഈ സംഖ്യ അതിലുമെത്രയോ കൂടിയിരിക്കാനേ തരമുള്ളൂ.

അന്താരാഷ്‌ട്രവേദികളില്‍

ഗസ്സയില്‍ വെടിനിര്‍ത്തണമെന്നാവശ്യപ്പെടുന്ന പ്രമേയത്തില്‍ നിന്ന്‌ അമേരിക്ക വിട്ടുനില്‍ക്കുകയാണുണ്ടായതെന്ന്‌ നാം കണ്ടു. ഫലസ്‌തീന്‍ പ്രശ്‌നം ഐക്യരാഷ്‌ട്രസഭയുടെ വേദികളില്‍ വരുമ്പോഴൊക്കെ അമേരിക്ക കണ്ണടച്ച്‌ ഇസ്‌റാഈല്‍ പക്ഷപാതിത്വം പ്രകടിപ്പിച്ച ചരിത്രമേയുള്ളൂ. മനുഷ്യാവകാശതത്വങ്ങളും ഐക്യരാഷ്‌ട്രസഭയുടെ പ്രമേയങ്ങളും യുദ്ധനിയമങ്ങള്‍ സംബന്ധിച്ച നാലാം ജനീവ ചാര്‍ട്ടറിലെ തത്വങ്ങളുമെല്ലാം ചുരുട്ടിയെറിഞ്ഞ്‌ ഇസ്‌റാഈല്‍ നടത്തുന്ന അധിനിവേശ ശ്രമങ്ങളെ അമേരിക്ക തങ്ങളുടെ വീറ്റോ അധികാരമുപയോഗിച്ച്‌ നിരന്തരം പിന്തുണച്ചുപോരുന്നു. ഫലസ്‌തീനില്‍ ഇസ്‌റാഈല്‍ നടത്തുന്ന കടന്നുകയറ്റം അവസാനിപ്പിക്കണമെന്നാവശ്യപ്പെടുന്ന ഒരു പ്രമേയം കഴിഞ്ഞവര്‍ഷം യു എന്നിന്റെ രക്ഷാസമിതിയില്‍ അവതരിപ്പിക്കപ്പെട്ടപ്പോള്‍ അമേരിക്കയും മൈക്രോനേഷ്യയും മാത്രമാണ്‌ ഇസ്‌റാഈലിനൊപ്പം നിന്നത്‌. 185 അംഗരാഷ്‌ട്രങ്ങളില്‍ ബാക്കി മുഴുവന്‍ രാഷ്‌ട്രങ്ങളും ഒറ്റക്കെട്ടായിട്ടും അമേരിക്ക തന്റെ വത്സലപുത്രിയെ മാറോടണയ്‌ക്കാന്‍ മടിച്ചില്ല.

അമേരിക്കയിലെ ജൂതലോബി

അമേരിക്കന്‍ ജനതയുടെ അഭിപ്രായരൂപീകരണവും ഭരണകൂടത്തിന്റെ നയരൂപീകരണവും ഇസ്‌റാഈലിന്‌ അനുകൂലമാക്കിത്തീര്‍ക്കുക എന്ന ലക്ഷ്യത്തോടെ അമേരിക്കയില്‍ വ്യവസ്ഥാപിതമായി ഇസ്‌റാഈല്‍ ലോബികള്‍ പ്രവര്‍ത്തിച്ചുവരുന്നുണ്ട്‌. അമേരിക്കന്‍ സാമ്രാജ്യത്വവിപുലീകരണ പദ്ധതി (ുിമര), ഭീകരതയ്‌ക്കെതിരിലുള്ള യുദ്ധം, അഫ്‌ഗാന്‍, ഇറാഖ്‌ അധിനിവേശം തുടങ്ങി അമേരിക്കയുടെ വിദേശ- പ്രതിരോധ നയരൂപീകരണ രംഗങ്ങളിലൊക്കെ ഇത്തരം ലോബികളുടെ സ്വാധീനം പ്രകടമാണ്‌. അമേരിക്കന്‍- ഇസ്‌റാഈല്‍ പബ്ലിക്‌ അഫയേഴ്‌സ്‌ എന്ന പ്രസിദ്ധ ജൂതലോബി 15 മില്യണ്‍ ഡോളറിന്റെ വാര്‍ഷികബഡ്‌ജറ്റും 150 ജീവനക്കാരുമുള്ള വിപുലമായ സംവിധാനമാണ്‌. ഇതുപോലെ മറ്റനേകം ലോബികള്‍ വേറെയുമുണ്ട്‌. അമേരിക്കന്‍ തെരഞ്ഞെടുപ്പിനെ ഗണ്യമായി സ്വാധീനിക്കുക, ഇസ്‌റാഈല്‍ വിരുദ്ധരെ കുടുക്കാന്‍ ചാരപ്പണിയെടുക്കുക, രാഷ്‌ട്രീയ ഉപജാപകസംഘങ്ങളെ ഉണ്ടാക്കുക തുടങ്ങിയ ദൗത്യങ്ങളാണ്‌ അമേരിക്കന്‍ ജൂതലോബികളുടെ പ്രധാനജോലി. ജൂതലോബികള്‍ക്കിഷ്‌ടമില്ലാത്ത ഉന്നത ഉദ്യോഗസ്ഥരെ പുകച്ചു പുറത്തുചാടിച്ച എത്രയെങ്കിലും അനുഭവങ്ങള്‍ അമേരിക്കയിലുണ്ട്‌.
ഇസ്‌റാഈല്‍ സഖിത്വത്തിലൂടെ യു എസ്സിനുണ്ടാകുന്ന നഷ്‌ടങ്ങളും കുറച്ചല്ല. ഈജിപ്‌തിനു മേല്‍ പഴിചാരാന്‍ വേണ്ടി 1967ല്‍ യു എസ്‌ എസ്‌ ലിബര്‍ട്ടി എന്ന നാവികക്കപ്പല്‍ ഇസ്‌റാഈല്‍ തകര്‍ക്കുകയുണ്ടായി. 34പേര്‍ സംഭവത്തില്‍ കൊല്ലപ്പെടുകയും 171 പേര്‍ക്ക്‌ മാരകമായ പരിക്കേല്‍ക്കുകയും ചെയ്‌തു. എന്നാല്‍ അമേരിക്ക അതേക്കുറിച്ചത്‌ ഒരന്വേഷണം പോലും നടത്തിയില്ല! ഗസ്സയില്‍ ഫലസ്‌തീന്‍ വീടുകള്‍ നശിപ്പിക്കുന്നതില്‍ നിന്നും ഇസ്‌റാഈല്‍ സേനയെ വിലക്കിയ അമേരിക്കന്‍ സമാധാനസേനയിലെ റെയ്‌ച്ചര്‍ കോറി എന്ന ഉദ്യോഗസ്ഥനെ ഇസ്‌റാഈല്‍ പട്ടാളം ബുള്‍ഡോസര്‍ കയറ്റി കൊന്ന സംഭവം മറ്റൊരുദാഹരണം. ഇക്കാലം വരെ ഈ സംഭവത്തെക്കുറിച്ചും ഒരന്വേഷണവുമുണ്ടായില്ല. എന്നാല്‍, ഹമാസ്‌ ഒരു ഉരുക്കുപൈപ്പ്‌ ഇസ്‌റാഈലിനു നേരെ തൊടുത്താല്‍ ആ നിമിഷം തന്നെ പ്രതികരിക്കാന്‍ അമേരിക്കന്‍ ഭരണകൂടം വ്യഗ്രതപ്പെടുമെന്നത്‌ മറ്റൊരുകാര്യം.

യാങ്കിവഴിയില്‍ ഇന്ത്യയും

നാലയലത്തേക്ക്‌ അടുപ്പിക്കാതെ ഇന്ത്യ മാറ്റിനിര്‍ത്തിയ രാജ്യമായിരുന്നു ഇസ്‌റാഈല്‍. ഒരു മതത്തിന്റെ പേരില്‍ സ്ഥാപിതമായ രാജ്യം, നിരന്തരം കുറ്റകൃത്യങ്ങള്‍ ചെയ്യുന്ന രാജ്യം, ഫലസ്‌തീനില്‍ അധിനിവേശം നടത്തുന്ന ശക്തി എന്നിങ്ങനെയുള്ള ന്യായീകരണങ്ങളാണ്‌ അതിന്‌ ഇന്ത്യയ്‌ക്കുണ്ടായിരുന്നത്‌. 1950ല്‍ മാത്രമാണ്‌ ഇസ്‌റാഈലിനെ ഒരു രാഷ്‌ട്രമായിപ്പോലും ഇന്ത്യ അംഗീകരിച്ചത്‌. എന്നാല്‍ 1991 വരെ യാതൊരു തരത്തിലുള്ള നയതന്ത്രവും ആ രാജ്യവുമായി നാം സ്ഥാപിച്ചില്ല. ഇന്ത്യ ഭരിച്ചിരുന്ന കോണ്‍ഗ്രസ്‌ പാര്‍ട്ടിക്ക്‌ പ്രബല ന്യൂനപക്ഷമായ മുസ്ലിംകളോടുള്ള കടപ്പാടും നമ്മുടെ പരമ്പരാഗത സുഹൃത്തുക്കളായ അറബ്‌ രാജ്യങ്ങളോടുള്ള ബന്ധവും ഈ നിലപാട്‌ കൈക്കൊള്ളുന്നതില്‍ പങ്കുവഹിച്ചിട്ടുണ്ട്‌.

സോവിയറ്റ്‌ യൂണിയന്റെ തകര്‍ച്ചയെത്തുടര്‍ന്ന്‌ ആഗോള ശാക്തിക ബന്ധങ്ങളില്‍ വന്ന മാറ്റങ്ങളോടെയാണ്‌ ഇന്ത്യ ഇസ്‌റാഈലുമായി അടുക്കാനുള്ള നീക്കങ്ങള്‍ തുടങ്ങിയത്‌. കോണ്‍ഗ്രസിന്‌ ശക്തിക്ഷയമുണ്ടാകുകയും ബി ജെ പി നേതൃത്വത്തിലുള്ള കേന്ദ്രഭരണം സ്ഥാപിതമാവുകയും ചെയ്‌തതോടെ ഈ പ്രവണത വര്‍ധിച്ചു. തൊണ്ണൂറുകളില്‍ ഇന്ത്യ അമേരിക്കയോട്‌ ആശ്രിത സമാനമായ ബന്ധത്തില്‍ ഏര്‍പ്പെടാന്‍ തുടങ്ങിയതോടെ, അമേരിക്കയുടെ ഇഷ്‌ടസഖിയായ ഇസ്‌റാഈലുമായും നാം അടുക്കാന്‍ തുടങ്ങി.

ബി ജെ പിക്ക്‌ ഇസ്‌റാഈലുമായി പ്രത്യയശാസ്‌ത്രപരമായി തന്നെ ഐക്യസാധ്യതയുണ്ടായിരുന്നു. രണ്ടും മതാധിഷ്‌ഠിത രക്തശുദ്ധി വാദത്തില്‍ വിശ്വസിക്കുന്നുവെന്നതു മാത്രമല്ല, രണ്ടു പ്രത്യയശാസ്‌ത്രങ്ങളും മുസ്ലിംകളെ ശത്രുപക്ഷത്ത്‌ കാണുകയും ചെയ്യുന്നു. കൂടാതെ, മിഡ്‌ല്‍ ഈസ്റ്റിലും ഇന്ത്യയിലും ഒരേപോലെ `ഇസ്ലാമിക ഭീകരവാദ'ത്തിന്റെ സാന്നിധ്യം ശക്തമാണെന്നും യോജിച്ചുള്ള പ്രവര്‍ത്തനത്തിലൂടെ അതിനു തടയിടാനാവുമെന്നും ഇരുവിഭാഗവും ചിന്തിക്കുന്നു. ഈ സാഹചര്യത്തിലാണ്‌ കേന്ദ്രത്തില്‍ ബി ജെ പി സര്‍ക്കാര്‍ വന്നതോടെ ഇന്ത്യ- ഇസ്‌റാഈല്‍ സഹകരണ കരാറുകള്‍ ശക്തിപ്പെടുന്നത്‌. 2004ല്‍ കോണ്‍ഗ്രസ്‌ സര്‍ക്കാര്‍ തിരിച്ചുവന്നശേഷം, ബി ജെ പി തുടങ്ങിവെച്ച ബന്ധങ്ങളും കരാറും കൂടുതല്‍ ആവേശത്തോടെ നടപ്പാക്കാനും തുടങ്ങി.
1992ല്‍ സ്ഥാപിതമായ ഇന്ത്യ-ഇസ്‌റാഈല്‍ നയതന്ത്ര ബന്ധം ഇപ്പോള്‍ ബഹുദൂരം മുന്നോട്ടുപോയിട്ടുണ്ട്‌. പ്രതിരോധ, രാജ്യസുരക്ഷാ രംഗങ്ങളില്‍ ഗാഢമായ സഹകരണകരാറുകളും സംയുക്തനീക്കങ്ങളും നിലവില്‍ വന്നിരിക്കുന്നു. ആയുധവില്‍പനയാണ്‌ ഇസ്‌റാഈലിന്റെ പ്രധാന വരുമാനോപാധി. അതിനനുസരിച്ചാണ്‌ അവര്‍ വിദേശനയങ്ങളും രാജ്യാന്തര നയതന്ത്രവും ആവിഷ്‌കരിക്കുന്നത്‌. മറ്റു രാജ്യങ്ങളില്‍ ചാര ഏജന്‍സികള്‍ മുഖേന കുഴപ്പവും ഛിദ്രതയുമുണ്ടാക്കി രാഷ്‌ട്രീയ അസ്ഥിരതയും അസ്വസ്ഥതയും സൃഷ്‌ടിച്ച്‌, സൈനിക ബഡ്‌ജറ്റ്‌ കൂട്ടാന്‍ സമ്മര്‍ദം ചെലുത്തുന്നതില്‍ പോലും ഇസ്‌റാഈലിനു മടിയില്ല. ഇസ്‌റാഈലുമായി സൈനികസഹകരണമുള്ള രാഷ്‌ട്രങ്ങളില്‍ `ഭീകരത' സ്ഥിരമായിത്തീരുന്നതാണനുഭവം.

1997ല്‍ ആദ്യമായി അന്നത്തെ ഇസ്‌റാഈല്‍ പ്രസിഡന്റ്‌ എസര്‍ വീല്‍സ്‌മാന്‍ ഇന്ത്യ സന്ദര്‍ശിച്ചു. അതേത്തുടര്‍ന്നാണ്‌ ഇസ്‌റാഈലില്‍ നിന്നും ആയുധം വാങ്ങാനുള്ള കരാറുകള്‍ തുടങ്ങിയത്‌. ഇസ്‌റാഈലിന്റെ കയറ്റുമതിയുടെ 30-40 ശതമാനവും ആയുധമാണ്‌. 2003 മുതല്‍ ഇന്ത്യയെക്കൊണ്ട്‌ കൂടുതല്‍ ആയുധങ്ങള്‍ വാങ്ങിപ്പിക്കാന്‍ നിരവധി ഏജന്റുകളെ ഇസ്‌റാഈല്‍ അയച്ചിരുന്നു. 2005 ആകുമ്പോഴേക്കും ഇസ്‌റാഈലില്‍ നിന്നും ഏറ്റവും കൂടുതല്‍ ആയുധങ്ങള്‍ ഇറക്കുമതി ചെയ്യുന്ന രാജ്യമായി ഇന്ത്യ മാറി. ആ വര്‍ഷം 36 ശതലക്ഷം അമേരിക്കന്‍ ഡോളര്‍ മതിക്കുന്ന ഇസ്‌റാഈലിന്റെ ആയുധക്കയറ്റുമതിയുടെ പകുതിയും ഇന്ത്യയിലേക്കായിരുന്നു. കാര്‍ഗില്‍ യുദ്ധസമയത്ത്‌ ലേസര്‍ നിയന്ത്രിത ബോംബും ആയുധവാഹിനികളായ വിമാനങ്ങളുമടക്കം കൂടുതല്‍ ആയുധങ്ങള്‍ നല്‌കി `സഹായിച്ച്‌' പ്രതിരോധരംഗത്ത്‌ ഇന്ത്യയുടെ കൂട്ടാളിയായി. ഈ ബന്ധം ഇസ്‌റാഈലിന്റെ മിലിട്ടറി സാറ്റലൈറ്റ്‌ വിക്ഷേപിക്കാന്‍ ഇന്ത്യയുടെ വിക്ഷേപണകേന്ദ്രം (ഐഎസ്‌ആര്‍ഒ) വിട്ടുകൊടുക്കുന്നേടത്തേക്കു വരെയെത്തി. ഇന്നിപ്പോള്‍ കര, വ്യോമ, നാവിക രംഗങ്ങളില്‍ മിലിട്ടറി സഹകരണവും സൈനികപരിശീലനവും രഹസ്യാന്വേഷണ പരിശീലനവുമടക്കമുള്ള തന്ത്രപ്രധാന രംഗങ്ങളില്‍ ഇസ്‌റാഈല്‍ ഇന്ത്യയ്‌ക്ക്‌ അവിഭാജ്യഘടകവും ഉറ്റമിത്രവുമായിത്തീര്‍ന്നിരിക്കുന്നു.

ഗസ്സ: ഇന്ത്യയുടെ മൗനം

ലബനാന്‍ യുദ്ധകാലത്ത്‌ ഇസ്‌റാഈല്‍ സേന ക്വാനയില്‍ നിരപരാധികളായ കുട്ടികളെയും സ്‌ത്രീകളെയും കശാപ്പുചെയ്‌തപ്പോള്‍ ഇസ്‌റാഈലിനെ വിമര്‍ശിക്കാന്‍ ഇന്ത്യ വൈമനസ്യം കാണിച്ചത്‌ വിവാദമായിരുന്നു. ഇന്നിപ്പോള്‍ ഗസ്സയില്‍ ഇസ്‌റാഈല്‍ നരനായാട്ടു തുടരുമ്പോഴും ഇന്ത്യയ്‌ക്കു ആര്‍ജവത്തോടെ ഒരു വാക്ക്‌ പറയാനാകാത്തത്‌, ഇതിനകം സ്ഥാപിച്ച ഉഭയകക്ഷി ബന്ധം കൊണ്ടുമാത്രമാണ്‌. ഫലസ്‌തീനികളോട്‌ സഹതപിച്ച്‌ മുതലക്കണ്ണീര്‍ വാര്‍ത്ത പ്രധാനമന്ത്രി മന്‍മോഹന്‍ സിങ്‌, കേരളത്തില്‍ വെച്ചുപോലും ഇസ്‌റാഈല്‍ എന്ന പേര്‌ പറയാന്‍ മടിച്ചുകളഞ്ഞു. ഈ മൗനം യാദൃച്ഛികമല്ല. ഇസ്‌റാഈലുമായി അഞ്ചു ബില്യന്‍ ഡോളറിന്റെ ആയുധസാമഗ്രികള്‍ക്ക്‌ ഓര്‍ഡര്‍ നല്‌കി കാത്തിരിക്കുകയും ഇന്ത്യ ഏറ്റവുമധികം ആയുധമിറക്കുമതി ചെയ്യുന്ന രണ്ടാമത്തെ രാഷ്‌ട്രമായി ഇസ്‌റാഈലിനെ തെരഞ്ഞെടുക്കുകയും ഇന്ത്യന്‍ കമാന്റോകള്‍ക്ക്‌ ഭീകരപ്രതിരോധരംഗത്ത്‌ പരിശീലനം നല്‌കാന്‍ ഇസ്‌റാഈലുമായി സഹകരണപദ്ധതി തയ്യാറാക്കുകയും ചെയ്‌ത സാഹചര്യത്തിലുള്ള ബോധപൂര്‍വമായ മൗനമാണിത്‌. ഈ മൗനത്തിന്‌ രാജ്യം കനത്ത വില നല്‌കേണ്ടിവരുമെന്ന്‌ ഭരണകര്‍ത്താക്കള്‍ മറന്നുപോകരുതായിരുന്നു. അമേരിക്കന്‍ ജനതയുടെ സുരക്ഷ അപകടത്തിലായതിന്‌ ഒരു കാരണം ഇസ്‌റാഈലുമായുള്ള വഴിവിട്ട ബന്ധമാണ്‌. അത്‌ നമുക്കും പാഠമായിരിക്കണം. ഇന്ത്യ നല്‌കുന്ന പണംകൊണ്ട്‌, ഇന്ത്യയുടെ കേന്ദ്രത്തില്‍ വിക്ഷേപിച്ച ചാര ഉപഗ്രഹത്തിന്റെ സഹായത്താല്‍ ഗസ്സയിലെ പാവപ്പെട്ട കുരുന്നുകളെ ബോംബിട്ട്‌ കൊല്ലുമ്പോള്‍ നമുക്ക്‌ മനസ്സാക്ഷിക്കുത്തുണ്ടാവാത്തത്‌ അമേരിക്കന്‍ ദാസ്യത്തിന്റെ ഭയംകൊണ്ടല്ലെങ്കില്‍ മറ്റെന്തുകൊണ്ടാണ്‌?

വഖഫ് ബോര്‍ഡ് വിവാദത്തില്‍ കഴമ്പില്ല

2009-01-22T16:17:00.000+05:30

സി പി എം നോമിനിയായ കെ വി അബ്ദൂല്‍ ഖാദര്‍ എം എല്‍ എ വഖഫ് ബോര്‍ഡ് ചെയര്‍മാന്‍ സ്ഥാനത്തേക്ക് തെരഞ്ഞെടുക്കപ്പെട്ടത് വിവാദക്കൊടുങ്കാറ്റുയര്‍ത്തുകയുണ്ടായി. ‘മതനിഷേധി’യെ വഖഫ് ബോര്‍ഡ് ചെയര്‍മാനാക്കുന്നതിന് കൂട്ടുനിന്നു എന്ന ആരോപണത്തോട് വഖഫ് ബോര്‍ഡ് അംഗം കൂടിയായ ഡോ. ഹുസൈന്‍ മടവൂര്‍ പ്രതിക്കരിക്കുകയാണ് ഈ അഭിമുഖത്തില്‍...

ഡോ. ഹുസൈന്‍ മടവൂര്‍
കേരള വഖഫ്‌ ബോര്‍ഡ്‌ അംഗം

വഖഫ്‌ ബോര്‍ഡിന്റെ ഘടനയെക്കുറിച്ച്‌ അല്‌പം വിശദീകരിക്കാമോ?

കേന്ദ്രവഖഫ്‌ ആക്‌ട്‌ 1995, കേരള വഖഫ്‌ റൂള്‍ 1996 എന്നിവയുടെ അടിസ്ഥാനത്തിലാണ്‌ സംസ്ഥാന വഖഫ്‌ ബോര്‍ഡുകള്‍ പ്രവര്‍ത്തിക്കുന്നത്‌. വഫഖ്‌ ബോര്‍ഡ്‌ സംബന്ധമായി ഇന്ത്യന്‍ ഗവണ്‍മെന്റ്‌ പാസ്സാക്കുന്ന നിയമങ്ങളാണ്‌ കേന്ദ്ര വഖഫ്‌ ആക്‌ടിലുള്ളത്‌. ഈ ആക്‌ടിന്റെ അടിസ്ഥാനത്തില്‍ സംസ്ഥാന സര്‍ക്കാര്‍ രൂപംകൊടുക്കുന്നതാണ്‌ വഖഫ്‌ റൂള്‍സ്‌. വഖഫ്‌ നിയമങ്ങളനുസരിച്ച്‌ സംസ്ഥാന വഖഫ്‌ ബോര്‍ഡില്‍ പതിനൊന്ന്‌ അംഗങ്ങളുണ്ടാവും. ഒരു എം പി, രണ്ട്‌ എം എല്‍ എമാര്‍, രണ്ട്‌ വഖഫ്‌ മുതവല്ലി പ്രതിനിധികള്‍, ബാര്‍ കൗണ്‍സിലില്‍ അംഗത്വമുള്ള ഒരു നിയമജ്ഞന്‍ എന്നിവര്‍ അതാത്‌ വിഭാഗങ്ങളില്‍ നിന്ന്‌ തെരഞ്ഞെടുപ്പിലൂടെ അംഗങ്ങളായി വരുന്നതാണ്‌. കൂടാതെ രണ്ട്‌ മുസ്‌ലിം പണ്ഡിതന്മാരെയും രണ്ട്‌ മുസ്‌ലിം സംഘടനാപ്രതിനിധികളെയും ഒരു സര്‍ക്കാര്‍ ഉദ്യോഗസ്ഥനെയും സര്‍ക്കാര്‍ നോമിനേറ്റ്‌ ചെയ്യുകയും വേണം. വഖഫ്‌ ബോര്‍ഡ്‌ അംഗങ്ങളെല്ലാം മുസ്‌ലിംകളായിരിക്കണമെന്നും ആക്‌ടില്‍ നിയമമുണ്ട്‌.

അതാത്‌ കാലത്തെ പാര്‍ലമെന്റ്‌, നിയമസഭ എന്നിവകളില്‍ ഓരോ പാര്‍ട്ടിക്കുമുള്ള മുസ്‌ലിം പ്രാതിനിധ്യം അനുസരിച്ചും വഖഫ്‌ മുതവല്ലിമാരുടെ ഭൂരിപക്ഷത്തിന്റെ മത, രാഷ്‌ട്രീയ വീക്ഷണങ്ങളനുസരിച്ചും സംസ്ഥാന ഗവണ്‍മെന്റിന്റെ തീരുമാനങ്ങളനുസരിച്ചും ബോര്‍ഡ്‌ രൂപപ്പെട്ടുവരുമ്പോള്‍ അതില്‍ വ്യത്യസ്‌ത രാഷ്‌ട്രീയ, മതസംഘടനാ വീക്ഷണങ്ങളുണ്ടാവുക സ്വാഭാവികമാണ്‌. വഖഫ്‌ ബോര്‍ഡുകള്‍ സ്ഥാപിതമായതു മുതല്‍ ഇക്കാലംവരെ ആ നിലയ്‌ക്കാണ്‌ ബോര്‍ഡുകള്‍ പ്രവര്‍ത്തിച്ചുവരുന്നത്‌. കേന്ദ്രമന്ത്രിസഭയിലും സംസ്ഥാന മന്ത്രിസഭകളിലും വഖഫ്‌ കൈകാര്യംചെയ്യാന്‍ ഒരു മന്ത്രിയും മന്ത്രാലയവുമുണ്ടാകും. ബോര്‍ഡിന്റെ തീരുമാനത്തില്‍ അപ്പീല്‍ പോകേണ്ടത്‌ ഹൈക്കോടതികളിലാണ്‌.

അഭിമുഖം പൂര്‍ണമായി വായിക്കുവാന്‍ ക്ലിക്ക് ചെയ്യുക...

Invitation For Gaza Sake

2009-01-15T17:43:00.000+05:30

പൗരോഹിത്യത്തിനും രാഷ്‌ട്രീയ ഇസ്‌ലാമിനുമെതിരെ നവോത്ഥാനം ആവശ്യമുണ്ട്‌

2009-01-14T19:15:00.000+05:30

അബൂബക്കര്‍ കാരക്കുന്ന്‌

കേരളത്തിലെ മുസ്‌ലിം പൗരോഹിത്യം ഒരു പുതിയ വഴിത്തിരിവിലാണ്‌. മണ്‍മറഞ്ഞ അന്ധവിശ്വാസങ്ങളെ പുനരുജ്ജീവിപ്പിക്കുകയും അവയ്‌ക്ക്‌ മതത്തിന്റെ പരിവേഷം നല്‌കുകയും ചെയ്യുന്ന മുസ്‌ലിം പൗരോഹിത്യം ക്രൈസ്‌തവ മതമേലധ്യക്ഷന്മാരെപ്പോലും കടത്തിവെട്ടുന്നുണ്ട്‌ ഈയിടെയായി. മുസ്‌ലിം പൗരോഹിത്യത്തിന്റെ തനത്‌ രൂപമായി വിലയിരുത്താവുന്ന കാന്തപുരം എ പി അബൂബക്കര്‍ മുസ്‌ലിയാര്‍ ഈയിടെ പ്രകടിപ്പിച്ച അഭിപ്രായങ്ങള്‍ ഇതില്‍ പെട്ടതാണ്‌. കാന്തപുരം മുസ്‌ലിയാരുടെ വഴിവിട്ട അഭിപ്രായങ്ങളോട്‌ മതസംഘടനകളില്‍ നിന്ന്‌ ആരെങ്കിലും പ്രതികരിച്ചതായി ശ്രദ്ധയില്‍ പെട്ടിട്ടില്ല. എന്നാല്‍ മതേതരവേദിയില്‍ നിന്നും പത്രപ്രസിദ്ധീകരണങ്ങളില്‍ നിന്നും മുസ്‌ലിയാരുടെ വിവാദ പ്രസ്‌താവനയ്‌ക്കെതിരെ ശക്തമായ ആഞ്ഞടി കാണുകയുണ്ടായി. ഒരു പ്രമുഖ പത്രപ്രവര്‍ത്തകന്റെ ഇതുസംബന്ധമായ വിലയിരുത്തല്‍ രസാവഹമാണ്‌. അതിങ്ങനെ വായിക്കാം: ``കാന്തപുരം എ പി അബൂബക്കര്‍ മുസ്‌ലിയാര്‍ വലിയൊരു തമാശക്കാരനാണ്‌ എന്ന കാര്യത്തില്‍ ഒരു മലയാളി മുസ്‌ലിമിന്‌ സംശയമുണ്ടാകാനിടയില്ല. മുസ്‌ലിം ചെറുപ്പക്കാരെക്കുറിച്ച്‌ ഇദ്ദേഹം എന്താണ്‌ ധരിച്ചുവെച്ചിരിക്കുന്നത്‌? മലബാറില്‍ മുട്ടനാടുകള്‍ എന്ന പേരില്‍ നേര്‍ച്ചയാക്കപ്പെട്ട കുറെയാടുകളുണ്ട്‌. കഴുത്തില്‍ ഒരു സഞ്ചിതൂക്കി അലക്ഷ്യമായി നടന്നുനീങ്ങുന്ന ഈ ആടുകള്‍ കാണുന്ന പെണ്ണാടുകളോടൊക്കെ ഇണചേരാന്‍ ശ്രമിക്കാറുണ്ട്‌. ഈ ആടുകളുടെ കൂട്ടത്തിലാണോ മുസ്‌ലിം ചെറുപ്പക്കാരെ കാന്തപുരം ഉള്‍പ്പെടുത്തുന്നത്‌? കാന്തപുരം പറഞ്ഞത്‌ ഇത്രയുമാണ്‌: ഒന്ന്‌, സ്‌ത്രീകള്‍ക്ക്‌ ആര്‍ത്തവകാലങ്ങളില്‍ പുരുഷനുമായി ബന്ധപ്പെടാനാവില്ല. ഈ കാലങ്ങളില്‍ പുരുഷന്മാര്‍ക്ക്‌ ബഹുഭാര്യാത്വം ആവാം. രണ്ട്‌, ഭാര്യയ്‌ക്ക്‌ രോഗം ഉണ്ടാവുക, സന്താനമുണ്ടാകാതെ വരിക, രോഗിയായ മാതാപിതാക്കളെ ശുശ്രൂഷിക്കേണ്ടിവരിക, ഭാര്യയെ വിട്ട്‌ വിദേശത്ത്‌ ജോലിക്കു പോകേണ്ടിവരിക എന്നീ അവസ്ഥകളില്‍ പുരുഷന്‌ ബഹുഭാര്യാത്വമാകാം. മൂന്ന്‌, ഇസ്‌ലാം നിയമമനുസരിച്ച്‌ നല്ല നിലയില്‍ നാലു ഭാര്യമാരെ സ്വീകരിക്കാം.ഈ ഇസ്‌ലാമിന്റെ പേര്‌ തീര്‍ച്ചയായും ഇസ്‌ലാം എന്നല്ല; കാന്തപുരം ഇസ്‌ലാം എന്നാണ്‌. കേരളത്തിലെ വലിയൊരു വിഭാഗം മുസ്‌ലിം ചെറുപ്പക്കാര്‍ വിദേശത്താണ്‌. ഒറ്റത്തടി തന്നെ പുലര്‍ത്താന്‍ പ്രയാസപ്പെടുന്ന ഈ ചെറുപ്പക്കാരോടാണ്‌ കാന്തപുരത്തിന്റെ ബഹുഭാര്യാത്വ സന്ദേശം. മലയാളി മുസ്‌ലിംസ്‌ത്രീകള്‍ അരക്ഷിതരാവാന്‍ വേറെന്തുവേണം? ഇനി ആര്‍ത്തവസമയത്ത്‌ കള്ളംപറയേണ്ടിവരുമോ മുസ്‌ലിം സ്‌ത്രീകള്‍ക്ക്‌?മതപരവും സാത്വികവുമായൊരു മറുപടിയൊന്നും കാന്തപുരം അര്‍ഹിക്കുന്നില്ല. മുസ്‌ലിംസ്‌ത്രീകള്‍ ഡോക്‌ടറെ കാണാന്‍ പോലും പുറത്തുപോകരുതെന്ന്‌ പറഞ്ഞ പണ്ഡിതനല്ലേ?''

ലേഖനം മുഴുവനായും വായിക്കാന്‍...

ഫലത്വീനികള്‍ ജീവന്‍ നിലനിര്‍ത്താന്‍ പൊരുതുന്നു.

2009-01-05T18:11:00.000+05:30

ഭക്ഷണമില്ല; ആശ്രയം പുല്ലും ചെടികളും

മനുഷ്യത്വത്തിന്റെ എല്ലാ അതിര്‍വരമ്പുകളും കടന്ന ഇസ്‌റാഈലിന്റെ ക്രൂരതകള്‍ ഫലത്വീനികളെ പുതിയ ജീവിതം പഠിക്കാന്‍ നിര്‍ബന്ധിതരാക്കിയിരിക്കയാണ്. കഴിഞ്ഞ നവംബര്‍ അഞ്ച് മുതല്‍ ആരം ഭിച്ച ഉപരോധത്തിലൂടെ കുടിവെള്ളവും ഭക്ഷണവും ഇന്ധനവും തടഞ്ഞ ഇസ്‌റാഈലിന്റെ നടപടിക ള്‍ക്കു മുന്നില്‍ ലോകം മുഴുവന്‍ മിണ്ടാപൂച്ചയായപ്പോള്‍ ഫലസ്ത്വീനികള്‍ ജീവന്‍ നിലനിര്‍ത്താനുള്ള പോ രാട്ടത്തിലാണ്. ഭക്ഷണം തീര്‍ത്തും നിലച്ചതോടെ ഗസ്സയിലെ ഫലസ്ത്വീനി കുടുംബങ്ങള്‍ പുല്ലുകളെയും കാട്ടുചെടികളെയും ആശ്രയിക്കാന്‍ തുടങ്ങിയെന്നാണ് കഴിഞ്ഞദിവസം പുറത്തുവന്ന ഞെട്ടിക്കുന്ന റിപ്പോര്‍ട്ട്.

പതിനഞ്ച് ലക്ഷം പേര്‍ താമസിക്കുന്ന ഇവിടെ ഐക്യരാഷ്ട്രസഭയുടെ ദുരിദാശ്വാസ ഭക്ഷ്യവസ്തുക്കളാ ണ് ആശ്വാസം. എന്നാല്‍ ഡിസംബര്‍ പത്ത് മുതല്‍ ഇസ്‌റാഈല്‍, ദുരിതാശ്വാസ വാഹനങ്ങള്‍ക്കൂടി തടയാനാരംഭിച്ചതോടെ തീര്‍ത്തും പട്ടിണിയിലേക്ക് നീങ്ങുകയാണ്.

ഗസ്സയിലെ ജിന്ദിയ അബൂ അം‌റയെന്ന വീട്ടമ്മയും പന്ത്രണ്ടു വയസ്സുകാരിയായ മകളും ഇപ്പോള്‍ ദിവസ വും റോഡരികിലെത്തി പുല്ലുകള്‍ വേവിച്ച് ഭക്ഷിച്ചാണ് ജീവന്‍ നിലനിര്‍ത്തുന്നത്. ദിവസം ഒരു നേരം ചോറും ഖുബ്ബൂസും കഴിച്ചിരുന്ന തങ്ങള്‍ക്ക് ഇപ്പോള്‍ ജീവന്‍ നിലനിര്‍ത്താന്‍ ഇതല്ലാതെ മറ്റു മാര്‍ഗമില്ലെ ന്നാണ് ഈ ഉമ്മ വിലപിക്കുന്നത്.

ഇസ്‌റാഈലിനു നേരെ ഗസ്സയുടെ നിയന്ത്രണമുള്ള ഹമാസ് റോക്കറ്റാക്രമണം നടത്തുന്നു എന്നാരോ പിച്ചാണ് സൈന്യം അതിര്‍ത്തിയടച്ചത്. എന്നാല്‍ അനുരഞ്ജനശ്രമങ്ങള്‍ക്ക് ഇരുട്ടടി സമ്മാനിച്ച് ആറു മാസമായി തുടരുന്ന വെടിനിര്‍ത്തല്‍ കരാര്‍കൂടി അവസാനിച്ചതോടെ മേഖല തീര്‍ത്തും സംഘര്‍ഷ ത്തിലേക്ക് നീങ്ങിയിരിക്കയാണ്.

ഫലസ്ത്വീനിലെ കുരുന്നുകള്‍ക്ക് ഭക്ഷണം നല്‍കാതെ, മരൂന്നു നല്‍കാതെ, കുടിവെള്ളം നല്‍കാതെ കഷ്ടപ്പെടുത്തുന്ന ഇസ്‌റാഈലിന്റെയും ഇസ്‌റാഈലിനെ സഹായിക്കുന്നവരുടെയും ഉല്പന്നങ്ങള്‍ ബഹിഷ്‌കരിച്ച് നമുക്കും പ്രതിഷേധിക്കാം....

ഇസ്‌റാഈല്‍ ക്രൂരതയുടെ ചില ചിത്രങ്ങള്‍....

സൂചന: ചിത്രങ്ങളില്‍ ക്ലിക്ക് ചെയ്താല്‍ വലുതായി, പുതിയ വിന്‍ഡോയില്‍ കാണാം
ചിത്രങ്ങള്‍ക്ക് കടപ്പാട് : വാര്‍ത്താ ഏജന്‍സികള്‍

വഖഫ് ബോര്‍ഡ്: കഥയറിയാതെ ആട്ടം കാണുന്നവരോട്

2009-01-02T18:44:00.000+05:30

സൂചന: ചിതങ്ങളില്‍ ക്ലിക്ക് ചെയ്താല്‍ വലുതായി, പുതിയവിന്‍ഡൊയില്‍ തുറക്കും.

വി കെ അബ്ദുല്‍ഖാദര്‍ എം എല്‍ എയുടെ ചെയര്‍മാന്‍ സ്ഥാനത്തില്‍ ഉറക്കം നഷ്ടപ്പെട്ട മുസ്ലിം ലീഗ് മനസ്സിലാക്കേണ്ട മറ്റൊരുകാര്യമുണ്ട്. വഖഫ് ബോര്‍ഡ് അംഗം എന്ന നിലയ്ക്കാണല്ലോ ഇദ്ദേഹം ചെയര്‍മാന്‍ സ്ഥാനത്തേക്ക് നിര്‍ദ്ദേശിക്കപ്പെട്ടത്. എം എല്‍ എമാരുടെ ക്വാട്ടയിലാണ് ഇദ്ദേഹം വഖഫ് ബോര്‍ഡിലെത്തുന്നത്. ഇദ്ദേഹത്തിന്റെ സ്വകാര്യ ജീവിതവും മതനിഷേധവും മറ്റാരെക്കാളും (ഒരുവേള അദ്ദേഹത്തേക്കാളും) കൂടുതല്‍ ഗവേഷണം നടത്തി മനസ്സിലാക്കിയ ലീഗിന് അത് തടയാന്‍ പറ്റുമായിരുന്നു....

തുടര്‍ന്ന് വായിക്കുക....

ഭാഗം ഒന്ന് (വഖഫ് ബോര്‍ഡ്: കഥയറിയാതെ ആട്ടം കാണുന്നവരോട്)

ഭാഗം രണ്ട് (വഖഫ് ബോര്‍ഡ്: നേരം വെളുത്തിരിക്കുന്നു, വിളക്കണയ്ക്കുക)

വഖഫ് ബോര്‍ഡ്: കഥയറിയാതെ ആട്ടം കാണുന്നവരോട്...

അനുബന്ധം

ആധിപത്യ വ്യവസ്ഥയെ വെല്ലുവിളിച്ച്‌ തകഴിയുടെ താവഴിയില്‍

2008-12-31T18:53:00.000+05:30

ആധിപത്യ വ്യവസ്ഥയെ വെല്ലുവിളിച്ച്‌ തകഴിയുടെ താവഴിയില്‍
ഒരു സവിശേഷ അഭിമുഖം....

ചന്ദ്ര മുസഫ്‌ഫര്‍ / മുജീബുര്‍റഹ്‌മാന്‍ കിനാലൂര്‍

മനുഷ്യാവകാശ പോരാട്ടങ്ങള്‍ക്കും സാര്‍വദേശീയ മാനവിക മൂല്യങ്ങള്‍ക്കും വേണ്ടി ജീവിതം മാറ്റിവെച്ച പ്രശസ്‌ത മലേഷ്യന്‍ ചിന്തകനും ഗ്രന്ഥകാരനും ഊര്‍ജസ്വലനായ ആക്‌ടിവിസ്റ്റുമാണ്‌ ഡോ. ചന്ദ്രമുസഫ്‌ഫര്‍. പോളിയോ പിടിപെട്ട്‌ ഇരു കാലുകളും തളര്‍ന്നുപോയിട്ടും വീല്‍ചെയറില്‍ ലോകം മുഴുവന്‍ യാത്രചെയ്‌ത്‌ ആഗോള ആധിപത്യ ശക്തികളെ അലോസരപ്പെടുത്തിക്കൊണ്ടിരിക്കുന്നു അദ്ദേഹം. കേരളത്തില്‍ വേരുകളുള്ള, തകഴി ശിവശങ്കരപ്പിള്ളയുടെ പിന്‍മുറക്കാരനായ ഡോ.ചന്ദ്ര മുസഫ്‌ഫര്‍ അമേരിക്കന്‍ ആധിപത്യ വ്യവസ്ഥയുടെ ഭീകരതകളെക്കുറിച്ച്‌ സംസാരിക്കുന്നു.

ആധിപത്യ വ്യവസ്ഥയെ വെല്ലുവിളിച്ച്‌ തകഴിയുടെ താവഴിയില്‍...

വിലയും മൂല്യവും

2008-12-31T15:18:00.001+05:30

വിലയും മൂല്യവും തമ്മിലുള്ള ബന്ധത്തെയും വ്യത്യാസത്തെയും സംബന്ധിച്ച്‌ സാമ്പത്തിക ശാസ്ത്ര ഗ്രന്ഥങ്ങളില്‍ അല്‍പസ്വല്‍പം വിശദമായ ചര്‍ച്ച കാണാം. വിലയ്ക്കും മൂല്യത്തിനും അവിടെയൊന്നും ചര്‍ച്ചചെയ്യാത്ത ചില മാനങ്ങളും ഉണ്ടാകും. പക്ഷെ, മുസ്ലിംസമൂഹം ഇതിനെ സംബന്ധിച്ച്‌ അത്രയൊന്നും ബോധവാന്മാരല്ല. ഇന്നത്തെ സമ്പന്നരും ഇടത്തരക്കാരുമായ മുസ്ലിംകളില്‍ പലരും ആധുനിക ഉപഭോഗവസ്തുക്കളില്‍ പലതിന്റെയും വിലയറിയുന്നവരാണ്‌. കെട്ടിടങ്ങളുടെയും പറമ്പുകളുടെയും ആളുകളുടെയും വിലയെക്കുറിച്ചും അവര്‍ക്ക്‌ സാമാന്യമായ ധാരണയുണ്ട്‌. എന്നാല്‍ വസ്തുക്കളുടെ മൂല്യത്തെയും മൂല്യരാഹിത്യത്തെയും സംബന്ധിച്ച്‌ അവര്‍ അധികമൊന്നും ചിന്തിക്കാറില്ല. അതിനാല്‍ ഉല്‍പാദകരും വിതരണക്കാരും വലിയ വിലയിട്ട വസ്തുക്കള്‍ക്ക്‌ വലിയ മൂല്യം കല്‍പിക്കുകയാണ്‌ പലരും ചെയ്യുന്നത്‌. ആളുകള്‍ക്ക്‌ വിലകല്‍പിക്കുന്നതാകട്ടെ അവരുടെ അധികാരവും സമ്പത്തും നോക്കിയിട്ടാണ്‌. ഖുര്‍ആനും സുന്നത്തും പ്രബോധനം ചെയ്യാന്‍ വേണ്ടി മഹാസമ്മേളനങ്ങള്‍ നടത്തുമ്പോഴും മന്ത്രിമാരെയും വന്‍ പണക്കാരെയും പങ്കെടുപ്പിക്കുന്ന കാര്യമാണല്ലോ സജീവമായി പരിഗണിക്കാറുള്ളത്‌.

വിലയേക്കാള്‍ എത്രയോ ഉപരിയായ മൂല്യത്തെയും മൂല്യബന്ധിതമായ വിലയെയും സംബന്ധിച്ച്‌ ചിന്തിക്കാന്‍ പ്രേരണ നല്‍കിയ സംഭവമത്രെ ഭുവനപ്രശസ്തമായ ആ ചെരുപ്പേറ്‌. തന്റെ വിലയെയും അധികാരത്തെയും സംബന്ധിച്ച്‌ അതിരുകവിഞ്ഞ അഹംബോധമുള്ള ജോര്‍ജ്‌ ബുഷിന്‌ നേര്‍ക്ക്‌ കുതിച്ചുപാഞ്ഞ ഒരു ജോടി ഷൂസിന്‌ അല്‍ബഗ്ദാദിയ ടി വി ലേഖകന്‍ മുന്‍തദര്‍ സൈദി കടയില്‍ കൊടുത്ത വില എത്രയെന്ന്‌ ലോകത്താരും അന്വേഷിക്കുന്നില്ല. പക്ഷെ, ആ ഏറോടെ സൈദിക്കും അയാളുടെ ഷൂസിനും കൈവന്ന മൂല്യം അതിഭീമമാണ്‌. അത്‌ തിട്ടപ്പെടുത്തുക അത്ര എളുപ്പമല്ല. അധിനിവേശ വിരുദ്ധതയുടെ മൂല്യം, സാമ്രാജ്യത്വ വിരുദ്ധതയുടെ മൂല്യം, സ്വേച്ഛാധിപത്യത്തിന്റെ ഉഗ്രമൂര്‍ത്തിയുടെ നേര്‍ക്കുള്ള നിരങ്കുശമായ ധിക്കാരത്തിന്റെ മൂല്യം, അതുല്യമായ ഒരു സെന്‍സേഷനല്‍ ന്യൂസിന്റെ മൂല്യം എന്നിങ്ങനെ മൂല്യഗണനയ്ക്ക്‌ മാനങ്ങളും മാപകങ്ങളും ഏറെയുണ്ടാകും. ഇറാഖി ജനതയ്ക്ക്‌ കൈവന്ന സ്വാതന്ത്ര്യത്തിന്റെ അടയാളമെന്ന്‌ ഈ ചെരുപ്പേറിനെ വിശേഷിപ്പിച്ച ബുഷിന്റെ ക്രൂരമായ ഫലിതത്തില്‍ പോലും ഏറിന്റെ മൂല്യം അംഗീകരിക്കപ്പെട്ടിരിക്കയാണ്‌.

ബുഷിനെ എറിഞ്ഞ ഷൂസിന്‌ കോടികള്‍ വില പറഞ്ഞ സമ്പന്നര്‍ വിലയും മൂല്യവുമായി ഒരു തരത്തില്‍ കൂട്ടിക്കലര്‍ത്തുകയാണ്‌ ചെയ്തത്‌. ഭാവിയില്‍ കൂടുതല്‍ വിലയ്ക്ക്‌ ലേലം ചെയ്തു വില്‍ക്കാമെന്ന വ്യാമോഹവും അവര്‍ക്ക്‌ പ്രേരകമായിരിക്കാം. ഏതെങ്കിലും വസ്തുവിന്‌ മാധ്യമങ്ങള്‍ വാര്‍ത്താമൂല്യം സ്ഥാപിച്ചാല്‍ അതിന്റെ കച്ചവട സാധ്യതകള്‍ അന്വേഷിച്ചിറങ്ങുന്നവര്‍ക്ക്‌ ലാഭമെന്ന മൂല്യത്തില്‍ മാത്രമേ വിശ്വാസമുണ്ടാവുകയുള്ളൂ. ബുഷിന്റെ രാഷ്ട്രീയത്തിലും ഈ മൂല്യത്തിന്‌ തന്നെയാണ്‌ മുന്‍ഗണന. എന്നാല്‍ സൈദി എന്ന ടി വി ലേഖകന്റെ മൂല്യബോധത്തില്‍ ലാഭക്കൊതി കലര്‍ന്നിട്ടുണ്ടാകാന്‍ സാധ്യതയില്ല. ശരാശരിക്കാരുടെ കാഴ്ചപ്പാടില്‍ അദ്ദേഹത്തിന്‌ നഷ്ടം മാത്രമേയുള്ളൂ. അതില്‍ ഏറ്റവും നിസ്സാരമായത്‌ ആ ഷൂസിന്റെ വിലയാണ്‌. ശരീരം അടിച്ചുതകര്‍ക്കപ്പെട്ടതും വരാനിരിക്കുന്ന വിചാരണയും ശിക്ഷയും തുടങ്ങി പലതും നഷ്ടങ്ങളുടെ പട്ടികയില്‍ വരാം. ആ ഷൂസ്‌ മൂലം ആര്‍ക്കും ഇനി പ്രശസ്തിയോ ലാഭമോ ഉണ്ടാകാതിരിക്കാന്‍ വേണ്ടി ഇറാഖീ അധികൃതര്‍ അത്‌ നശിപ്പിച്ചുകളഞ്ഞതായി റിപ്പോര്‍ട്ട്‌ ചെയ്യപ്പെടുന്നു. ധിക്കാരികള്‍ക്ക്‌ ഒരു പാഠമാകാന്‍ വേണ്ടി സാമ്രാജ്യത്വ കിങ്കരന്മാര്‍ സൈദിയെത്തന്നെ കൊന്നുകളഞ്ഞെന്നും വരാം. എന്തായാലും ബുഷിന്‌ അവരോഹണ സമ്മാനമായി ലഭിച്ച ചെരുപ്പേറ്‌ ചരിത്രത്തില്‍ സ്ഥാനംപിടിക്കുക തന്നെ ചെയ്യും.

ചെരുപ്പേറിന്റെ നൈതികമോ ധാര്‍മികമോ ആയ വശങ്ങളെ സംബന്ധിച്ച്‌ ഇവിടെ വിശകലനം ചെയ്യുന്നില്ല. കമ്പോളവിലയെ വളര്‍ച്ചയുടെയും പുരോഗതിയുടെയും ആധാരമായിക്കണക്കാക്കുന്ന കാഴ്ചപ്പാടിന്‌ ക്ഷണികമായ നിലനില്‍പേ ഉള്ളൂവെന്നും മൂല്യങ്ങള്‍ക്ക്‌ തോക്കുകൊണ്ടോ ബോംബ്‌ കൊണ്ടോ മാച്ചുകളയാനാകാത്ത സ്ഥായീഭാവമുണ്ടാകുമെന്നും വ്യക്തമാക്കുകയാണ്‌ ഈ കുറിപ്പിന്റെ ഉദ്ദേശ്യം. ആഗോള കമ്പോള ശക്തികളുടെ കടിഞ്ഞാണ്‍ പിടിക്കുന്ന സാമ്രാജ്യത്വ സാരഥികള്‍ക്ക്‌ സാമ്പത്തിക പ്രതിസന്ധികളെ മറികടക്കാന്‍ കഴിയുമോ എന്ന ചോദ്യത്തെക്കാള്‍ പ്രധാനം മൂല്യബോധമുള്ള ജനകോടികളുടെ നിന്ദയെ അതിവര്‍ത്തിക്കാന്‍ കഴിയുമോ എന്നതാണ്‌.

വിലയും മൂല്യവും തമ്മിലുള്ള മാറ്റുരക്കലിന്‌ മനുഷ്യചരിത്രത്തോളം പഴക്കമുണ്ട്‌. നംറൂദ്‌ ചക്രവര്‍ത്തിക്ക്‌ ഭൗതികമായി വലിയ വിലയും നിലയും ഉണ്ടായിരുന്നു. സമ്പത്തിന്റെയും പ്രതാപത്തിന്റെയും വിലയെ സംബന്ധിച്ച വലിയ വിചാരം ആ സ്വേച്ഛാധിപതിയുടെ തലയ്ക്ക്‌ പിടിച്ചതിനാല്‍ അയാള്‍ സ്വയം ദൈവം ചമയാന്‍ പോലും മുതിര്‍ന്നു. ജീവജാലങ്ങളെ ജനിപ്പിക്കുകയും മരിപ്പിക്കുകയും ചെയ്യുന്ന ലോകരക്ഷിതാവിനെ സംബന്ധിച്ച്‌ ഇബ്‌റാഹീം നബി(അ) സംസാരിച്ചപ്പോള്‍ നംറൂദിന്റെ പ്രതികരണം, താനും ജീവിപ്പിക്കുകയും മരിപ്പിക്കുകയും ചെയ്യാറുണ്ട്‌ എന്നായിരുന്നു. പ്രതികളില്‍/തടവുകാരില്‍ ചിലരെ ജീവിക്കാന്‍ വിടുകയും ചിലരെ വധിച്ചുകളയുകയും ചെയ്യാനുള്ള തന്റെ അധികാരത്തിന്റെ വില അയാള്‍ വിളംബരം ചെയ്യുകയായിരുന്നു. എന്നാല്‍ ഇബ്‌റാഹീം(അ) തന്റെ ആദര്‍ശത്തിന്റെ മൂല്യം വ്യക്തമായും ശക്തമായും തെളിയിച്ചുകൊണ്ട്‌ സംവാദം തുടര്‍ന്നപ്പോള്‍ നംറൂദിന്‌ ഉത്തരം മുട്ടിപ്പോയി.

'ഞാനാണ്‌ നിങ്ങളുടെ അത്യുന്നതനായ രക്ഷിതാവ്‌' എന്ന്‌ ഫിര്‍ഔന്‍ പ്രഖ്യാപിച്ചതും തന്റെ അധികാരത്തിന്റെ വിലയുടെ പേരിലുള്ള ഹുങ്ക്‌ കൊണ്ടായിരുന്നു. പക്ഷെ, ആ സ്വേച്ഛാധിപതിയുടെ ഔദ്ധത്യത്തിനോ ഭീഷണികള്‍ക്കോ യാതൊരു വിലയും കല്‍പിക്കാതെ മൂസാനബി(അ) ദൈവികദൃഷ്ടാന്തങ്ങള്‍ കാണിക്കുകയും മൂല്യവത്തായ സംവാദരീതി തുടരുകയും ചെയ്തപ്പോള്‍ ആദര്‍ശത്തിന്റെയും മൂല്യത്തിന്റെയും കരുത്ത്‌ തെളിഞ്ഞു. ഫിര്‍ഔനിന്റെ അധികാരപ്രമത്തതയും അയാള്‍ വിളിച്ചുകൂട്ടിയ മായാജാലക്കാരുടെ ചെപ്പടിവിദ്യകളും നിഷ്ഫലമായി.

മുഹമ്മദ്‌ നബി(സ)യെ ശക്തിയായി എതിര്‍ത്തവരും സമൂഹത്തില്‍ വിലയുള്ളവരായിരുന്നു. അഥവാ തങ്ങള്‍ ഏറെ നിലയും വിലയും ഉള്ളവരാണന്ന്‌ സ്വയം കരുതുന്നവരായിരുന്നു. അതിനാല്‍ ഇസ്ലാമിനെ മുളയിലേ നുള്ളിക്കളയാമെന്ന്‌ അവര്‍ കണക്കുകൂട്ടിയിരുന്നു. പക്ഷെ, ആദര്‍ശത്തിന്റെ മൂല്യം ഉള്‍ക്കൊണ്ട സത്യവിശ്വാസികള്‍ ന്യൂനപക്ഷമായിരുന്നിട്ടും സമ്പത്തിനും അധികാരത്തിനും വലിയ വില കല്‍പിച്ച ഭൂരിപക്ഷത്തിന്റെ ആക്രമണത്തെ ചെറുത്ത്‌ വിജയം കൈവരിക്കാന്‍ അവര്‍ക്ക്‌ സാധിച്ചു. മുഹമ്മദ്‌ നബി(സ)യോടൊപ്പമുണ്ടായിരുന്ന സത്യവിശ്വാസികള്‍ ഭൗതികമായി തികച്ചും പിന്നാക്കാവസ്ഥയിലായിരുന്നു. അന്നത്തെ റോമന്‍ പേര്‍ഷ്യന്‍ ചക്രവര്‍ത്തിമാരാകട്ടെ ഭൗതികമായി വളരെ നിലയും വിലയും ഉള്ളവരായിരുന്നു. അക്കാലത്ത്‌ ലഭ്യമായിരുന്ന ആയുധങ്ങളും ഉപകരണങ്ങളും ആഡംബരോപാധികളുമെല്ലാം അവരുടെ അധീനത്തിലുണ്ടായിരുന്നു. പക്ഷെ, അവയ്ക്കൊന്നും ഒട്ടും വില കല്‍പിക്കാതെ ആദര്‍ശത്തിന്റെ മൂല്യം ജീവിതത്തിലൂടെ തെളിയിച്ചുകൊണ്ടാണ്‌ പ്രവാചകശിഷ്യന്മാര്‍ മുന്നേറിയത്‌.

റോമന്‍-പേര്‍ഷ്യന്‍ രാജധാനികളിലുണ്ടായിരുന്ന കണ്ണഞ്ചിപ്പിക്കുന്ന അലങ്കാരങ്ങള്‍ക്കൊന്നും പ്രവാചകശിഷ്യന്മാര്‍ ഒട്ടും വില കല്‍പിച്ചില്ല. സര്‍വശക്തനും പ്രതാപിയുമായ ലോകരക്ഷിതാവിന്റെ വിനീത ദാസന്മാര്‍ എന്ന നിലയില്‍ ലളിതമായ ജീവിതംകൊണ്ട്‌ തൃപ്തിപ്പെട്ട്‌ മൂല്യബോധം തെളിയിച്ചാണ്‌ അവര്‍ എതിര്‍പ്പുകളെ അതിജയിച്ചത്‌.

ആദര്‍ശത്തിന്റെ ആത്മീയവും ധാര്‍മികവുമായ മൂല്യം ഉയര്‍ത്തിപ്പിടിക്കേണ്ട മുസ്ലിംകള്‍ ഭൗതിക പ്രമത്തരായ ആളുകളെപ്പോലെ കമ്പോളത്തില്‍ വിലയുള്ള ഉപഭോഗസാമഗ്രികള്‍ വാരിക്കൂട്ടുന്നതില്‍ പ്രതാപം കണ്ടെത്തുന്നതാണ്‌ ഇന്നത്തെ പരിതാവസ്ഥയ്ക്കും പരാജയത്തിനുമെല്ലാം പ്രധാന കാരണം. ലോകത്ത്‌ ഉടനീളമുള്ള മുസ്ലിംകളില്‍ അല്‍പസ്വല്‍പം സാമ്പത്തിക ശേഷിയുള്ളവരെല്ലാം ഇപ്പോള്‍ സാമ്രാജ്യത്വ പക്ഷത്തുള്ള പാശ്ചാത്യരാഷ്ട്രങ്ങള്‍ വിപണിയിലിറക്കുന്ന ആഡംബര വസ്തുക്കള്‍ വാങ്ങിക്കൂട്ടാന്‍ വെമ്പല്‍ കൊള്ളുന്ന കാഴ്ചയാണ്‌ നാം കാണുന്നത്‌. കണ്ണഞ്ചിപ്പിക്കുന്ന ഉല്‍പന്നങ്ങളില്‍ മൂല്യമുള്ളവ മാത്രം സ്വീകരിക്കാനും അല്ലാത്തവ തിരസ്കരിക്കാനുമുള്ള പക്വത പ്രകടിപ്പിക്കുന്നവര്‍ ന്യൂനാല്‍ ന്യൂനപക്ഷം മാത്രം. പാശ്ചാത്യ രാഷ്ട്രങ്ങള്‍ വലിയ വിലയിട്ട്‌ വിപണിയിലിറക്കുന്ന ഉല്‍പന്നങ്ങള്‍ പൊങ്ങച്ചത്തിന്റെ പേരില്‍ ശേഖരിക്കുകയും അതിന്റെ പേരില്‍ പെരുമ പറഞ്ഞു നടക്കുകയും ആ ഉല്‍പന്നങ്ങള്‍ക്ക്‌ യഥാര്‍ഥ മൂല്യമുണ്ടോ എന്ന്‌ ഒരിക്കല്‍ പോലും വിലയിരുത്താതിരിക്കുകയും ചെയ്യുന്ന മൂഢശിരോമണികളുടെ സംഖ്യ മുസ്ലിം ലോകത്ത്‌ വര്‍ധിച്ചുകൊണ്ടിരിക്കുകയാണ്‌. തിന്മയുടെ തിരസ്കാരത്തിലും നന്മയുടെ സ്വീകാരത്തിലുമാണ്‌ യഥാര്‍ഥ മൂല്യമുള്ളതെന്ന അവബോധം സമൂഹത്തില്‍ രൂഢമൂലമാക്കിയാലേ പ്രവാചക ശിഷ്യന്മാര്‍ ആര്‍ജിച്ച യശസ്സും ധന്യതയും ജീവിതത്തില്‍ തിരിച്ചുകൊണ്ടുവരാന്‍ നമുക്ക്‌ കഴിയുകയുള്ളൂ.

-ചെറിയമുണ്ടം അബ്ദുല്‍ഹമീദ്‌

ശബാബ്‌ വാരിക

പുസ്തകം 32, ലക്കം 20,

2008 ഡിസംബര്‍ 26

ഈദ് മുബാറക്

2008-09-29T23:42:00.000+05:30

പുണ്യങ്ങള്‍ പൂത്തുലഞ്ഞ
ദിനരാത്രങ്ങള്‍ പെയ്‌തൊഴിഞ്ഞു...

സഹനത്തിന്റെ, സാമൂഹ്യബോധത്തിന്റെ
വികാര-വിചാര നിയന്ത്രണങ്ങളുടെ
‘പരിച’യുമായി ‘റയ്യാനി’ലൂടെ
അന്തിമ വിജയത്തീലേക്ക്...

പശിയുടെ പ്രയാസവും ദൈന്യതയും
അനുഭവിച്ചറിഞ്ഞ്
പെയ്‌തൊഴിഞ്ഞ പുണ്യമഴയില്‍
ആവോളം നനഞ്ഞുകുതിര്‍ന്നവര്‍ക്ക്
ഉല്ലാസത്തിന്റെ ആനന്ദത്തിന്റെ
വരവറിയിച്ച് വീണ്ടും-
‘ശവ്വാല്‍’ പൊന്നമ്പിളി
വാനില്‍ തെളിഞ്ഞു...

“അല്ലാഹു അക്‍ബര്‍, അല്ലാഹു അക്‍ബര്‍, ....
.... .... വ ലില്ലാഹില്‍ ഹംദ്”

സര്‍വര്‍ക്കും ‘ഫിത്വ്‌ര്‍’ പെരുന്നാള്‍ ആശംസകള്‍!

സ്വാതന്ത്ര്യദിനാശംസകള്‍...

2008-08-14T18:09:00.000+05:30

ഖുര്‍‌ആന്‍ വിജ്ഞാന പരീക്ഷ

2008-08-13T16:26:00.000+05:30

വിജ്ഞാപനം

അപേക്ഷാ ഫോറം

പരീക്ഷാ കേന്ദ്രങ്ങള്‍

വക്കം മൌലവിയും കേരളത്തിലെ സാമൂഹ്യ നവോത്ഥാനവും

2008-07-25T20:15:00.000+05:30

മൌലവിയുടെ ആത്മീയമായ അശ്വമേധം അന്നത്തെ യാഥാസ്ഥിതിക കേന്ദ്രങ്ങളെ മുഴുവന്‍ വിറളി പിടിപ്പിച്ചുവെങ്കിലും അതില്‍ നിക്ഷിപ്ത താത്പര്യങ്ങളില്ലാത്ത യഥാര്‍ഥ സമുദായസ്നേഹികള്‍ അതിവേഗം അദ്ദേഹത്തിന്റെ പ്രവര്‍ത്തനങ്ങളില്‍ സജീവ പങ്കാളികളുമായിത്തീര്‍ന്നു. ഈ ദൌത്യം വിജയിക്കുന്നതിനനുസരിച്ച് സങ്കുചിതചിന്താഗതിക്കാരായ മുല്ലമാരും മറ്റു പുരോഹിതന്മാരും അവരുടെ സംരക്ഷകരും മൌലവിയെയും കൂട്ടുകാരേയും പറ്റി ദുഷ്പ്രചാരണങ്ങള്‍ നടത്തുവാന്‍ തുടങ്ങി. മൌലവിയുടെ വിദ്യാഭ്യാസ പ്രചരണപ്രവര്‍ത്തനങ്ങളുടെ ഫലമായി സമുദായത്തിലെ ഇരുള്‍ കോട്ടകള്‍ തകരുന്നതിനനുസരിച്ച് ശത്രുക്കളുടെ ദുഷ്പ്രചരണങ്ങളും ശക്തവും ഹീനവുമായിത്തീര്‍ന്നു. കാഫിറായിപ്പോലും അദ്ദേഹം മുദ്രകുത്തപ്പെട്ടു....

മുഴുവന്‍ വായിക്കുക.

കൂടുതല്‍ അറിയാന്‍:

VAKKOM MAULAVI - THE MAN WHO LED ISLAMIC RENAISSANCE IN KERALA A TRAIL BLAZER IN POLITICAL JOURNALISM

(അ)വിശ്വാസം‌‌- കാര്‍ട്ടൂണ്‍

2008-07-22T00:51:00.000+05:30

കടപ്പാട്:

വര്‍ത്തമാനം ദിനപത്രം

വര: മുരളി

സാമൂഹ്യശാസ്ത്ര പാഠപുസ്തകത്തിലെ വൈരുധ്യങ്ങള്‍

2008-07-09T03:01:00.000+05:30

സാമൂഹ്യശാസ്ത്ര പാഠപുസ്തകത്തിലെ വൈരുധ്യങ്ങള്‍